ভাৰতীয় জনতা যুৱ মৰ্চাৰ উদ্যোগত আজি সমগ্ৰ ৰাজ্যতে ডেৰ শতাধিক স্থানত বিনামূলীয়া স্বাস্থ্য পৰীক্ষা শিবিৰ আয়োজন কৰা হয় । উল্লেখযোগ্য যে, ভাৰতীয় জনতা পাৰ্টীৰ ৪৪ত্বম প্ৰতিষ্ঠা দিৱস উপলক্ষত ৬ এপ্ৰিলৰ পৰা ১৪এপ্ৰিল লৈকে সামাজিক ন্যা়য় সপ্তাহৰ লগত সংগতি ৰাখি ভাৰতীয় জনতা যুৱ মৰ্চা,অসম প্ৰদেশৰ উদ্যোগত কেতবোৰ সেৱামূলক কাৰ্যসূচী ৰূপায়ন কৰা হৈছে।আজি ৰাজ্যৰ ৩৯ খন বিজেপিৰ সাংগঠনিক জিলাত ১৬৭ টা স্থানত বিনামূলীয়া স্বাস্থ্য পৰীক্ষা শিবিৰ অনুষ্ঠিত হৈ যায়।যুৱ মৰ্চাৰ ৰাজ্যিক কাৰ্য্যালয়ৰ পৰা প্ৰেৰিত এক প্ৰেছ বিজ্ঞপিৰ জৰিয়তে সদৰি কৰে যে,সমগ্ৰ ৰাজ্যতে বিনামূলীয়া স্বাস্থ্য পৰীক্ষা শিবিৰৰ জৰিয়তে প্ৰায় এক তেৰ সহস্ৰাধিক গ্ৰামাঞ্চলৰ লোক উপকৃত হয়। আনহাতে সামাজিক ন্যায় সপ্তাহৰ লগত সংগতি ৰাখি যুৱ মৰ্চাৰ ৩৯ খন জিলা সমিতিৰ উদ্যোগত ৰাজ্যৰ বিভিন্ন প্ৰান্তত সহ ভোজৰ আয়োজন কৰা হৈছে।
বাক্সা জিলাৰ ভাৰত ভূটান সীমান্তৰ বাগানপাৰা মণ্ডলত ভাৰতীয় জনতা যুৱ মৰ্চা,বাক্সা জিলাৰ উদ্যোগত সামাজিক ন্যায় সপ্তাহ উপলক্ষে অনুষ্ঠিত চিকিৎসা শিবিৰত ভাৰতীয় জনতা যুৱ মৰ্চা, অসম প্ৰদেশৰ সভাপতি সিদ্ধাঙ্কু অংকুৰ বৰুৱাই উপস্থিত হৈ চিকিৎসা শিবিৰৰ পৰিদৰ্শন কৰাৰ লগতে ৰোগীসকলৰ খবৰ লয় আৰু একাংশ ৰোগীৰ উন্নত চিকিৎসাৰ বাবে যাৱতীয় ব্যৱস্থা গ্ৰহণ কৰে।ৰাজ্যিক সভাপতি বৰুৱাৰ সৈতে উপস্থিত থাকে যুৱ মৰ্চাৰ ৰাজ্যিক উপ-সভাপতি দ্বয় জোনজ্যোতি কাশ্যপ আৰু ধ্ৰুম বসুমতাৰী,ৰাজ্যিক সম্পাদক ঈশান ভৰালী, সহঃ কোষাধক্ষ্য নিতুল ঠাকুৰীয়া,সামাজিক মাধ্যম আহ্বায়ক ঋতুপৰ্ণ ডেকা, জিলা যুৱ মৰ্চাৰ সভাপতি অঞ্জন ডেকা।
