মহানগৰীত মাজুলী! কথাষাৰ শুনি হয়তো আপোনাৰ আচহুৱা লাগিছে। এই অবাস্তৱ যেন লগা কথাষাৰ বাস্তৱত ৰূপ দিবলৈ এদল শ্ৰমিকে প্ৰস্তুতি অব্যাহত ৰাখিছে। অহা ১২ ডিচেম্বৰত জাপানৰ প্ৰধানমন্ত্ৰী অসমলৈ আহিব তাৰ বাবে সমগ্ৰ মহানগৰীতে প্ৰস্তুতি অব্যাহত আছে। বিশেষকৈ বিমান বন্দৰৰ পৰা আৰম্ভ কৰি লাচিত ঘাটলৈকে সৌন্দৰ্য বৰ্দ্ধনৰ বাবে ফুল ৰুইছে, ৰং কৰিছে আৰু আদৰ্শ গাঁও স্থাপন কৰিছে। উল্লেখযোগ্য যে মহানগৰীৰ লাচিত ঘাটৰ সমীপত প্ৰায় ১০০০ জন শ্ৰমিকে আদৰ্শ গাঁও সজোৱাত ব্যস্ত আছে। জানিব পৰা মতে আদৰ্শ গাঁৱত থাকিব ভড়াল, নামঘৰকে আদি কৰি অসমীয়া পৰম্পৰাগত সংস্কৃতিৰ বহু সমল।আনহাতে মিচিং, তিৱা, জনগোষ্ঠীৰ ঘৰ সমূহ সুন্দৰকৈ নিৰ্মাণ কৰাৰ প্ৰয়াস কৰিছে। জাহাজৰ সমীপত চাহৰ বাগান সাজি উলিয়াইছে। জানিব পৰা মতে অহা ১১ ডিচেম্বৰত এই সমূহ কাম সম্পূৰ্ণ হৈ উঠিব। লাচিত ঘাটৰ সমীপত গঢ়ি উঠা এই গাঁওখনে নিসন্দেহে সকলোকে আকৰ্ষিত কৰিব।
অভিশপ্ত ৩০অক্টোবৰৰ নিহত সকলক সুঁৱৰি অনুষ্ঠিত হ’ল শ্ৰদ্ধাঞ্জলি অনুষ্ঠান
admin October 30, 2020 12:45 PM
আজি ৩০ অক্টোবৰ। আজি দিনটোতে ধাৰাবাহিক বোমা বিস্ফোৰণত কপি উঠিছিল অসমৰ বিভিন্ন প্ৰান্ত। বহু নিৰিহ লোকে এই ধাৰাবাহিক বোমা বিস্ফোৰণত প্ৰান হেৰুৱালে। চিৰদিনৰ বাবে ঘুনীয়া হ’ল বহু জন।
এই অভিশপ্ত ৩০ অক্টোবৰ নিহত সকলক সুঁৱৰি আজি গণেশগুৰিত অনুষ্ঠিত হয় শ্ৰদ্ধাঞ্জলি অনুষ্ঠান। উল্লেখযোগ্য যে প্ৰতিবছৰে নিহত সকলক সুঁৱৰি শ্ৰদ্ধাঞ্জলিৰ অনুষ্ঠান অনুষ্ঠিত হৈ আহিছে ।এইবাৰ অনুষ্ঠানত নিহত সকলৰ আত্মীয় উপস্থিত থাকে।
এই অনুষ্ঠানত উপস্থিত থাকি মন্ত্ৰী সিদ্ধাৰ্থ ভট্টাচাৰ্যই এনেদৰে কয় । আজি শ্ৰদ্ধাঞ্জলি অনুষ্ঠানত সৰ্বধর্মীয় প্ৰাৰ্থনা সভাৰ লগতে বিভিন্নজনে বক্তব্য ৰাখে। আজি অনুষ্ঠানত উপস্থিত থাকে বিধায়ক অতুল বৰা, মন্ত্ৰী সিদ্ধাৰ্থ ভট্টাচাৰ্য, কামৰূপ জিলা উপায়ুক্ত বিশ্বজিৎ পেগু, মেডিয়া উপদেষ্টা হৃষীকেশ গোস্বামীকে আদি কৰি বহু কেইজন বিশিষ্ট ব্যক্তি।
ভিউৱাছৰ মতামত