নামনি অসম তথা বিটিএডি এলেকাত চৰকাৰী ৰাজধানীৰ শাসন ক্ষমতালৈ যোৱা কেইবাদিনো ধৰি শাসকপক্ষ ইউপিপিএল আৰু বিপিএফ দলৰ মাজত চলি থকা ৰাজনৈতিক বাকযুদ্ধ ,কেন্দ্ৰীয় ৰাজ্য চৰকাৰৰ আকৰ্ষণ মূলক আলাপ-আলোচনা আদি মাজত সমগ্ৰ দেশ,উত্তৰ পূৰ্বাঞ্চল, অসম আৰু বিটিএডি এলেকা ৰাজনৈতিক ভাবে গৰম কৰি তোলাৰ সময়তে এইবাৰ আগন্তুক লোকসভা নিৰ্বাচনৰ প্ৰাকমুহূৰ্তত হাগ্ৰামা মহিলাৰীৰ বিপিএফ দলে আৰম্ভ কৰিছে দলীয় সাংগঠনিক সভা তথা বিশেষ ৰাজনৈতিক কুজকুৱাজ! মূলতঃ কোকৰাঝাৰ জিলাৰ ১নং পৰ্বতঝৰাৰ পৰা ওদালগুৰি জিলাৰ ভেৰগাঁও লৈ চলিব লগা উক্ত সাংগঠনিক সভা আজি গৌৰীপুৰ সমষ্টিৰ পৰ্বতঝৰাৰ পৰা আৰম্ভ কৰে বিপিএফ দলৰ এম চি এল এ মুনমুন ব্রহ্মই ।আৰু যুৱ বিপিএফ ৰ কেন্দ্ৰীয় উপ সভাপতি লক্ষীৰাম বড়োৰ সঞ্চালনাত অনুষ্ঠিত হোৱা সভাত পৰ্বতঝৰা সমষ্টিৰ এম চি এল এ মুনমুন ব্ৰহ্ম ,যুৱ বিপিএফৰ কেন্দ্ৰীয় সাধাৰণ সম্পাদক শৰৎ চন্দ্ৰ দাস,আদি দলীয় নেতৃবৃন্দ অংশগ্ৰহণ কৰি ভাষণ দিয়ে।প্ৰায় সহস্ৰাধিক নেতা-কৰ্মী অংশগ্ৰহণ কৰা সভাই অনাগত দিনত বিপিএফ দলটো শক্তিশালী কৰি গঢ়ি তোলাৰ পণ লয়।
বাতৰি যুগুতালে প্ৰফুল্ল কুমাৰ দাসে।
