অসমৰ প্ৰথমটো ইতিবাচক খবৰৰ নিউজ পৰ্টেল এন ই ফ’কাচ ডট কমে ১৫ আগষ্টত ষষ্ঠ বৰ্ষত ভৰি দিব।এই বৰ্ষপূৰ্তিৰ লগত সংগতি ৰাখি ১৩ আগষ্টত মহানগৰীৰ হোটেল বৰাক ৰেচিডেন্সিত অনুষ্ঠিত হয় এক অনুষ্ঠান।অনুষ্ঠানত এন ই ফ’কাচ গ্লৰী এৱাৰ্ডে বিভূষিত কৰে অসমৰ সমাজ, সংস্কৃতি জগতলৈ অভূতপূৰ্ব বৰঙণি আগবঢ়োৱা ৰাজ্যৰ ৫ গৰাকীকৈ ব্যক্তি ।সেই সকলৰ ভিতৰত অসম সত্ৰ মহাসভাৰ প্ৰধান সম্পাদক তথা বিশিষ্ট সমাজ সেৱক কুসুম কুমাৰ মহন্ত,বিশিষ্ট সমাজ কৰ্মী তথা উদ্যোগী দিলৱাৰ হুছেইন, বিশিষ্ট চিকিৎসক তথা সৰ্প দৰ্শনৰ সামাজিক কৰ্মকতা ডাঃ সুৰজিৎ গিৰি আৰু ৰাষ্ট্ৰীয় পৰ্যায়ৰ মানৱ অধিকাৰ তথা সমাজকৰ্মী ড° দিব্যজ্যোতি শইকীয়া আৰু মহানগৰ জিলা পৰিবহন বিষয়া গৌতম দাস।আনহাতে এই অনুষ্ঠানতে মহানগৰ জিলা পৰিবহন বিষয়া হিমাংশু দাস,এন ই ফ’কাচ ডট কমৰ শিৱসাগৰৰ সাংবাদিক দিলিস্তান খান ,ছয়গাঁৱৰ সাংবাদিক জিতুমনি দাসক সম্বদ্ধনা জনায়। উল্লেখযোগ্য যে ১৫ আগষ্টত এন ই ফ’কাচ ডট কমে ৬ বছৰত ভৰি দিব ।যুৱ সাংবাদিক সংগীতা শইকীয়াই সম্পাদনাত চলি থকা এই পৰ্টেলটোৰ জৰিয়তে উদ্যমী সকলক এখন মঞ্চ দিবলৈ সক্ষম হৈছে। স্মৰ্তব্য যে এন ই ফ’কাচ ডট কমে মাজে সময়ে সামাজিক উৎকৰ্ষ সাধনৰ কৰ্মৰ লগত জৰিত হৈ আছে ।অনুষ্ঠানৰ আহ্বায়িকা তথা এন ই ফ’কাচ ডট কমৰ সম্পাদক সংগীতা শইকীয়াই কয় যে আগন্তুক দিনত এন ই ফ’কাচক আৰু প্ৰসাৰিত কৰাৰ চিন্তা চৰ্চা আছে।অনুষ্ঠানৰ লগত সংগতি ৰাখি অনুষ্কা দাস আৰু প্রিয়ংকা নাথে গীত পৰিবেশন কৰে।
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত