আজি পবিত্ৰ ঈদ-উজ-জোহা। সমগ্ৰ বিশ্বৰ ইছলাম ধৰ্মাৱলম্বী লোক সকলে এই উৎসৱ পালন কৰিছে। ভাতৃত্ববোধ, ত্যাগ আৰু ঐক্য-সংহতিৰ চানেকি বহন কৰা এই উৎসৱত ৰাজ্যৰ বিভিন্ন প্ৰান্তত প্ৰশাসনৰ সহযোগত ঈদৰ নামাজ সম্পন্ন হয়। দেশৰ সকলো জনগোষ্ঠীৰ মাজত এক শান্তিৰ বাতাবৰণ কঢ়িয়াই অনাৰ পৰম আশাৰে সমগ্ৰ ইছলাম ধৰ্মাৱলম্বী লোকসকলে পবিত্ৰ ঈদ পালন কৰিছে। এই উৎসৱক কেন্দ্ৰ কৰি সৃষ্টি হৈছে ঈদগাহ মৈদান বোৰত ওখল-মাখল পৰিবেশৰ। আনন্দ উৎসৱৰ দিনা পুৱাতে উঠি সকলোৱে ফজৰৰ নামাজ পঢ়ি কৰি কৱৰস্থানত গৈ মৃতকৰ আত্মাৰ শান্তি বিচাৰি ভগবান বা আল্লাহৰ ওচৰত দোৱা মাগে। সকলোৱে ওচৰ চুবুৰীয়াৰ ঘৰত গৈ মিঠাই খাই নতুন নতুন সাজ পাৰ পিন্ধি ঈদ উজ জোহাৰ দুই ৰাকাত নামাজ পঢ়াৰ কৰাৰ উদ্দেশ্যেৰে ঈদগাহ মৈদানলৈ ৰাওনা হয়। আনন্দত ইজনে সিজনক আলিংগন কৰে। দুই ৰাকাত ঈদৰ নামাজ পঢ়ি কোৰবানীত অংশ লয়। তাৎপৰ্য্যপূৰ্ণ কথা হ’ল বৰ্তমান অত্যাৱশ্যকীয় সামগ্ৰীৰ আকাশলংঘী মূল্য বৃদ্ধিয়ে সকলোকে আৰ্থিক দিশত যথেষ্ট পৰিমাণে জুৰুলা কৰিলেও দিয়াত ঈদৰ আনন্দ-উছাহত ভালেখিনি ম্লান হোৱা নাই। ঈদ-উজ-জোহাৰ প্ৰাকক্ষণত ঈদগাহ পৰিচালনা কমিটিবোৰে ঈদগাহ ময়দান আৰু মছজিদসমূহ আটকধুনীয়াকৈ সু-সজ্জিত কৰি তোলাৰ উপৰিও ঠায়ে ঠায়ে তোৰণ আদি স্থাপনেৰে ঈদ-উজ-জোহাৰ শুভেচ্ছা জনোৱাৰ লগতে চৌপাশে এক মনোমোহা পৰিবেশৰ উদ্ভৱ হোৱা দেখিবলৈ পোৱা গৈছে। ইফালে, নিজৰ পৰিয়াল তথা প্ৰিয়জনক বস্ত্ৰ উপহাৰ দিয়া আৰু পবিত্ৰ ঈদ-উজ-জোহাৰ দিনটোত এসাজ ভালদৰে খোৱাৰ উদ্দেশ্যে দোকান-বজাৰৰ প্ৰতিটো গলিয়ে গলিয়ে আজি যথেষ্ট ভিৰ কৰা পৰিলক্ষিত হয়।
Trending
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী