আজি মাঘ বিহু। মাঘ বিহু মানে ভোগালী বিহু। এই মাঘ মাহ টোৱে কঢ়িয়াই আনে ভোগৰ ভোগজৰা। সকলো বস্তুৱেই সকলোতে উভৈনদী হয়। আজি আপোনালোকক জনাব বিচাৰিছো, এইবাৰ মাঘ বিহুৰ কেইটামান ভাল লগা কথা। যিবোৰ কথা অথবা কামৰ কথা শুনিলে আমাৰ প্ৰতিজন অসমীয়াৰে বুকুখন গদগদ হৈ পৰিব। আজিৰ পৰা কিছু বছৰ আগলৈকে অসমীয়া জা-জলপান বজাৰ মুখী হোৱাটো সকলোৰে সপোনৰ আগোচৰ অথবা সাঁথৰ আছিল। কিন্তু আজি কালি বিহু বুলিলেই পিঠা, জা-জলপান সকলোবোৰে বজাৰ মুখী হ’ল। বজাৰত ৰেডিমেড পেকেট পোৱা হ’ল। আমি জনা নজনাকৈয়ে অৰ্থনৈতিক ভাবে বহুখিনি আগুৱাই গ’লো। তাতোকৈ ডাঙৰ কথা এইবাৰ চহৰতো অলপকৈ হ’লেও সবেই (গাঁৱৰ নিচিনাকৈ নহ’লেও) Readymade মেজি উপলব্ধ হোৱা তথা বিক্ৰী হোৱা দৃশ্যই দেখি খুবেই আনন্দিত হ’লো। তৃতীয়তে ভেলাঘৰ নিৰ্মাণৰ ক্ষেত্ৰত যিয়েই বিৰ্তক নাথাকক কিয় আমাৰ মাজত থকা বহু শিল্পীৰ সুপ্ত প্ৰতিভা প্ৰাণ পোৱা দেখা গ’ল। এক কথাত ক’বলৈ গ’লে বহু শিল্পী জন্ম হ’ল। আজিৰ এই বিশেষ দিনটোত অতীতৰ কিছু পৰম্পৰা আমি বাদ দিব লগা হোৱাত স্মৃতি হৈ মনলৈ আহিছে। ইয়াৰ ভিতৰত ম’হৰ যুঁজ, বুলবুলি চৰাইৰ যুঁজ অন্যতম। প্ৰিয় পাঠক, আজি এই দিনটোৰ আনন্দ লওক। বিহু খাওক, আপোনজনকো খুৱাওক। আৰু আমাকো আৰ্শীবাদ দিয়ক। সদৌ শেষত পুনৰ ভোগালী বিহুৰ বহু মৰম আৰু শুভকামনা আপোনাৰ লগতে সমূহ পৰিয়ালক জনালো।
Trending
- পলাশবাৰীৰ বৰকুছিত আৰক্ষী -প্ৰশাসন, সাংবাদিক, নিউজ পৰ্টেলৰ ক্ৰিকেট প্ৰতিযোগিতাৰ সফল সামৰণি
- গণৰাজ্য দিৱস উদযাপনৰ অংশ হিচাপে কামৰূপ জিলাৰ উপায়ুক্ত একাদশ আৰু মিডিয়া একাদশৰ মাজত অনুষ্ঠিত হ’ল প্ৰীতি ক্ৰিকেট খেল
- ডিব্ৰুগড় চহৰত অম্ৰুটৰ অধীনত নিৰ্মীয়মান পানী যোগান প্ৰকল্পসমূহ পৰিদৰ্শন মন্ত্ৰী অশোক সিংহলৰ
- জামুগুৰিহাটৰ নাহৰবাৰীত দূস্প্ৰাপ্য ঈগল চৰাই উদ্ধাৰ
- কংগ্ৰেছৰ ভাৰত জোড়ো যাত্ৰাত অসম ৰাজ্যিক কংগ্ৰেছ দলৰ তিনি যুৱক-৪০৮০ কিলোমিটাৰ যাত্ৰাৰ অন্তত শ্ৰীনগৰ লালচকত সামৰণী
- ঢকুৱাখনাত গাঁওৰক্ষী বাহিনীৰ প্ৰতিষ্ঠা দিৱস পালন
- পথৰুঘাটৰ কৃষকৰ আত্মত্যাগৰ ইতিহাসক দেশ-বিদেশত প্রচাৰ উদ্দেশ্যে তথ্য চিত্ৰ নিৰ্মাণ কৰিব ৰাজ্য চৰকাৰে
- অসমৰ পৰৱৰ্তী আৰক্ষী সঞ্চালকৰ নাম ঘোষণা
- শ্ৰীমন্ত শংকৰদেৱ সংঘৰ তিতাবৰ জিলাৰ বিংশতিতম বাৰ্ষিক অধিবেশন আৰম্ভ
- খানামুখত মিনি ফুটবল প্ৰতিযোগিতা আৰম্ভ
সুন্দৰ অনুভৱ। ভোগালী বিহুৰ শুভেচ্ছা জনালো।
Dhonyabad
good…