বিগত বছৰৰ দৰে এইবাৰো উলহে মালহে উদযাপিত হ’ব অম্বুবাচী মেলা ।এইবাৰ ২২জুনৰ পৰা ২৫ জুনলৈ কামাখ্যাত অম্বুবাচী মেলা অনুষ্ঠিত হ’ব ।অম্বুবাচী মেলাৰ প্ৰস্তুতিৰ সম্পৰ্কত আজি অসম পৰ্যটন নিগমৰ প্ৰেক্ষাগৃহত অনুষ্ঠিত হোৱা এক সংবাদ মেলত অসম পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱাই এনেদৰে কয়-২২ জুনৰ বিয়লি ৪বজাৰ পৰা অম্বুবাচী মেলাৰ শুভাৰম্ভ হ’ব ।শুভাৰম্ভ অনুষ্ঠানত কেন্দ্ৰীয় চৰকাৰৰ পৰ্যটন মন্ত্ৰী উপস্থিত থাকিব ।ভক্ত সকলৰ বাবে গুৱাহাটীৰ ৪ঠাইত কেম্পৰ ব্যৱস্থা কৰাৰ কথা জানিবলৈ দি কয় যে সৰ্ববৃহৎ কেম্প ফাঁচী বজাৰত হ’ব।সৰ্বোচ্চ প্ৰায় ২৫হাজাৰ মানুহে কেম্পত থাকিব পাৰিব।আন ৩টা কেম্পৰ ব্যৱস্থা পাণ্ডু, বৰিপাৰা, নাহেৰবাৰীত হ’ব ।ভক্তসকলে এক সংগীতময় পৰিবেশৰ মাজেৰে খোজ কাঢ়ি যোৱা ব্যৱস্থা কৰা হৈছে ।উমানন্দ দৰ্শনৰ অৰ্থে যোৱাৰ বাবে বিশেষ ফেৰীৰ ব্যৱস্থা থাকিব ।এইবাৰ বিশেষকৈ জোতা চেণ্ডেল ৰখাৰ বাবে সুবিধা কৰা হৈছে ।চাফচিকুণতা আৰু খাদ্যৰ পৰিস্কাৰতাক বিশেষভাৱে প্ৰাধান্য দিয়া হৈছে ।ভক্তসকলৰ যাতায়তৰ বাবে বাংগালোৰ আৰু বেনাৰচ হৈ দুখন ট্ৰেইনৰ ব্যৱস্থা কৰা হৈছে ।দিল্লী, কলিকতা বিমান বন্দৰত প্ৰচাৰ কাৰ্য্য কৰাৰ কথা জানিবলৈ দিয়ে ।পূৰ্বৰ দৰে লেজাৰ পদ্ধতিৰে ভক্তৰ সমাগম গণনা কৰা হৈছে ।দিবাংগ আৰু বৃদ্ধ সকলৰ বাবে বিশেষ গাড়ীৰ ব্যৱস্থা থকাৰ কথা জানিবলৈ দিয়ে ।উল্লেখযোগ্য যে এইবাৰ দেৱী ভাগৱত কথা অনুষ্ঠিত হোৱাৰ কথা জানিবলৈ দিয়ে ।স্মতব্য যে ২৬জুনৰ পুৱা অম্বুবাচী মেলাৰ নিবৃত্তি হ’ব।
২১ জানুৱাৰীৰ পৰা বোকাখাতত তিনিদিনীয়াকৈ অনুষ্ঠিত হ’ব কৃষি আৰু উদ্যান শস্যৰ ৰাষ্ট্ৰীয় মেলা
বোকাখাতত প্ৰথমবাৰৰ বাবে অনুষ্ঠিত হ’ব আন্তঃৰাষ্ট্ৰীয় (ভাৰ্চুৱেল) অংশ গ্ৰহণেৰে ৰাষ্ট্ৰীয় কৃষি আৰু উদ্যান শস্য মেলা ২০২১ ৷ তাৰ বাবে বোকাখাত ৰাজহুৱা খেল পথাৰত চলিছে যুদ্ধকালীন প্ৰস্তুতি ৷ ৰাজ্যৰ কৃষি বিভাগৰ উদ্যোগত অনুষ্ঠিত হ’ব লগা এই মেলা অহা ২১,২২ আৰু ২৩ জানুৱাৰীত অনুষ্ঠিত হ’ব ৷ মেলাত দেশৰ বিভিন্ন প্ৰান্তৰ বিপনীয়ে অংশ ল’ব ৷ শনিবাৰে বিয়লি স্থানীয় বিধায়ক তথা ৰাজ্যৰ কৃষিমন্ত্ৰী অতুল বৰাই অগ্ৰগতিৰ বুজ লয় ৷ কৃষি আৰু উদ্যান শস্যৰ সঞ্চালক মঃ জেলিলৰ লগতে কৃষি বিভাগৰ মুখ্য সচিব ৰাজেশ প্ৰসাদৰ উপৰিও জিলা আৰু মহকুমা প্ৰশাসনৰ বিষয়া বৰ্গ উপস্থিত থাকে ৷ এই মেলাত এইবাৰ ক`ভিডৰ বাবে বহিঃৰাষ্ট্ৰৰ বিপনীয়ে অংশ নল’ব যদিও আন্তঃৰাষ্ট্ৰীয় (ভাৰ্চুৱেল) অংশ গ্ৰহণ অনুষ্ঠিত হ’ব ৷ লগতে দিল্লীস্থিত বহিঃৰাষ্ট্ৰৰ ৰাষ্ট্ৰদূত সকলৰ লগতে কেন্দ্ৰীয় কৃষিমন্ত্ৰীগৰাকীক আমন্ত্ৰণ জনোৱাৰ ব্যৱস্থা কৰিছে যদিও এতিয়াও তেওঁলোকৰ নিমন্ত্ৰণ নিশ্চিত হোৱা নাই বুলি মন্ত্ৰীগৰাকীয়ে জনাইছে ৷ মেলাত বহিঃ ৰাজ্যৰ পৰা অহিব লগা অত্যাধুনিক কৃষি সামগ্ৰী প্ৰদৰ্শনৰ লগতে ৰাজ্যৰ কৃষকে প্ৰশিক্ষণ লাভ কৰিব পাৰিব বুলি সদৰি কৰে কৃষিমন্ত্ৰীগৰাকীয়ে ৷ তাৰোপৰি ৰাজ্যৰ কৃষকসকল উপকৃত হ’ব পৰাকৈ কেইখনো আলোচনাচক্ৰ অনুষ্ঠিত হ’ব ৷ অহা ২১ জানুৱাৰীত মুখ্যমন্ত্ৰী সৰ্বানন্দ সোনোৱালে মেলাখন আনুষ্ঠানিকভাৱে মুকলি কৰিব বুলি জনালে কৃষিমন্ত্ৰী অতুল বৰাই ৷ বোকাখাত ৰাজহুৱা খেলপথাৰত অনুষ্ঠিত মেলাত প্ৰতিদিনে স্থানীয় আৰু আমন্ত্ৰিত কন্ঠশিল্পীসকলৰ দ্বাৰা সাংস্কৃতিক কাৰ্যসূচীও অনুষ্ঠিত হ’ব ৷ ইয়াৰ পূৰ্বে এই মেলা গুৱাহাটী আৰু ডিব্ৰুগড়ত অনুষ্ঠিত কৰিছিল যদিও ২০২০ বৰ্ষটিত ক’ৰণা সৃষ্ট পৰিৱেশৰ বাবে অনুষ্ঠিত কৰিব পৰা নাছিল ৷
খবৰ যুগুতালে বোকাখাতৰ পৰা দিব্যজ্যোতি হাজৰিকাই ৷
ভিউৱাছৰ মতামত