এন আৰ এলে পাৰাদ্বীপত অপৰিশোধিত তেল টাৰ্মিনেল স্থাপনৰ বাবে ভূমি আৱণ্টিত কৰিলে

এন আৰ এলে পাৰাদ্বীপত অপৰিশোধিত তেল টাৰ্মিনেল স্থাপন কৰিবৰ বাবে ভূমি আৱণ্টিত কৰিছে।এন আৰ এলৰ মেগা সংহত শোধনাগাৰ সম্প্ৰসাৰণ প্ৰকল্প বাস্তৱায়িত কৰাৰ উদ্দেশ্যে সন্মিলিত পথযাত্রাৰ আজি এটি মাইলৰ খুটি অৰ্জন কৰিছে।পাৰাদ্বীপত এন আৰ এলৰ ক্ৰুড অইল স্থাপনৰ কাৰণে দীৰ্ঘকালীন লীজত লৈ পাৰাদ্বীপ প’ৰ্ট ট্ৰাষ্টৰ দ্বাৰা নুমলিগড় ৰিফাইনাৰী লিমিটেডক ২০০ একৰ মাটি দিয়া হৈছিল।এই সুবিধাতো এন আৰ এল ৩ ৰ পৰা ৯ এম এম টি পি এৰ ৰিফাইনাৰী সম্প্ৰসাৰণৰ পূৰ্বে প্ৰয়োজনীয়তা পূৰণৰ কাৰণে পাৰাদ্বীপ বন্দৰত অপৰিশোধিত তেল আমদানি কৰাত সক্ষম হ’ব।ভুৱনেশ্বৰত আজি জ্যেষ্ঠ চি জি এম এন আৰ এলৰ এ পি চক্ৰৱৰ্তী আৰু উপ নিৰ্দেশকৰ মাজত এক এম অ এম স্বাক্ষৰিত হয়।পি পি টিৰ সচিব কে ত্ৰিমুলাৰ,পি পি টিৰ অধ্যক্ষৰ উপস্থিতিত ৰিংকেশ ৰায়,এম ডি এন আৰ এল এছ কে বেৰৱা,এন আৰ এলৰ নিৰ্দেশক বি জে ফুকন,বিত্ত নিৰ্দেশক আই মিত্ৰ আৰু উভয়ৰ উৰ্দ্ধতম কৰ্মকৰ্তাৰ সংগঠন।ভূমিৰ কাৰণে প্ৰাৰম্ভিক জমা হিচাপে এন আৰ এলৰ দ্বাৰা পি পি টিক ২০ কোটি টকা দিয়া হৈছিল।এন আৰ এলে চাৰে তিনি হাজাৰ কোটি টকাৰো অধিক টকাৰ বেছি প্ৰকল্পৰ সক্ষমতা তিনিগুণ কৰিবৰ বাবে এটা বৃহৎ ৰিফাইনাৰী প্ৰকল্প গ্ৰহণ কৰিছে।২২,০০০ কোটি ভাৰতৰ উত্তৰ পূবৰ সৰ্বাধিক বিনিয়োগ।স্মৰ্তব্য যে  প্ৰকল্পৰ কাৰণে ভাৰত চৰকাৰ তৰফৰ পৰা আনুষ্ঠানিক অনুমোদন  ২০১৯ জানুৱাৰীত প্ৰাপ্ত হৈছিল।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে