ভাৰত চৰকাৰৰ প্ৰতিৰক্ষা মন্ত্ৰালয়ৰ অধীনৰ সীমান্ত পথ সংগঠনৰ গুৱাহাটী লংকেশ্বৰস্থিত পূব মণ্ডল মুখ্য কাৰ্য্যালয়ত ১১মাৰ্চত পূব মণ্ডলৰ অধীনৰ বিভিন্ন প্ৰকল্পৰ মুখ্য অভিযন্তা আৰু সঞ্চালকৰ সৈতে পূব মণ্ডলৰ অতিৰিক্ত সঞ্চালক প্ৰধানৰ এখন বৈঠক অনুষ্ঠিত হয়।বৈঠকখনত অধ্যক্ষতা কৰে বি আৰ অৰ পূব মণ্ডলৰ উপপ্ৰধান আৰ কে সাহা, নতুন দিল্লীস্থ সঞ্চালক প্ৰধানৰ কাৰ্য্যালয়ৰ উপ সঞ্চালক প্ৰধান পি এল যাদৱ, সঞ্চালক এছ কে দেওৰা, এন দিক্ষিত উপস্থিত থাকে।আনহাতে বৈঠকত এ ডি জিৰ নিৰ্মাণ কাৰ্য্য চলি থকা পথ, দলং, সুৰংগ আদিৰ কাম কাজৰ অগ্ৰগতিৰ বুজ লোৱাৰ লগতে সকলো নিৰ্মাণ কাৰ্য্য নিৰ্দ্ধাৰিত সময়ত সম্পন্ন হয় তাৰ প্ৰতি নজৰ ৰাখিবলৈ প্ৰকল্প সমূহৰ মুখ্য অভিযন্তা আৰু দায়িত্ববাহী সঞ্চালক সকলক আহ্বান জনায়।