সমগ্ৰ ভাৰতবৰ্ষৰ লগতে অসমৰ লগতে চাৰিদুৱাৰত উদযাপন কৰা ৰাষ্ট্ৰীয় প্ৰেছ দিৱস। যুৱ সাংবাদিক সন্থা অসমৰ উদ্যোগত বালিপৰা প্ৰেছ ক্লাৱৰ সহযোগত আজি সীমান্ত মিলন সংঘত প্ৰেছ দিৱস উদযাপন আৰু বিশেষ সম্বৰ্ধনা অনুষ্ঠান অনুষ্ঠিত হয়। আজি প্ৰেছ দিৱসত মূখ্য অতিথি ৰূপে উপস্থিত আছিল চতিয়া বিধান সভা সমষ্টিৰ বিধায়ক পদ্ম হাজৰিকা, ৰঙাপৰা মহাবিদ্যালয়ৰ অধ্যক্ষ ড০ ৰঞ্জন কলিতা, DY365 ৰ পৰিচালন সঞ্চালিকা দ্বীপান্বিতা জয়চোৱাল, শোণিতপুৰ জিলাৰ আৰক্ষী অধীক্ষক ড° ধনঞ্জয় ঘনৱাটৰ লগতে গণ্য মান্য ব্যক্তি সকল। ৰাষ্ট্ৰীয় প্ৰেছ দিৱসৰ লগত সংগতি ৰাখি ৫ জন সাংবাদিকক সম্বৰ্ধনা জনোৱা হয়। Dy 365 ৰ পৰিচালন সম্পাদক প্ৰাণজিৎ শইকীয়া, Parg News ৰ Output editor ধীৰাজ ৰায়, প্ৰতিদিন টাইমৰ জ্যেষ্ঠ বাতৰি প্ৰযোজক গৌতম শৰ্মা, DA News plus ৰ জ্যেষ্ঠ বাতৰি প্ৰযোজক বিকাশ পৰাশৰৰ লগতে Asom Live 24 ৰ উদীয়মান বাতৰি পৰিৱেশক পৰাগজ্যোতি ফুকনক।
বঙৰাত ঐতিহাসিক কৃষক বিদ্ৰোহৰ এবছৰ পূৰ্তি উপলক্ষে কৃষক সভা অনুষ্ঠিত
সংগ্ৰামী কৃষক শ্ৰমিক সংঘৰ কামৰূপ জিলা সমিতিৰ উদ্যোগত ঐতিহাসিক কৃষক বিদ্ৰোহৰ এবছৰ পূৰ্তি উপলক্ষে আজি বঙৰাৰ পাছনীয়াপাৰাত এক বিশাল কৃষক সভা অনুষ্ঠিত হয় । সংগ্ৰামী কৃষক শ্ৰমিক সংঘৰ সম্পাদক দীনেশ দাসৰ সভাপতিত্বত অনুষ্ঠিত সভাত কৃষকসকলে হাতে হাতে প্লে’কাৰ্ড লৈ অত্যাৱশ্যকীয় সামগ্ৰীৰ মূল্য ৰোধ কৰক, ভূমিহীনক ভূমিৰ অধিকাৰ প্ৰদান কৰক, ১২ ঘণ্টীয়া শ্ৰমিক আইন বাতিল কৰক, কৃষিভূমি কোম্পানীক গতোৱা নীতি বন্ধ কৰক আদি শ্লো’গানেৰ আকাশ-বতাহ মুখৰিত কৰি তোলে। কাৰ্যসূচী অনুসৰি ৰাতিপুৱা পতাকা উত্তোলণ, কৃষক শ্বহীদ স্মৰণ, সাংগঠনিক সভাৰ অন্তত স্থানীয় শিশু শিল্পী সকলে কলাগুৰু বিষ্ণুপ্ৰসাদ ৰাভাৰ এটি গীতেৰে মুকলি সভাৰ উদ্ধোধন কৰে । সভাৰ উদ্দেশ্য ব্যাখ্যা কৰে সংগ্ৰামী কৃষক সংঘৰ নেতা জেহেৰুল ইছলামে । সভাত সংগ্ৰামী কৃষক শ্ৰমিক সংঘৰ সাধাৰণ সম্পাদক দীনেশ দাসে ভাষণ প্ৰসঙ্গত দেশৰ প্ৰধান মন্ত্ৰী নৰেন্দ্ৰ মোদীয়ে কৃষি আইন তিনিখন বাতিলৰ কথা ঘোষণা কৰে যদিও আজিলৈ কাৰ্যকৰী কৰা নাই । গতিকে আইন তিনিখন বাতিল কাৰ্যকৰী নকৰালৈকে দেশৰ বিভিন্ন প্ৰান্তৰ প্ৰায় ৫০০ৰো অধিক কৃষক সংগঠনে ঐক্যবদ্ধহৈ দিল্লীত আন্দোলন অব্যাহত ৰাখিছে । আজি এই ঐতিহাসিক বৰ্ষ পূৰ্তি উপলক্ষে অনুষ্ঠিত কৃষক সভাতে কামৰূপ জিলা সমিতিৰ সংগ্ৰামী কৃষক-শ্ৰমিক সংঘই কৃষি আইন বাতিল কাৰ্যকৰী নকৰালৈকে কৃষক সংগ্ৰাম অব্যাহত থাকিব বুলি সংকল্পবদ্ধ হয় । আজিৰ সভাত সংগ্ৰামী কৃষক শ্ৰমিক সংঘৰ ভাৰপ্ৰাপ্ত সভাপতি দেৱজিৎ চৌধুৰী আৰু সাধাৰণ সম্পাদক দীনেশ দাসৰ লগতে নিখিল ভাৰত কৃষক পৰিষদৰ সাধাৰণ সম্পাদক জয়ন্ত গগৈ,সংগ্ৰামী কৃষক শ্ৰমিক সংঘৰ যুৱ নেত্ৰী বিদিশা বৰ্মন, বিশিষ্ঠ সাহিত্যিক ময়না গোস্বামী,কৃষক শ্ৰমিক সংঘৰ নেতা প্ৰণৱ দলৈ, স্থানীয় কৃষক আজাদ আলী, স্থানীয় নেত্ৰী মৰ্জিনা বেগম আৰু কামৰূপ জিলাৰ কৃষক শ্ৰমিক সংঘৰ সক্ৰিয় সদস্য নিজামুদ্দিন আহমেদ উপস্থিত থাকি অঞ্চলটোৰ খাটিখোৱা শ্ৰমিকৰ উপৰিও গৰাখহনীৰ সমস্যাৰ ওপৰত ভাষণ প্ৰদান কৰে।
ভিউৱাছৰ মতামত