বিগত প্ৰায় দুই সপ্তাহ ধৰি মাজে সময়ে আহি থকা বৰষুণ জাকে ৰাইজক ধূলিৰ পৰা বহুখিনি সকাহ দিছে। বিশেষকৈ ধূলি গৰমৰ প্ৰকোপৰ পৰা ৰাইজে সাময়িক ভাৱে কিছু হ’লেও সকাহ লাভ কৰিছে ।বৰঝাৰস্থিত আঞ্চলিক বতৰ বিজ্ঞান কেন্দ্ৰই আজি সন্ধিয়া সদৰি কৰা অনুসৰি অসমকে ধৰি উত্তৰ পূৰ্বাঞ্চলৰ কেবাখনো ৰাজ্যত অহা চাৰিদিন অৰ্থাৎ ২৬ মাৰ্চ পৰ্যন্ত বেচিভাগ ঠাইতে পাতলীয়া আৰু ঠাইবিশেষে মজলীয়াৰ পৰা ধাৰাষাৰ পৰিমাণৰ বৰষূণ হৈ থাকিব বুলি আগজাননী দিছে । বতৰ বিজ্ঞান কেন্দ্ৰৰ তথ্য অনুসৰি অনুসৰি পূব বাংলাদেশৰ আকাশত হঠাতে সৃষ্টি হোৱা নিম্নচাপৰ বাবে বাংলাদেশৰ আকাশৰে দক্ষিণ অসম হৈ ঘূর্ণিয়মান বায়ু প্ৰৱেশ কৰিছে। । যাৰ বাবে বিগত কিছুদিন ধৰি অসমৰ বেচিভাগ ঠাইতে আকাশ মেঘছন্ন হৈ থকাৰ লগতে বৰষুণ হৈ আছে ।এই পৰিস্থিতি ২৬ মাৰ্চ পৰ্যন্ত অপৰিবৰ্তনীয় হৈ থাকিব । লগতে ঠাইবিশেষে গাজনী , ঢেৰেকনীৰ সৈতে ধুমুহা বতাহ আহিব পাৰে বুলিও কেন্দ্ৰই আশঙ্কা ব্যক্ত কৰিছে । বৰষুণ অহাৰ বাবে কৃষক ৰাইজেও বহু সকাহ লাভ কৰিছে। বৰঝাৰস্থিত আঞ্চলিক বতৰ বিজ্ঞান কেন্দ্ৰৰ তথ্য অনুসৰি আগন্তুক চাৰিটা দিনত অসমৰ মেঘালয় , অৰুণাচল প্ৰদেশ ,ভূটানৰ সীমান্তবৰ্তী অঞ্চলসমূহ আৰু ডিমা হাছাও জিলাৰ কেতবোৰ ঠাইত গাঁজনী , ঢেৰেকনি , বজ্ৰপাতৰ সৈতে বৰষুণ হোৱাৰ সম্ভাৱনা আছে। আজি সন্ধিয়া পৰ্যন্ত বিগত ২৪ ঘণ্টাত উত্তৰ-পূবৰ ভিতৰত সৰ্বাধিক ৯০ মিঃমিঃ বা ৯ চেণ্টিমিটাৰ পৰিমাণৰ বৰষুণ হৈছে অসমৰ বৰাক উপত্যকাৰ জিৰিবামত । তাৰ পাছত ধেমাজি, ডিফু চহৰত ৭ চেণ্টিমিটাৰ পৰিমাণৰ বৰষুণ হৈছে। একেদৰে ৰাজ্যৰ বেছিভাগ ঠাইতে ১ ৰ পৰা ৪ চেণ্টিমিটাৰ পৰ্যন্ত বৰষুণ হৈছে। ইফালে বৰষুণ আহি থকা বাবে অসমৰ সকলো ঠাইতে সৰ্বাধিক তাপমাত্ৰা ২ ৰ পৰা ৫ ডিগ্ৰী চেলচিয়াছ তললৈ নামি অহাত ৰাইজে মাৰ্চ মাহৰ তিনিটাকৈ সপ্তাহ পাৰ হৈ যোৱাৰ পাছতো জানুৱাৰী মাহৰ দৰে শীত অনুভব কৰিবলগীয়া হৈছে। উল্লেখ্য যে বৰষুণ আহি থকা বাবে ৰাজ্যত চলি থকা বিধানসভাৰ নিৰ্বাচনী প্ৰচাৰ অভিযানত কিছু বাধাৰ সৃষ্টি হোৱা পৰিলক্ষিত হৈছে।
Trending
- এয়াৰটেল ইনছাইডাৰৰ জৰিয়তে গ্ৰাহকে লাভ কৰিব ৩০,০০০ টকাতকৈ অধিক মূল্যৰ বিশেষ সুবিধা
- ৰাষ্ট্ৰীয় প্ৰেছ দিৱস উপলক্ষে গুৱাহাটী প্ৰেছ ক্লাবত আন্তঃ সংবাদ মাধ্যম কুইজ প্ৰতিযোগিতা
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ
- NSE Electronic Gold Receipts (EGRs) Witnesses Record Trading Volumes on the occasion of Dhanteras