জেএছএফৰ ৰাষ্ট্ৰীয় দলৰ উত্তৰ পূৰ্বাঞ্চল ভ্ৰমণ

জনবিষ্ফোৰণ আৰু অসন্তোলিত জনগাঠঁনি বৃদ্ধিৰ ভয়াবহতাৰ প্ৰতি লক্ষ্য ৰাখি দেশত শিঘ্ৰে এখন কঠোৰ জনসংখ্যা নিয়ন্ত্ৰণ আইনৰ প্ৰণয়ন আৰু ৰূপায়ণৰ দাবীত জনসংখ্যা সমাধান ফাউণ্ডেচনে (জেএছএফ) যোৱা ১১ বছৰে কৰি অহা আন্দোলনৰ প্ৰতি সঁহাৰি জনাই কেন্দ্ৰৰ মোদী চৰকাৰে বিষয়টোৰ ওপৰত প্ৰতিবেদন প্ৰস্তুত কৰিবলৈ নতুন চৰকাৰ গঠন হোৱাৰ ছয় মাহৰ ভিতৰত এখন উচ্চ স্তৰীয় সমিটি গঠন কৰিব বুলি সন্মতি প্ৰদান কৰে। সংশ্লিষ্ট আইন খন ৰূপায়ণ নোহোৱা পৰ্যন্ত জনসংখ্যা আন্দোলন যাতে পুৰ্ণ গতিত ধাৰাবাহিক ভাবে চলি থাকে, তাৰ বাবে দেশৰ সমূহ প্ৰদেশ আৰু কেন্দ্ৰীয় শাসিত অঞ্চলত জনজাগৰণ সৃষ্টি কাৰ্যসূচী গ্ৰহণ আৰু সাংগঠিনিক শক্তিৰ বৃদ্ধিৰ উদ্দেশ্য লৈ, জেএছএফৰ ৰাষ্ট্ৰীয় সভাপতিৰ নেতৃত্বত এটি দলে ২৪ জুন তাৰিখৰ পৰা উত্তৰ পূৰ্বাঞ্চলৰ প্ৰতিখন ৰাজ্য যথাক্ৰমে ছিকিম, অসম, অৰুণাচল, নগালেণ্ড, মেঘালয়, মিজোৰাম আৰু ত্ৰিপুৰা ভ্ৰমণ কৰি ২ জুলাই তাৰিখে দিল্লীলৈ উভতি যাব। ৰাষ্ট্ৰীয় দলটোৰ ১০ দিনীয়া ভ্ৰমণ সূচীৰ সমন্বয় আৰু তদাৰকৰ দায়িত্বত আছে জেএছএফৰ ৰাষ্ট্ৰীয় সাধাৰণ সম্পাদক তথা উত্তৰ পূৰ্বাঞ্চলৰ মুৰব্বী হৰেন্দ্ৰ বৰা আৰু মহিলা শক্তিৰ ৰাষ্ট্ৰীয় সাধাৰণ সম্পাদিকা তথা উত্তৰ পুৰ্বাঞ্চলৰ আহবায়িকা শ্ৰীমতী ৰঞ্জিতা ৰাজ। দেশৰ ঐক্যতা, অখণ্ডতা, শান্তি আৰু প্ৰগতিৰ বাবে সমৰ্পিত জেএছএফৰ ৰাষ্ট্ৰীয় প্ৰতিনিধি দলটোৱে উত্তৰ পুৰ্বাঞ্চলৰ ৰাইজৰ সমৰ্থন আশা কৰিছে।