অসম পৰ্যটন ভৱনত অসম পৰ্যটন নিগমৰ অধ্যক্ষ জয়ন্ত মল্ল বৰুৱাই এখন সংবাদমেল আয়োজন কৰে।সংবাদমেলত তেখেতে কয় যে কালিলৈ অৰ্থাৎ ১৪ ফেব্ৰুৱাৰীত বহু কেইগৰাকী তাৰকা গুৱাহাটীত উপস্থিত হ’ব।ফিল্মফেয়াৰ এৱাৰ্ড অনুষ্ঠানত অংশগ্রহণ কৰিবলগীয়া তাৰকা কেইগৰাকীৰ ভিতৰত অক্ষয় কুমাৰ,ৰণবীৰ সিং,মাধুৰী দীক্ষিত,পৰিনীতি চোপ্ৰা,সিদ্ধান্ত চতুৰ্বেদী,আয়ুস্মান খোৰানা,ৰিচা চাদ্দা,ছানী লিয়নী,মনীষ পল,জাহ্নৱী অন্যতম।আসনৰ সংখ্যা ৭০০৬ খন।বলিউডত প্ৰতিষ্ঠিত জুবিন গাৰ্গ,আদিল হুছেইন,শতাব্দী ৰায় আদিয়ে অনুষ্ঠানত অংশগ্রহণ কৰিব।উল্লেখযোগ্য যে এই ফিল্মফেয়াৰ এৱাৰ্ড অনুষ্ঠানটো কৰণ জোহৰে আঁত ধৰিব।কালিলৈৰ পৰা অনুষ্ঠান পৰিবেশক সকলৰ অনুশীলন আৰম্ভ হ’ব।সাজ পোচাকত কোনো বাধ্য বাধকতা নাই।৬ বছৰৰ তলৰ শিশুক অনুষ্ঠান উপভোগ কৰাত নিষিদ্ধ কৰা হৈছে।অসমৰ প্ৰায় ডেৰ শ শিল্পীয়ে অনুষ্ঠান পৰিবেশন কৰিব।ইয়াৰ ভিতৰত গায়ত্ৰী মহন্ত,সীতাৰাণী হাজৰিকা অন্যতম।কিছু সংখ্যক তাৰকা নৱটেল,ৰেডিচন ব্লু,তাজ ভিভাণ্টাত থকাৰ ব্যৱস্থা কৰা হৈছে বুলি জানিব পৰা গৈছে।অধিক সংখ্যক টিকট অসমৰ মানুহে ক্ৰয় কৰিছে বুলি জানিব পৰা গৈছে।আজিৰ সংবাদমেলত অসম পৰ্যটন উন্নয়ন নিগমৰ সঞ্চালকৰ লগতে বহু বিষয় ববীয়া উপস্থিত থাকে।
নামৰূপৰ সাৰ কাৰখানালৈ আহিছে ভাল খবৰ
নামৰূপ কাৰখানাৰ বাবে আছে ভাল খবৰ। নামৰূপ সাৰ কাৰখানাৰ চতুর্থ গোটৰ স্থাপন হোৱাৰ সপোন এতিয়া সাৰ্থক হোৱাৰ দিশে আগবাঢ়িছে।আজি কেন্দ্ৰীয় সাৰ আৰু ৰসায়ন বিভাগৰ মন্ত্ৰী সদানন্দ গৌড়াৰে হোৱা এক আলোচনাত উপস্থিত থকাৰ পিছতে কাৰখানাটোৰ চতুৰ্থটো গোট স্থাপনৰ ক্ষেত্ৰত সম্ভাৱনা ব্যক্ত কৰিছে বিত্তমন্ত্ৰী ড০ হিমন্ত বিশ্ব শৰ্মাই। মন্ত্ৰী ড০ শৰ্মাই জনাই যে চতুৰ্থটো গোটক লৈ থকা জটিলতা আঁতৰাবলৈ অসম চৰকাৰে বিনিয়োগৰ পৰিমাণ পূৰ্বৰ ১১ শতাংশৰ পৰিৱৰ্তে ২৬ শতাংশলৈ বৃদ্ধি কৰাৰ প্ৰস্তাৱ দিছে।
লগতে বিত্তমন্ত্ৰী গৰাকীয়ে কয় যে কেন্দ্ৰীয় চৰকাৰে এই সম্পৰ্কত সেউজ সংকেত দিব।উল্লেখযোগ্য যে ১৯৬৯ চনৰ পৰা আৰম্ভ হোৱা কাৰখানাটোৰ ২য় আৰু ৩য় গোটৰ কাম অতি দুৰ্বলভাৱে চলি থকাৰ পিছত ৪ৰ্থটো গোট মুকলি কৰাৰ বাবে চেষ্টা চলাই থকা হৈছিল যদিও ই কাৰ্যতঃ হৈ উঠা নাছিল। কিন্তু আজি বৈঠকত বিত্তমন্ত্ৰী গৰাকীয়ে চতুৰ্থটো গোট স্থাপনৰ স্থাপনৰ সম্ভাৱনাৰ থকা কথা সদৰি কৰে।
ভিউৱাছৰ মতামত