বানাক্ৰান্ত অঞ্চলত ভ্ৰাম্যমাণ চিকিৎসা সেৱাৰ ব্যৱস্থা কৰিছে বিধায়ক মৃনাল শইকীয়াই

ক্ৰমাগতঃ ভাৱে কমিবলৈ ধৰিছে বাঢ়নী পানী ।মুহুৰ্ততে তচনচ হৈ যোৱা বানাক্ৰান্ত পৰিয়ালসমূহৰ সপোনবোৰক ধিয়াই নিৰৱে চকুলো টুকিছে দুৰ্ভগীয়া লোকসকলে। বাসস্থান আৰু খাদ্যৰ অভাৱৰ মাজতেই এতিয়া আকৌ পানী শুকুৱাৰ পাছত এইসকল জনতাৰ মাজত বিভিন্ন ৰোগে আক্ৰমণ কৰাৰ আতংকই দেখা দিছে। খুমটাই সমষ্টিৰ বানাক্ৰান্ত অঞ্চলসমূহত চোকা নজৰ ৰাখিছে সমষ্টিটোৰ বিধায়ক মৃনাল শইকীয়াই। বানাক্ৰান্ত ৰাইজৰ মাজত সঘনাই ঘুৰি ফুৰিছে এইগৰাকী বিধায়কে ।বানপানীৰ সময়ছোৱাত ভ্ৰাম্যমাণ পাকঘৰৰ যোগেদি বন্যাৰ্তৰ মাজত অহৰহ খাদ্যৰ যোগান ধৰি এক নজিৰ সৃষ্টি কৰিছিল এইগৰাকী বিধায়কে। পানী শুকুৱাৰ পাছত ভ্ৰাম্যমাণ পাকঘৰৰ পৰিৱৰ্তে এইবাৰ মৃণাল শইকীয়াৰ প্ৰচেষ্টাত আৰম্ভ হৈছে ভ্ৰাম্যমাণ চিকিৎসা সেৱা।বানবিধ্বস্ত অঞ্চলত চিকিৎসকৰ এটি দলে বানত আক্ৰান্ত  ৰাইজৰ মাজলৈ গৈ আগবঢ়াইছে চিকিৎসা সেৱা।দেওবাৰৰ পৰা আৰম্ভ হোৱা এই চিকিৎসাসেৱাই খুমটাই সমষ্টিৰ বান বিধ্বস্ত  অঞ্চলসমূহক সামৰি ল’ব। আনহাতে আন সমষ্টিৰ বানবিধ্বস্ত অঞ্চললৈও প্ৰয়োজন হ’লে যাবলৈ সাজু আছে বিধায়ক মৃনাল শইকীয়াৰ এই ভ্ৰাম্যমাণ চিকিৎসালয়খন ।দেওবাৰে এই ভ্ৰাম্যমাণ চিকিৎসালয়ৰ যোগেদি প্ৰায় ৫০০ বানাক্ৰান্ত অঞ্চলৰ লোকক চিকিৎসা প্ৰদান কৰা হয় ।এই ভ্ৰাম্যমাণ চিকিৎসালয়ত সহযোগিতা আগবঢ়াইছে বিধায়ক মৃনাল শইকীয়াৰ ভাতৃ চৰ্মৰোগ বিশেষজ্ঞ ডা০ দীপক শইকীয়াৰ লগতে ডা০ কমলেশ্বৰ নেওগ আৰু আন কেইবাগৰাকীও চিকিৎসক আৰু নাৰ্চে।সমষ্টিবাসীৰ প্ৰতি থকা এজন বিধায়কৰ এনে দায়বদ্ধতাক এতিয়া সচেতন মহলে  প্ৰশংসা কৰা পৰিলক্ষিত হৈছে ।খবৰ যুগুতালে দেৰগাঁৱৰ পৰা পলাশে.. 

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।