ৰাষ্ট্ৰীয় পৰ্য্যায়ৰ আলোচনাচক্ৰ আয়োজন

মহানগৰীৰ আজাৰাস্থিত গিৰিজানন্দ চৌধুৰী ইনষ্টিটিউট অফ ফাৰ্মাচিউটিকেল চাইঞ্চ (জি.আই.পি.এফ)ৰ উদ্যোগত অহা ৬ আৰু ৭ মাৰ্চত “Recent trends in diabetis research, emerging drag delivery teachnologies and novel stratages” শীৰ্ষক ৰাষ্ট্ৰীয় পৰ্যায়ৰ আলোচনা চক্ৰ আয়োজন কৰা হৈছে বুলি যোৱা ২৫ ফেব্ৰুৱাৰীত এক সংবাদ মেল যোগে জানিবলৈ দিয়ে উদ্যোক্তাসকলে। দুদিনীয়াকৈ অনুষ্ঠিত হ’ব লগা আলোচনা চক্ৰৰ ৬ মাৰ্চৰ পুৱা উদ্বোধনী অনুষ্ঠানত উপস্থিত থাকিব অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ উপাচাৰ্য ড০ ধীৰাজ বৰা, নেচনেল ইনষ্টিটিউট অফ ফাৰ্মাচিউটিকেল এডুকেচন এণ্ড ৰিচাৰ্জৰ সঞ্চালক ড০ ইউ এছ এম মুৰ্থি, অসম আয়ুৰ্বেদিক মহাবিদ্যালয়ৰ অধ্যক্ষ ডা: ভৱেশ দাস, তেজপুৰস্থিত সামৰিক গৱেষণা কেন্দ্ৰৰ বিজ্ঞানী ড০ প্ৰণৱেশ চট্টোপাধ্যয় আৰু শ্ৰীমন্ত শংকৰ একাডেমী চ’ছাইটিৰ সভাপতি ৰাতুল দাস উপস্থিত থাকিব। আন্ত:ৰাষ্ট্ৰীয় আলোচনা চক্ৰখনত খ্যাতিসম্পন্ন মধুমেয় আৰু পৰিপুষ্টি বিশেষজ্ঞ ড০ বিশ্বৰূপ ৰায় চৌধুৰী প্ৰধান বক্তা হিচাপে উপস্থিত থকাৰ উপৰিও পুনেৰ ডি ৱাই পাটিল প্ৰতিষ্ঠানৰ অধ্যাপক ড০ সন্তোষ এচ ভূজবল, গুৱাহাটী চিকিৎসা মহাবিদ্যালয়ৰ অধ্যাপক ডা: বৰ্ণালী ঠাকুৰ, ডা: অশোক কৃষ্ণ ভূঞা, বঙাইগাওস্থিত IASST ৰ বিজ্ঞানী ড০ জগত চন্দ্ৰ বৰা আৰু অজন্তা ফাৰ্মাচিউটিকেলচৰ বিপ্লৱ মিশ্ৰ সমল ব্যক্তি হিচাপে উপস্থিত থাকি মধুমেহৰ বিভিন্ন দিশত গৱেষণামুলক ভাষণ আগবঢ়াব। উক্ত আলোচনা চক্ৰখনৰ বাবে অসম আৰু উত্তৰ-পূৰ্বাঞ্চলৰ লগতে দেশৰ আন আন ৰাজ্যৰ পৰা প্ৰায় তিনি শতাধিক অংশগ্ৰহণকাৰীয়ে গৱেষণা পত্ৰ উপস্থাপনৰ বাবে সাৰংশ পঠিয়াই পঞ্জীয়ন নিশ্চিত কৰিছে বুলি উদ্যোক্তাসকলে জানিবলৈ দিছে। আলোচনা চক্ৰখনী সাফল্যমণ্ডিত কৰাৰ বাবে সকলো পক্ষৰ সহায়-সহযোগিতা আগবঢ়োৱাৰ লগতে অনুষ্ঠানটিৰ সবিশেষ তথ্য www.gips_guwahati.ac.inৰ জানিব পাৰিব উদ্যোক্তাসকলে জনাইছে।

খবৰ যুগুতালে মিৰ্জাৰ পৰা জীতুমণী দাসে..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

ৰিক’ভাৰী ক্লিনিক আৰম্ভ কৰিছে এপ’ল’ হস্পিতালে

এপ’ল’ হস্পিতাল গুৱাহাটীয়ে প’ষ্ট ক’ভিড ৰিক’ভাৰী ক্লিনিক শুভাৰম্ভ কৰাৰ কথা আজি ঘোষণা কৰিছে।হোটেল প্ৰগতি মেনৰত আয়োজিত এক সংবাদ মেলত ঘোষণা কৰে যে ক’ভিড আক্ৰান্ত ৰোগীয়ে সংক্ৰমণৰ উপশম হোৱাৰ পাছতো দীৰ্ঘদিনৰ বাবে এই সংক্ৰমণৰ প্ৰভাৱত ভুগি থাকে সেইসকল ৰোগীৰ বাবে এই বিশেষ ৰিক’ভাৰী ক্লিনিক আৰম্ভ কৰা হৈছে। ক’ৰণা ভাইৰাছৰ সংস্পৰ্শলৈ অহা বহু মাহৰ পিছলৈকেও প্ৰায় ৫০ শতাংশৰো অধিক ক’ৰণা আক্ৰান্ত ৰোগীয়ে উশাহ নিশাহত কষ্ট,বুকুৰ বিষ,হাড়ৰ যোৰাবোৰ বিষ,দৃষ্টি শক্তি দুৰ্বল হোৱা,স্মৃতি শক্তি হ্ৰাস পোৱা আদি ৰোগত ভুগি থাকে।

 

 

এই ক্লিনিকত নিউৰ’লজিষ্ট আৰু ইস্যন’লজিষ্ট থাকিব, যিসকলে ক’ভিড-১৯ সুস্বাস্থ্য বাবে বিশেষ সেৱা আগবঢ়াব। এই পষ্ট ক’ভিড ৰিক’ভাৰী ক্লিনিক গুৱাহাটী এপ’ল হাস্পতাল আৰু ৰাধাগোবিন্দ বৰুৱা পথস্থিত এপ’ল মেডিকেল চেণ্টাৰ শুভম বিল্ডৱেলত আৰম্ভ কৰা হৈছে।

 

গুৱাহাটী এপ’ল হাস্পতালৰ ইণ্টাৰনেল মেডিচিন বিভাগৰ মুৰব্বী ডাঃ সাধন ব্ৰত দাসে কয় আমাৰ হাস্পতাললৈ অহা যিসকল ৰোগীয়ে ক’ৰণা সংক্ৰমণৰ পৰা উপশম লাভ কৰে।সেইসকল ৰোগীয়ে উপশমৰ পাছত সন্মুখীন হোৱা কিছুমান বিশেষ ৰোগৰ লক্ষণ পাই প্ৰায়েই আমাক সাক্ষাত কৰে।আৰু এনেধৰণৰ ৰোগী সকলক স্বাস্থ্য সম্পৰ্কীয় বিষয়ত সহায় আগবঢ়োৱাৰ বাবে এই ক্লিনিকৰ আৰম্ভ কৰা হৈছে।

 

এইসকল ৰোগীয়ে ক’ৰণা উপশম পাছৰ সময়ছোৱা প্ৰয়োজনীয় বিশেষ যত্ন আৰু উচিত চিকিৎসা পাবৰ বাবে আমি কিছুমান নিয়মাৱলী নিৰ্ধাৰণ কৰিছো । আৰু আমাৰ এই ক্লিনিকৰ লোকসকলক বিশেষভাৱে প্ৰশিক্ষণ দিছো যাতে এই ৰোগীসকল সম্পূৰ্ণভাৱে সুস্থ হৈ সুৰক্ষিত পৰ্য্যায়লৈ ঘূৰি আহিব পাৰে। ক’ভিড-১৯য়ে শৰীৰৰ প্ৰায় প্ৰতিটো অংশতে প্ৰভাৱ বিস্তাৰ কৰে। গুৰুত্বপূৰ্ণ সমস্যা যেনে ষ্টক আৰু মায়কাডিয়েল ইনফাকৰ্শ্বনৰ লগতে ক্ৰনিক সমস্যা যেনে মধুমেহ, হাইপৰ, টেনশ্যন আদিৰ লক্ষণেও সংক্ৰমণৰ পাছৰ পৰ্য্যায়ত দেখা দিয়ে। ক’ৰণা সংক্ৰমণৰ পাছৰ পর্যায়টো বহুতো ৰোগীৰ হঠাৎ মৃত্যু হোৱা দেখা যায়। যিবোৰ কাৰণ হৃদযন্ত্ৰৰ বিভিন্ন বিসংগতি বুলি প্ৰমাণিত হৈছে।

এপ’ল হাস্পতাল গুৱাহাটীৰ পালমনেৰী মেডিচিন বিভাগৰ মুৰব্বী তথা জ্যেষ্ঠ বিশেজ্ঞ ডাঃ কৃপেশ ৰঞ্জন শৰ্মাই কয় ক’ভিড-১৯ য়ে কেৱল হাঁওফাওতে সংক্ৰমণ নকৰে বৰঞ্চ শৰীৰৰ আন অংশটো প্ৰভাৱ বিস্তাৰ কৰে আৰু বহুতো অসুবিধা সৃষ্টি কৰে। সংক্ৰমণৰ ফলত সৃষ্টি হোৱা গুৰুত্বৰ দেখা দিয়ে আৰু এই সমস্যাবোৰ গুৰুতৰ হৈ পৰে। এই ক্লিনিকৰ জৰিয়তে ৰোগীসকলৰ লক্ষণ সমূহ পৰ্যবেক্ষণ কৰাটো সুবিধা হ’ব আৰু ৰোগীসকল উচিত সময়ত চিকিৎসা পোৱাটো সহায় হ’ব।

ডাঃ সাধন ব্ৰত দাসে লগতে কয় ক’ৰণা আগৰ সময়ছোৱাত আমি ইতিমধ্যে প্ৰায় ৭০ শতাংশ মৃত্যু ক’ৰণাৰূপী অসঞ্চাৰিত ৰোগৰ সমস্যাৰ সন্মুখীন হৈছিল ক’ভিড সংক্ৰমণ পাছৰ সময়ছোৱাত ৰোগৰ লক্ষণসমূহ যদি সময়ত ধৰা পৰা নাযায় তেন্তে ক’ৰণা পৰা উপশম পোৱা পিছতো ৰোগী সকল ক্ৰমে অসুস্থ হোৱা দিশত আগবাঢ়িব আৰু লগতে মৃত্যু হাৰো বৃদ্ধি পাব।গতিকে এই ক্লিনিকে আক্ৰান্ত ৰোগী সকলৰ উপশম পাছৰ পৰ্য্যায়ৰ ৰোগৰ লক্ষণ সমূহ পৰ্যবেক্ষণ কৰি উচিত সময়ত উচিত চিকিৎসা কৰিবলৈ সক্ষম হ’ব ।

উল্লেখযোগ্য যে এই ক্লিনিকত এগৰাকী চিকিৎসকৰ লগতে নাৰ্চেও ৰোগী সকললৈ সেৱা আগবঢ়াব। এপ’ইণ্টমেণ্ট বাবে এপ’লৰ হাস্পতাল গুৱাহাটী আৰু এপ’ল মেডিকেল চেণ্টাৰ শুভম কিল্ডৱেল সাক্ষাত অথবা ফোন কৰি 8876958514, 6913345090,0361-7135005 এই নম্বৰত যোগযোগ কৰিব পাৰে।

অসম বুক অৱ ৰেকৰ্ডত সন্নিবিষ্ট হ’ল ক্ষুদ্ৰতম কিতাপখন

অসম বুক অৱ ৰেকৰ্ডছত অসমৰ ক্ষুদ্ৰতম কিতাপ হিচাপে খ্যাতি অৰ্জন কৰিলে ৰীতামণি বৰাই লিখা এখন কিতাপে। স্পৰ্শ নামৰ কিতাপখন আনুষ্ঠানিক ভাৱে উন্মোচন কৰিলে বিজ্ঞানী উদ্বব ভৰালীয়ে। কিতাপখন উন্মোচন কৰি বিজ্ঞানী গৰাকীয়ে কয় যে ৰীতামণি বৰাৰ কৰ্মৰাজিক ধন্যবাদ জনোৱা লগতে উঠি অহা প্ৰজন্মক কিতাপৰ প্ৰতি আকৃষ্ট হবলৈ আহ্বান জনায়।

সভাত বন্তি প্ৰজ্বলন কৰে সদৌ অসম নাট্য সন্মিলনৰ কেন্দ্ৰীয় সমিতিৰ সহকাৰী সম্পাদক জয়ন্ত শইকীয়াই।অনুষ্ঠানত সদৌ লখিমপুৰ জিলা ছাত্ৰ সন্থাৰ সাধাৰণ সম্পাদক ধনমণি দত্ত,সদৌ অসম নাট্য সন্মিলনৰ সহ: সম্পাদক জয়ন্ত শইকীয়া,লালুক শাখাৰ নাট্য সন্মিলনৰ সভাপতি দুলাল পূজাৰী,সদৌ লখিমপুৰ জিলাৰ ছাত্ৰ সন্থাৰ উপ সভাপতি জয়ন্ত বৰা,নাওবৈচা কবি মঞ্চৰ সভাপতি কমল বৰাই বক্তব্য আগবঢ়ায়।

 

অনুষ্ঠানত লালুক আঞ্চলিক ছাত্র সন্থাৰ সভাপতি দিব্যজ্যোতি গগৈ,সম্পাদক জিন গোস্বামী,প্ৰমুখ্যে বহু গণ্য মান্য ব্যক্তি উপস্থিত থাকে।উত্তৰ লখিমপুৰ মহাবিদ্যালয় স্নাতক মহলাৰ দৰ্শন বিভাগৰ ছাত্ৰী ৰীতামণি বৰাৰ ইয়াৰ পূৰ্বে দুখনকৈ কবিতাপুথি প্ৰকাশ পাইছে। ২০১৪ চনত ছাত্ৰী গৰাকীৰ এইট এনট্ৰি আৰু ২০১৬ বর্ষত কাব্যকানন নামাৰে দুখন কবিতাপুথি প্ৰকাশিত হৈছে।মুঠ তিনিটা গল্পৰে ৪৯ পৃষ্ঠাজোৰা ২×৩ ইঞ্চি আকাৰৰ স্পৰ্শ গ্ৰন্থখনে আগষ্ট মাহত অসম বুক অৱ ৰেকৰ্ডছৰ তৰফৰ পৰা আটাইতকৈ ক্ষুদ্ৰতম কিতাপৰ খিতাপ অর্জন কৰিবলৈ সক্ষম হৈছিল।

ফুলগুৰি ধেৱাই সম্পূৰ্ণ কৰিলে ১৫৯টা বৰ্ষ

ফুলগুৰিৰ ধেৱাৰ ঐতিহ্যই আজি সম্পূৰ্ণ কৰিলে ১৫৯ টা বছৰ। ফুলগুৰিৰ ধেৱা এনেকুৱা এখন ঠাই যি ঠায়ে কৃষক বিদ্ৰোহৰ স্বাক্ষৰ দাঙি ধৰে। পোন প্ৰথমবাৰৰ বাবে ভাৰতবৰ্ষৰ ইতিহাসত কৃষকে ব্ৰিটিছৰ বিৰুদ্ধে বিদ্ৰোহ ঘোষণা কৰিছিল এই ফুলগুৰিৰ ধেৱা অঞ্চলতে।

 

 

আজি ফুলগুৰি ধেৱা স্মৃতিৰক্ষা সমিতিয়ে অতীত সুঁৱৰি এক সভা অনুষ্ঠিত কৰে।পুৱা পতাকা উত্তোলন কৰে স্মৃতিৰক্ষা সমিতিৰ সভাপতি প্ৰবীণ হাজৰিকাই।বন্তি প্ৰজ্বলন কৰে কাৰ্যকৰী সভাপতি নিত্যানন্দ নাথ চন্দ্ৰগিৰিয়ে। দিনৰ এঘাৰ বজাৰত ডাঃ দেৱ কুমাৰ বৰদলৈয়ে ফুলগুৰি ধেৱা শীর্ষক এক গীত পৰিবেশন কৰে।

ইয়াৰ পিছতে অনুষ্ঠিত হয় ফুলগুৰি ধেৱাক ৰাষ্ট্ৰীয় পৰ্য্যায়লৈ আগুৱাই নিয়া লক্ষ্যৰে ভৱিষ্যতৰ পদক্ষেপ শীর্ষকৰ এক প্ৰতিনিধিমূলক আলোচনা সভা।উক্ত সভাত বিশিষ্ট অতিথি ৰূপে উপস্থিত থকা নগাঁও লোকসভা সাংসদ প্ৰদ্যুৎ বৰদলৈয়ে ফুলগুৰি ধেৱা ইতিহাস আৰু সমল সংগ্ৰহ কৰিবলৈ এক উচ্চস্তৰীয় গৱেষণা সমিতিৰ প্ৰয়োজন বুলি কয়। লগতে তেওঁ ভাষণত কয় যে ভাৰতবৰ্ষৰ ভিতৰতে প্ৰথম কৃষক বিদ্ৰোহ হিচাপে ফুলগুৰি ধেৱাৰ স্থান আৰু মানচিত্ৰত দেশৰ ভিতৰতে শীর্ষক স্থান লাভ কৰিব লাগিছিল যদিও বৰ্তমান ইয়াৰ প্ৰচাৰ আৰু প্ৰয়াস অতি সীমিতভাৱে থাকিব লগীয়াটো অতি দুৰ্ভাগ্যজনক।

 

সভাত উপস্থিত থকা বিশিষ্ট সাহিত্যিক শিৱনন্দ কাকতিয়েও ধেৱাৰ ইতিহাসসমূহৰ সংৰক্ষণ কৰা পোষকতা কৰি ইংৰাজ বাহিনীয়ে বিদ্ৰোহৰ দমনৰ নামত কৰা অত্যাচাৰ মৃত্যুক সাৱটি লোৱা লোকসকলক সৎকাৰ কৰা দক্ষিণ জাগীয়াল পঞ্চায়তৰ মানুহ পোৰা বিলখনো সংৰক্ষণ কৰি পৰ্যটকস্থলী গঢ়ি তুলিবলৈ আহ্বান জনায়।

 

ইয়াৰ লগতে আধুনিক বিজ্ঞানভিত্তিক কৃষিকৰ্মত কেনেকৈ আত্মনিয়োগ কৰিম শীর্ষক এক কৰ্মশালাও অনুষ্ঠিত হয়।নগাঁও কৃষি বিজ্ঞান কেন্দ্ৰৰ প্ৰধান বিজ্ঞানী ড° নিৰঞ্জন ডেকা আৰু ৰহাৰ সহকাৰী কৃষি অভিযন্তা শৰত দত্তই উক্ত কৰ্মশালাত উপস্থিত থাকি কৃষিপথাৰ প্ৰস্তুত আৰু কৃষি বীজ চিনাক্ত কৰি কিদৰে কৃষি কৰিব পৰা যায় আৰু চৰকাৰী ভাবে কৃষক সকলে কি কি সা-সঁজুলি বা আঁচনি লাভ কৰিব পাৰে ইয়াৰ সন্দৰ্ভত ভাষণ দিয়ে।উক্ত কৰ্মশালাত সূৰ্য বৰা,নাৰায়ণ বৰুৱা,খগেন বৰা,প্ৰমেশ মজুমদাৰ,প্ৰতাপ নাথ,দুলু বৰদলৈ,মনি ডেকাদলৈ, ধনেশ্বৰ শইকীয়া, যদু বৰদলৈ,বিজয় বৰুৱা আৰু পবিত্ৰ শইকীয়াসহ মুঠ এঘৰজন কৃষকক সম্বৰ্ধনা পত্ৰ আৰু গামোছাৰে আদৰণি জনায়।

ব্যতিক্ৰমী ধৰণে চিত্ৰ আঁকি চৰ্চা লাভ কৰিছে কংকনে

ব্যতিক্ৰমী ধৰণে চিত্ৰ আঁকি চর্চা লাভ কৰিছে দৰঙৰ এজন যুৱকে। দৰঙৰ ছিপাঝাৰ কঙ্কনজ্যোতি শইকীয়া নামৰ যুৱক জনে চাউল আৰু তিলে বিভিন্নজন বৰণ্য ব্যক্তি চিত্ৰ আঁকিছে।

 

 

ইতিমধ্যে কাতি বিহুত চাউল আৰু তিলে কঙ্কনে অঁকা এখন চিত্ৰই চ’চিয়েল মেডিয়াত চর্চা লাভ কৰিছে। উল্লেখযোগ্য যে অলপতে হিমন্ত বিশ্ব শৰ্মাৰ চিত্ৰ চাউল আৰু তিলে অংকন কৰা পিছত যুৱকজনে মন্ত্ৰী হিমন্ত বিশ্ব শৰ্মাৰ পৰা ভূয়সী প্ৰশংসা লাভ কৰিছে। কঙ্কনৰ এই প্ৰতিভা এতিয়া সৰ্বত্ব চর্চা লাভ কৰিছে।