কামৰূপ মহানগৰ জিলা পথ-সুৰক্ষা সমিতিৰ এখন গুৰুত্বপূৰ্ণ সভা আজি জিলা উপায়ুক্ত পল্লৱ গোপাল ঝাৰ সভাপতিত্বত অনুষ্ঠিত হয়। জিলা উপায়ুক্তৰ সভাগৃহত বিয়লি চাৰি বজাৰ পৰা অনুষ্ঠিত সভাখনত জিলা পথ-সুৰক্ষা সমিতিৰ লগত জড়িত জিলাখনৰ বিভিন্ন বিভাগৰ বিষয়াসকল উপস্থিত থাকে। সভাত উপস্থিত থাকি জিলা উপায়ুক্ত পল্লৱ গোপাল ঝাই ৰাষ্ট্ৰীয় ঘাইপথ আৰু ইয়াৰ লগত সংযোগী অনান্য পথসমূহত শেহতীয়াকৈ বৃদ্ধি হোৱা যানজঁট শীঘ্ৰেই নিয়ন্ত্ৰণ কৰি এক সূচল যাতায়াত ব্যৱস্থা গঢ়ি তোলাৰ লগতে মহানগৰীত থকা ব্লেক স্পটসমূহ চিনাক্ত কৰি জিলা পথ-সুৰক্ষা সমিতিৰ অৱগত কৰিবলৈ ট্ৰেফিকৰ লগতে সংশ্লিষ্ট বিভাগসমূহক নিৰ্দেশ দিয়ে। ইফালে আই পি এলৰ বাবে মহানগৰীলৈ আগমন হোৱা খেলুৱৈসকলৰ যাতায়াতৰ বাবে বিমানবন্দৰৰ পৰা ৰেডিছন ব্লু, বিমান বন্দৰৰ পৰা হোটেল তাজ, ৰেডিছন ব্লুৰ পৰা বৰ্ষাপাৰা ষ্টেডিয়াম আৰু হোটেল তাজৰ পৰা বৰ্ষাপাৰা ষ্টেডিয়াম সংযোগী নিদিষ্ট পথসমূহত প্ৰতিটো মুহূৰ্ততে শৃংখলাবদ্ধ আৰু সুৰক্ষিত যাতায়াত ব্যৱস্থা গঢ়ি তুলিবলৈ জিলা উপায়ুক্ত গৰাকীয়ে নিৰ্দেশ দিয়ে ৷ একেদৰে দেশৰ ৰাষ্ট্ৰপতি আৰু প্ৰধানমন্ত্ৰীৰ আগন্তুক অসম ভ্ৰমণৰ সময়ত নিচিদ্ৰ যাতায়াত ব্যৱস্থা গঢ়ি তোলাৰ বাবে ট্ৰেফিকসহ অনান্য বিভাগসমূহক নিৰ্দেশ দিয়ে ৷ এমভিআই, লোকনিৰ্মাণ বিভাগৰ পথ নিৰ্মাণকে ধৰি অনান্য বিভাগৰ বিষয়াৰে গঠিত দুৰ্ঘটনা অনুসন্ধানকাৰী দল পূৰ্বতকৈ অধিক সষ্টম কৰি দূৰ্ঘটনা বিষয়ক সকলো অনুসন্ধান পুংখানুপুংখভাৱে অব্যাহত ৰাখি জিলা পথ-সুৰক্ষা সমিতিক অৱগত কৰি থাকিবলৈয়ো জিলা উপায়ুক্ত গৰাকীয়ে আহ্বান জনায় ৷ পথ-সুৰক্ষা সমিতিৰ গুৰুত্বপূৰ্ণ সভাখনত সহকাৰী পৰিবহণ আয়ুক্ত তথা অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাস, জিলা পথ-সুৰক্ষা সমিতিৰ সচিব তথা লোকনিৰ্মাণ বিভাগৰ কাৰ্যবাহী অভিযন্তা হেমন্ত দেউৰী ভড়ালী, ৰাষ্ট্ৰীয় পথ নিৰ্মাণকাৰী সংস্থাৰ বিষয়া কল্যাণ দত্ত, জিলা পৰিবহণ বিষয়া হিমাংশু কুমাৰ দাস, ৰফিকুল ইছলাম, যানবাহন পৰিদৰ্শক জয়সিং ৰংফাৰ, প্ৰৱৰ্তক পৰিদৰ্শক নিতু চেতীয়াকে ধৰি জিলা পথ-সুৰক্ষা সমিতিৰ লগত জড়িত বিভিন্ন বিভাগৰ বিষয়াসকল উপস্থিত থাকে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান