দৰং জিলা সাহিত্য সভাৰ সোণালী জয়ন্তী উদযাপন বৰ্ষসূচীৰ অন্তৰ্ভূক্ত দৰং জিলা সাহিত্য সভাৰ আজীৱন সভ্য সন্মিলন আৰু প্ৰফুল্ল নগৰ শাখা সাহিত্য সভাৰ ৰূপালী জয়ন্তী উৎসৱৰ শুভাৰম্ভণি অনুষ্ঠানটি দেওবাৰে অনুষ্ঠিত হয়। প্ৰফুল্ল নগৰ সাহিত্য সভাৰ উদ্যোগত প্ৰফুল্লনগৰস্থিত শ্ৰী শ্ৰী লক্ষ্মী মন্দিৰ প্ৰাঙ্গণত অনুষ্ঠিত হয় এই অনুষ্ঠান।দিনজোৰা কাৰ্যসুচীৰে অনুষ্ঠিত হোৱা কাৰ্যসূচীত পুৱা ৭-৩০ বজাত অৰুণ চন্দ্ৰ শৰ্মাৰ পৰিচালনাৰে পৰিৱেশ নিকাকৰণ , ৮-৩০ বজাত শ্ৰী শ্ৰী লক্ষ্মী মন্দিৰত বন্তি প্ৰজ্বলন কৰে মনোমতী দেৱীয়ে,পুৱা ৮-৫৫ বজাত দৰং জিলা সাহিত্য সভাৰ ভাৰপ্ৰাপ্ত সভাপতি বৰদা শইকীয়াই অসম সাহিত্য সভাৰ পতাকা আৰু ৯-১৫ বজাত প্ৰফুল্ল নগৰ সাহিত্য সভাৰ সভাপতি তিলক চন্দ্ৰ শৰ্মাই শাখা সাহিত্য সভাৰ ৰূপালী জয়ন্তী উদযাপনৰ শুভাৰম্ভণি অনুষ্ঠানৰ পতাকা উত্তোলন কৰে । ১০ বজাত দিনেশ চন্দ্ৰ গোস্বামীয়ে আদৰণি তোৰণ মুকলি,১০-১৫ বজাত কনক চন্দ্ৰ ডেকাই ৰূপালী জয়ন্তী উদযাপনৰ বন্তি প্ৰজ্বলন আৰু ১০-৩০ বজাত কুশেশ্বৰ ডেকাই স্মৃতি তৰ্পণ কৰে । ইয়াৰ পিছতে ১১-০০ বজাৰ পৰা দৰং জিলা সাহিত্য সভাৰ সম্পাদক তথা সোণালী জয়ন্তী উদযাপন সমিতিৰ সম্পাদক গৌতমানন্দ গোস্বামীয়ে আঁত ধৰা আকাশৰ শিল্পী সকলে পৰিবেশন কৰা চিৰ চেনেহী মোৰ ভাষা জননী … গীতেৰে আৰম্ভ হোৱা আৰু সোণালী জয়ন্তী উদযাপন সমিতিৰ কাৰ্যকৰী সভাপতি ড° ৰাম চন্দ্ৰ ডেকাই সঞ্চালনা কৰা মুকলি সভা উদ্বোধন কৰে মাজবাট মহাবিদ্যালয়ৰ প্ৰবক্তা প্ৰফুল্ল দেৱ শৰ্মাই ।দৰং জিলা সাহিত্য সভাৰ অৰ্ধশতাধিক আজীৱন সভ্যৰ উপৰিও শতাধিক সাহিত্য সেৱী উপস্থিত থকা সভাত দৰং জিলা সাহিত্য সভাৰ প্ৰাক্তন সভাপতি পৃথুৰাম বৰুৱা ,সোণালী জয়ন্তী উদযাপন সমিতিৰ উপ সভাপতি কুঞ্জ দেৱী,উপ সভাপতি বাসৱ চন্দ্ৰ ডেকা,আজীৱন সভ্য চক্ৰধৰ নাথ , বলোভদ্ৰ শৰ্মা, বিজয় কুমাৰ বৰুৱা, কালিন্দ্ৰ বৰুলা , মনেশ্বৰ ডেকা, হৰেন্দ্ৰ ৰাজবংশী, গৌতম শৰ্মা,নূৰল ইছলাম মণ্ডল,বাহাৰুল ইছলাম, চৰিফুল ইছলাম নিজৰ অনুভৱ ব্যক্ত কৰে ।সভাত ভবেন চন্দ্ৰ কলিতাৰ বাঁহী বাদন ,ইনুমা শৰ্মা, বাসৱ চন্দ্ৰ ডেকা, ভাৱতী নাথ , প্ৰিয়াংশী শিৱমৰ কবিতা পাঠ,গীতিমা চহৰীয়াৰ লোকগীত,জাৰ্জী প্ৰিয়া ডেকাৰ গীত ,অনুপমা দেৱীৰ ভূপেন্দ্ৰ সংগীত,মহিলা দাসৰ আধুনিক গীত,ভাৰ্গৱী ডেকাৰ চিয়াগীত, সোণালীজয়ন্তী উদযাপন সমিতিৰ উপ সভাপতি কুঞ্জ দেৱীৰ হাস্য ৰসীক অভিনয়, পৰিনীতা দাসৰ গীতে অনুষ্ঠানক অনন্য মাত্ৰা প্ৰদান কৰে । সভাৰ আৰম্ভনিতে সোণালী জয়ন্তী উদযাপন সমিতিৰ সম্পাদক ৰাণা আলম আৰু শাখা সাহিত্য সভাৰ সম্পাদক কুমুদ চন্দ্ৰ দাসে আদৰণি ভাষণ আৰু সভাৰ শেষত দৰং জিলা সাহিত্য সভাৰ কুঁহিৰ আহ্বায়ক প্ৰৱীন বৰুৱাই উপস্থিত সকলোকে শলাগৰ শৰাই আগবঢ়ায়।অসম সংগীতেৰে সভাৰ সামৰণি হয়।
Trending
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান