গুৱাহাটীৰ পশ্চিম প্ৰান্তৰ খানামুখৰ সাংস্কৃতিক গোষ্ঠী ‘অংগনা’ৰ মুম্বাই শাখাৰ উদ্যোগত ১০ মাৰ্চত ৰবীন্দ্ৰ ভৱনত মঞ্চস্থ কৰা হয় হিন্দী সাহিত্যৰ স্বনামধন্য সাহিত্যিক মুন্সী প্ৰেমছন্দৰ একে নামৰ হিন্দী উপন্যাসৰ প্ৰসিদ্ধ নাট্যকাৰ বিষ্ণু প্ৰভাকৰে কৰা নাট্যৰূপ ‘ গোদান ‘ । মূলত কৃষি প্ৰধান ভাৰতৰ কৃষকৰ অৰ্থনৈতিক অৱস্থাৰ শোচনীয় অৱস্থা আৰু কৃষকক এই অৱস্থাৰ পৰা উদ্ধাৰ কৰিবলৈ হলে তেওঁলোকৰ মানসিকতা কিদৰে সলনি কৰিব লাগিব সেয়া নাটখনৰ জৰিয়তে দেখুৱাবলৈ তথা উপস্থাপন কৰিবলৈ প্ৰয়াস কৰা হৈছে । আনহাতে নাটখনৰ বিভিন্ন চৰিত্ৰত অভিনয় কৰিছে ক্ৰমে – সজ্জাদ হুছেইন খান (হৰি) , উজ্বলা বৰ্মন (ধনীয়া), বিনয় ডেকা (ভোলা) , অনুৰাগ পাণ্ডে ( গোবৰ ), দক্ষিণা নাথ ( ৰুপা) , খ্যাতিপৰ্ণা সোণোৱাল ( সোণা ), অপূৰ্ব ঠাকুৰীয়া ( ডাতাদিন ) , স্বপন দাস ( হীৰা ) , অঞ্জনজ্যোতি বেজ (পটেশ্বৰী ) , অচিন্ত্য কাশ্যপ ( দাৰোগা ) , কৃষ্ণা দাস ( ঝুনিয়া ) , হাছান চাহনৱাজ ইছলাম ( শোভা ) আৰু কংকন দাস ( বিহাৰী ) । তেনেদৰে খানামুখৰ জীয়ৰী তথা ৰাষ্ট্ৰীয় নাট্য বিদ্যালয়ৰ স্নাতক উজ্বলা বৰ্মনৰ পৰিচালনাত মঞ্চস্থ কৰা নাটকখনৰ ৰচনা বিষ্ণু প্ৰভাকৰ , পোহৰত ডিম্পল দাস , মঞ্চত শিৱম শইকীয়া , সংগীতত অমিত পাঠক আৰু ঈশানু শৰ্মা , সাজসজ্জাত বিনীতা বড়ো আৰু কল্পনা দাস , আৰু পৰিচালনাত সহযোগ কৰিছিল ৰাজেশ বৰ্মন । ইয়াৰ উপৰিও নাটখনত ঠাকুৰ সিং গুৰীকে ধৰি কেবাজনো মজদুৰ যুৱক আৰু শিশু শিল্পীয়েও অভিনয় কৰিছে । উল্লেখযোগ্য যে নাটখনত ধনীয়াৰ চৰিত্ৰত উজ্বলা বৰ্মনে কৰা বলিষ্ঠ আৰু জীৱন্ত অভিনয়ে দর্শক ৰাইজৰ মন জয় কৰিবলৈ সক্ষম হৈছে । তেনেদৰে বাকী চৰিত্ৰ সমূহতো অভিনেতা-অভিনেত্ৰী সকলেও মনপৰশা অভিনয়ৰে দৰ্শকৰ হৃদয় জয় কৰিবলৈ সক্ষম হৈছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন