দেশৰ স্বাধীনতাৰ আগন্তক ৭৫ বছৰীয়া বর্ষপূৰ্তি উপলক্ষে অসম চৰকাৰৰ লোক নিৰ্মাণ পথ বিভাগে যোৱা জুন মাহৰ পৰা বিভিন্ন কাৰ্যসূচীৰে ৰাজ্যজুৰি পালন কৰি আহিছে “আজাদি কি অমৃত মহোৎসৱ । কেন্দ্ৰীয় চৰকাৰৰ প্ৰধানমন্ত্ৰী গ্ৰাম চড়ক যোজনা চমুকৈ পি এম জি এছ ওৱাই আঁচনিৰ সফল ৰূপায়ণৰ ওপৰত ভিত্তি কৰি পালন কৰি অহা এই কাৰ্যসূচীৰ অহা ১৪ আগষ্টত সামৰণি পৰিব। আনহাতে বিভাগৰ মহানগৰ চক্ৰৰ উদ্যোগত ৯ আগষ্টৰ পৰা সপ্তাহজোৰা কাৰ্যসূচীৰে আৰম্ভ কৰা হৈছে “আজাদি কি অমৃত মহোৎসৱ। আজি এই উপলক্ষে মহানগৰ চক্ৰৰ অধীক্ষক ৰাতুল বেজৰ তত্বাৱধানত কামৰূপ মহানগৰ জিলা ভিত্তিত ফাঁচীবজাৰৰ জ্ঞানচৰ্চা ভৱনত গ্রাম্য পথ বিষয়ক এখন আলোচনা চক্ৰ অনুষ্ঠিত হয় । আলোচনা চক্ৰত আলোচক হিচাপে ভাগ লয় লোক নিৰ্মাণ বিভাগৰ অৱসৰপ্ৰাপ্ত মুখ্য অভিযন্তা অপৰূপ বৰুৱা , মুখ্য অভিযন্তা কাৰ্যালয়ৰ কাৰ্যবাহী অভিযন্তা জয়ন্ত গোস্বামী , পশ্চিম গুৱাহাটী ক্ষেত্ৰীয় পথ সংমণ্ডলৰ কাৰ্যবাহী অভিযন্তা ধীৰাজ শৰ্মা , দিছপুৰ ক্ষেত্ৰীয় পথ সংমণ্ডলৰ কাৰ্যবাহী অভিযন্তা বুলু ৰঞ্জন ডেকাই ভাগ লয় । আলোচক সকলে ২০০১ চনৰ পৰা দেশৰ গ্ৰাম্য অঞ্চলত পথ সংযোগ আৰু সুষম যাতায়ত ব্যৱস্থাত গুৰুত্বপূৰ্ণ ভূমিকা পালন কৰি অহা পি এম জি এছ ওৱাই সফলতাৰ ওপৰত আলোকপাত কৰে । আনহাতে আলোচনা চক্ৰৰ লগত সংগতি ৰাখি এক মত বিনিময় আৰু প্ৰশ্নোত্তৰ অনুষ্ঠানৰ আয়োজন কৰা হয় ।
আৰ্যভট্ট বিজ্ঞান কেন্দ্ৰ ৰাণী ব্লকৰ উদ্যোগত ধাৰাপুৰ উচ্চ মাধ্যমিক বিদ্যালয়ত বিজ্ঞান ভিত্তিক প্ৰতিযোগীতা
admin January 21, 2022 7:12 PM
ধাৰাপুৰ উচ্চ মাধ্যমিক বিদ্যালয়ত আজি বিজ্ঞান ভিত্তিক এখনি প্ৰতিযোগিতা অনুষ্ঠিত হয় । ধাৰাপুৰ উচ্চতৰ মাধ্যমিক আৰু পলাশবাৰী আঞ্চলিক হাইস্কুলৰ ছাত্ৰ- ছাত্ৰী সকলে বিজ্ঞানৰ আৰ্হি, আকস্মিক বক্তৃতা আৰু পষ্টাৰ লিখাৰ প্ৰতিযোগিতাত অংশ গ্ৰহন কৰে । প্ৰতিযোগিতাৰ অন্তত ধাৰাপুৰ উচ্চ মাধ্যমিক বিদ্যালয়ৰ পৰিচালনা সমিতিৰ সভাপতি তৰুন চন্দ্ৰ দাসৰ সভাপতিত্বত বটাঁ বিতৰণি সভা অনুষ্ঠিত হয় । ধাৰাপুৰ উচ্চতৰ মাধ্যমিক বিদ্যালয়ৰ অধ্যক্ষ উৎপল শৰ্মা, পশ্চিম গুৱাহাটী মহাবিদ্যালয়ৰ প্ৰৱক্তা ড°হেমন্ত কলিতা, পলাশবাৰী আঞ্চলিক হাইস্কুলৰ শিক্ষক দীনেশ শৰ্মা, খগেন মেধি, মৰমী শৰ্মা আদিয়ে প্ৰতিযোগীতা সন্দৰ্ভত বক্তব্য আগবঢ়ায় । বিজয়ী প্ৰতিযোগী সকলোৰ মাজত বঁটা আৰু মানপত্ৰ বিতৰন কৰে ।
ভিউৱাছৰ মতামত