মডেলিঙৰ জৰিয়তে প্ৰতিষ্ঠা লাভ কৰিব খোজে অৰ্পিতাই

সাংস্কৃতিক নগৰী যোৰহাট জিলাৰ টীয়কৰ এগৰাকী প্ৰতিভাৱান কণমানি । নাম অৰ্পিতা বৰগোহাঁই। সৰুৰে পৰাই মডেলিং জগতত খোজ দিয়াৰ  তীব্ৰ ইচ্ছা অৰ্পিতাৰ । টীয়ক তামুলিছিগা পথৰুৱা চাংমাই গাঁৱৰ নিবাসী মুকুল বৰগোহাঁই আৰু মাতৃ মৌচুমী বৰগোহাঁইৰ কন্যা তথা টীয়ক জ্যোতি বিদ্যাপীঠৰ পঞ্চম শ্ৰেণীৰ ছাত্ৰী অৰ্পিতা বৰগোহাঁইয়ে ইতিমধ্যে মডেলিং জগতত কেইবাটাও পুৰস্কাৰ পাবলৈ সক্ষম হৈছে । মিছ যোৰহাট ৰানাচআপ ,মিছ জাঁজী কিডছ জুনিয়ৰ ২০১৯ আদি খিতাপ অর্জন কৰাৰ লগতে মিছ জাঁজী বেষ্ট টেলেণ্ট আসাম যোৰহাট পাবলৈ সক্ষম হয় । এইবাৰ তাইৰ লক্ষ্য কলিকতাত অনুষ্ঠিত হ’ব লগা  মিছ এণ্ড মিছেছ ইণ্ডিয়া নেচনেলৰ চিজন ২ ৰ । অসমৰ বিভিন্ন প্ৰান্তত অনুষ্ঠিত হৈ অহা মিছ এণ্ড মিছেছ প্ৰতিযোগিতাতও একাধিক বাৰ জয়ী হৈ অহা অৰ্পিতাই মডেলিং জগতৰ চিনাকী নাম ৰিঞ্জুমনি শৰ্মা আৰু মানস বৰগোহাঁই তত্বাৱধানত কলিকতা অনুষ্ঠিত হ’বলগীয়া মিছ এণ্ড মিছেছ প্ৰতিযোগিতা অংশ গ্ৰহণ কৰাৰ বাবে অনুশীলন অব্যাহত ৰাখিছে। উক্ত প্ৰতিযোগিতাত জয়ী হ’বৰ বাবে  অৰ্পিতাক ৰাইজৰ লগতে শুভাকাংক্ষীৰ আশীৰ্বাদ আৰু সহায়ৰ প্ৰয়োজন।
খবৰ যুগুতালে টীয়কৰ পৰা অমৃত দত্তই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এপ’ল’ হস্পিতালে চিনিয়ৰ চিটিজেন কেয়াৰ আৰম্ভ কৰিছে

এপ’ল হস্পিতালে আজি চিনিয়ৰ চিটিজেন কেয়াৰ প্ৰগ্ৰামৰ শুভাৰম্ভ কৰিছে। এই কাৰ্য্যক্ৰমৰ অধীনত প্ৰতিজন জেষ্ঠ নাগৰিকে হাস্পতালখনৰ তৰফৰ পৰা বিশেষ সুবিধা লাভ কৰিব।

 

 

সমাজৰ বয়সিয়াল সকলো জেষ্ঠ নাগৰিকে এপ’ল’ হস্পিতাল আৰু এপ’ল’ মেডিকেল চেণ্টাৰৰ পৰা স্বাস্থ্য সম্পৰ্কীয় বিভিন্ন সুবিধা সমূহ লাভ কৰিব।চিনিয়ৰ চিটিজেন কেয়াৰ প্ৰগামৰ অধীনত গুৱাহাটীৰ এপ’ল’ হস্পিতালে স্বাস্থ্যসেৱা যেনে এপ’ল’ স্বাস্থ্য পৰীক্ষা, লেবৰেটৰী তথা ৰেডিঅ’লজী পৰীক্ষা নিৰীক্ষা আদিত বিশেষ ৰেহাই প্ৰদান কৰিব। ইয়াৰ উপৰিও হস্পিতাল ঘৰৰ পৰা ৰক্ত নমুনা সংগ্ৰহ ,ৰোগীৰ ঘৰলৈ ঔষধ-পাতি যোগান আৰু জৰুৰী কালীন সময়ত গুৱাহাটী মহানগৰৰ ভিতৰত এম্বুলেঞ্জ সেৱা বিনামূলীয়া ভাৱে প্ৰদান কৰিব প্ৰতিজন জেষ্ঠ নাগৰিকক। এই সেৱা অতি শীঘ্ৰেই কাৰ্য্যকৰী হ’ব।

বিলাসীপাৰাৰ অভিজিতলৈ বাৰ্ষিক শৈক্ষিক বৃত্তি -উৎফুল্লিত সহপাঠী ছাত্ৰ ছাত্ৰী

ধুবুৰী জিলাৰ বিলাসীপাৰাস্থিত ৰোকাখাতা উচ্চতৰ মাধ্যমিক বিদ্যালয় প্ৰাংগনত আজি উৎসৱমুখৰ পৰিবেশে বিৰাজ কৰে। কিয়নো বিদ্যালয়খনৰ অভিজিত দাস নামৰ ছাত্ৰজনে বাৰ্ষিক বৃত্তি আজুৰি আনিবলৈ সক্ষম হৈছে। ছাত্ৰজনক বিদ্যালয়খনৰ সভাকক্ষত আয়োজিত এক  সভাত মানপত্ৰৰ লগতে দহ হাজাৰ টকাৰ চেক প্ৰদান কৰা হয়। সেয়ে বিদ্যালয়খনৰ শিক্ষক শিক্ষয়ত্ৰীসলৰ লগতে ছাত্ৰ ছাত্ৰী সকল উৎফুল্লিত হৈ পৰিছে।

 

 

উল্লেখ্য যে, যোৱা বৰ্ষৰে পৰা বিশিষ্ট সমাজসেৱক, প্ৰাক্তন বিলাসীপাৰা চহৰৰ নগৰপালক তথা ৰোকাখাতা উচ্চতৰ মাধ্যমিক বিদ্যালয়ৰ পৰিচালনা সমিতিৰ সভাপতি প্ৰয়াত নিৰঞ্জন বৰকলিতাৰ সোঁৱৰণত তেখেতৰ জীয়ৰী কবিতা কলিতাই কৃতি শিক্ষাৰ্থীৰ মাজত এই বৃত্তি আগবঢ়াই আহিছে। গুৱাহাটীৰ কৃতি শিক্ষয়ত্ৰী হিচাপে খ্যাত কবিতাই আগবঢ়োৱা এই বৃত্তি আজুৰিবলৈ সক্ষম হয়। দিনহাজিৰা কৰি পৰিয়ালটো পোহপাল দি অহা বিলাসীপাৰা ৮নং ৱাৰ্ডৰ অনিল দাসৰ পুত্ৰ অভিজিতে যোৱা শিক্ষান্ত পৰীক্ষাত সুখ্যাতিৰে উত্তীৰ্ণ হয়।

 

মুঠ ৮৬ শতাংশ নম্বৰ লাভ কৰা ছাত্ৰজনক এই বৃত্তি আগবঢ়াই দাতা পৰিয়ালটোয়ে সন্তুষ্টি লাভ কৰে মত প্ৰকাশ কৰে। বাৰ্ষিক বৃত্তি প্ৰদান অনুষ্ঠানটোত বিশিষ্ট চিকিৎসক তথা সমাজ সেৱক ডা:কানু লাল দাস,প্ৰয়াত নিৰঞ্জন বৰকলিতাৰ সহধৰ্মিনী তথা অবসৰপ্ৰাপ্ত শিক্ষয়িত্ৰী অঞ্জলি বৰকলিতা, বিদ্যালয়খনৰ অধ্যক্ষ সাহানৰ ৰহমান, বিষয় শিক্ষক বেনুধৰ শৰ্মা, শিক্ষক আখতাৰ আলমকে ধৰি শিক্ষক শিক্ষয়িত্ৰী, ছাত্ৰ ছাত্ৰী সকল অংশগ্ৰহণ কৰে।

খবৰ যুগুতালে বিলাসীপাৰাৰ পৰা অমৃত চৌধুৰীয়ে..

টীয়কত শৰীৰ চৰ্চা কেন্দ্ৰ মুকলি

টীয়কৰ এগৰাকী মহিলাই আজিৰে পৰা টীয়ক নগৰৰ মাজমজিয়াত আৰম্ভ কৰিছে টাইগাৰ-৩৭ নামেৰে পুৰুষ,মহিলা উভয়ৰে বাবে এক অত্যাধুনিক সা সুবিধাযুক্ত শৰীৰ চৰ্চা কেন্দ্ৰ।মহিলাগৰাকী পেচাত এগৰাকী প্ৰাথমিক বিদ্যালয়ৰ শিক্ষয়ত্ৰী। নাম জ্যোতি বৰা।টীয়কৰ জগদুৱাৰৰ এই সংস্কৃতিবান মহিলাগৰাকীয়ে কন কন শিশুসকলক জীৱনৰ আদিপাঠ তথা মূল্যবোধৰ শিক্ষা প্ৰদানৰ সমান্তৰালকৈ উঠি অহা প্ৰজন্মই নিজৰ শৰীৰ যাতে নিৰোগী কৰি ৰাখিব পাৰে তাৰ প্ৰতি লক্ষ্য ৰাখি এটি শৰীৰ চৰ্চা কেন্দ্ৰ মুকলি কৰিছে।

 

 

এই কেন্দ্ৰত আইৰণ তথা মাল্টি দুই ধৰণৰে শৰীৰ চৰ্চা কৰিব পৰা ব্যৱস্থা আছে আৰু লগতে সংগীত চৰ্চা, যোগাসন আৰু বিশেষকৈ মহিলাসকলৰ বাবে আত্ম প্ৰতিৰক্ষাৰ প্ৰশিক্ষণৰো ব্যৱস্থা কৰিছে বুলি জানিবলৈ দিছে।

 

যি সময়ত নিজৰ পৰিয়ালৰ লগতে পৰিয়ালৰ অভাৱ অভিযোগ পুৰনতে ব্যক্তিকেন্দ্ৰিক চিন্তাধাৰাৰে সমাজৰ অধিকাংশ ব্যক্তিয়ে ব্যস্ত হৈ পৰিছে তেনে সময়তে জ্যোতি বৰাই কেৱল নিজৰ পৰিয়ালৰ কথা নাভাবি টীয়কৰ দৰে এখন সৰু চহৰত এই সাংস্কৃতিক,যোগ আৰু শৰীৰ চৰ্চা কেন্দ্ৰটিৰ যোগেদি বিশেষকৈ নৱ প্ৰজন্মক মানসিক সাংস্কৃতিক তথা শাৰীৰিকভাৱে সবল কৰি তুলিবলৈ যি চেষ্টা হাতত লৈছে সেয়া এতিয়া সকলোৱে আদৰণি জনাইছে।উল্লেখযোগ্য যে এই শুভাৰম্ভ অনুষ্ঠানতে জ্যোতি বৰাৰ স্ব ৰচিত স্বপ্ন সেউজ উপত্যকা নামেৰে এখনি গীতৰ সংকলনৰ শুভ উন্মোচন কৰা হয়।টীয়ক পৌৰসভাৰ প্ৰাক্তন পৌৰপতি ৰফিক উজ জামানে আঁত ধৰা উক্ত উদ্বোধনী অনুস্থানত মধ্য যোৰহাট শিক্ষা খণ্ডৰ বিষয়া অৱনী গগৈ ,বিশিষ্ট কবি ৰনজিৎ গগৈ, যোৰহাট বডি বিল্ডিং এচচিয়েছনৰ কেইবাগৰাকীও বিষয়ববীয়া,বিশিষ্ট ব্যৱসায়ী তুলসী হাজৰিকা, টীয়ক প্ৰেছ ক্লাৱৰ সভাপতি দুলাল হাজৰিকা,উপদেষ্টা নিৰ্মলেন্দু পাঠক, সমাজকৰ্মী ৰুমী চেতীয়া,তুষাৰ পালকে ধৰি ভালেসংখ্যক গণ্য মান্য ব্যক্তি উপস্থিত থাকে।

ৰাজনীতিত ভৰি দিলে সাংবাদিক খগেন কলিতাই

সাংবাদিকতা এৰি ৰাজনীতিত ভৰি থলে জ্যেষ্ঠ সাংবাদিক খগেন কলিতাই।ৰাজীৱ ভৱনত আয়োজিত এক অনুষ্ঠানত খগেন কলিতাই আনুষ্ঠানিকভাৱে কংগ্ৰেছত যোগদান কৰে।

 

 

দীর্ঘদিন ধৰি সাংবাদিকতাৰে জড়িত কলিতাই ৰাজনীতিত যোগদান কৰা উদ্দেশ্যৰে কিছুদিন পূৰ্বে সংবাদক্ষেত্ৰত ত্যাগ কৰিছিল।এই যোগদান অনুষ্ঠানত কংগ্ৰেছৰ কেইবাজনো নেতা উপস্থিত আছিল।