আঞ্চলিক বতৰ বিজ্ঞান কেন্দ্ৰৰ উদ্যোগত বক্তৃতানুষ্ঠান আৰু বিজ্ঞান সজাগতামূলক কাৰ্যসূচী

গুৱাহাটীৰ পশ্চিম প্ৰান্তৰ বৰঝাৰস্থিত আঞ্চলিক বতৰ বিজ্ঞান কেন্দ্ৰ, গুৱাহাটীৰ উদ্যোগত ৯ মাৰ্চত আন্তৰ্জাতিক নাৰী দিৱস পালন কৰা হয় । বিশেষকৈ “Give to Gain” বাণী বিষয়ত গুৰুত্ব আৰোপ কৰি আয়োজিত আন্তৰ্জাতিক নাৰী দিৱসৰ কাৰ্যসূচীৰ আৰম্ভণিতে গুৱাহাটীৰ পামহীস্থিত পৰিজাত একাডেমীত শিক্ষাৰ্থী সকলৰ মাজত আগবেলা এক বতৰ বিজ্ঞানৰ সচেতনতা প্ৰচাৰ কাৰ্যসূচী হাতত লোৱা হয় । আঞ্চলিক বতৰ বিজ্ঞান কেন্দ্ৰ, গুৱাহাটীৰ মুৰব্বী ডঃ সঞ্জয় ও’নীল শ্বই শিক্ষাৰ্থী সকলক বতৰ বিজ্ঞানৰ যন্ত্ৰসমূহৰ প্ৰদৰ্শনী আৰু বতৰ সেৱাসমূহৰ বিষয়ে এক সংক্ষিপ্ত বাখ্যা দাঙি ধৰে। আনহাতে বিয়লি আঞ্চলিক বতৰ বিজ্ঞান কেন্দ্ৰৰ আলোচনা গৃহত এখন বিশেষ বক্তৃতানুষ্ঠানৰ আয়োজন কৰা হয়। অনুষ্ঠানত অতিথি বক্তা ৰূপে উপস্থিত থাকি গুৱাহাটীৰ বি বৰুৱা কলেজ মহাবিদ্যালয়ৰ অৱসৰপ্ৰাপ্ত সহযোগী অধ্যাপিকা ডঃ জ্যোতি ৰাণী বৰাই ‘Give to Gain’ বিষয়ত মহিলাসকলৰ উন্নয়নৰ ক্ষেত্ৰত সহযোগিতাৰ প্ৰয়োজনীয়তা” শীৰ্ষক বক্তৃতা আগবঢ়ায় । অনুষ্ঠানৰ আঁত ধৰে কনিষ্ঠ অনুবাদ বিষয়া ৰাজা শ্বই ।