অচিৰেই গঢ় লৈ উঠিব উপকৰ বিহীন বজাৰ

0 86

অসম ৰাজ্যিক কৃষি সামগ্ৰী বিপনন পৰিষদৰ উদ্যোগত কৃষক ৰাইজ আৰু কৃষিজাত সামগ্ৰী বেহা বেপাৰ কৰা ক্ষুদ্ৰ ব্যৱসায়ীক মধ্যকালী হাতোৰাৰ পৰা ৰক্ষা কৰিবলৈ গুৱাহাটীত নিৰ্মান কৰা হৈছে তিনি মহলীয়া বজাৰ গৃহ ৷ গড়চুকৰ সমীপৰ পামহীত প্ৰায় ছয় বছৰ পূৰ্বে স্থাপন কৰা ফল-মূল , শাকপাচলি পাইকাৰী বজাৰৰ চৌহদত নতুনকৈ নিৰ্মান কৰিছে এই তিনি মহলীয়া বজাৰ গৃহ ৷
 
পৰিষদৰ সূত্ৰই সদৰি কৰা মতে উত্তৰ পূব পৰিষদৰ পৰা লাভ কৰা প্ৰায় ১৪ কোটি টকাৰে নিৰ্মান কৰা হৈছে বজাৰ গৃহটো ৷ বজাৰ গৃহ ভূমি মহলা নিৰ্মানৰ কাম ইতিমধ্যে শেষ হৈছে ৷
 
২০১৮ চনত পৰিষদৰ অধ্যক্ষ ললিত কুমাৰ বৰাৰ তৎপৰতাত নিৰ্মানৰ কাম আৰম্ভ হোৱা বজাৰ গৃহটোৰ তৃতীয় পৰ্যায়ৰ বজাৰ গৃহটো নিৰ্মানৰ কাম চলিত বছৰৰ মাজভাগত সম্পন্ন হ’ব ৷
 
বৰ্তমান পামহী বজাৰলৈ দৈনিক গড় হিচাপত অসমৰ উপৰিও পশ্চিমবংগ , গুজৰাট , বিহাৰ , মহাৰাষ্ট্ৰ আৰু দিল্লীকে ধৰি বিভিন্ন বজাৰৰ পৰা পাঁচ হাজাৰৰ পৰা সাত হাজাৰ টন শাকপাচলি , ফলমূল এই বজাৰলৈ আহে ৷ লক্ষণীয়ভাৱে উত্তৰ পূৱৰ প্ৰথমখন উপকৰ বিহীন বজাৰ পামহী বজাৰ ৷
 
অসম চৰকাৰ সহযোগত পৰিষদৰ অধ্যক্ষ ললিত কুমাৰ বৰাৰ নেতৃত্বত উপকৰ নোলোৱাকৈ বিজ্ঞানসন্মত আৰু শৃংখলাৱদ্ধ ভাৱে চলি থকা প্ৰথমখন পাইকাৰী বজাৰ ৷ গুৱাহাটীকে ধৰি উত্তৰ পূৱৰ বিভিন্ন ৰাজ্যলৈ শাকপাচলি , ফলমূল যোগান ধৰা বজাৰখনে পাঁচ শতাধিক নিবনুৱাক সংস্থাপন দিবলৈ সক্ষম হৈছে ৷ তৃতীয় পৰ্যায় নৱনিৰ্মিত তিনি মহলীয়া বজাৰ গৃহটো নিৰ্মান সম্পূৰ্ণ হলে পাঁচ শতাধিক ক্ষুদ্ৰ ব্যৱসায়ীক সংস্থাপন দিব পৰা যাব বুলি মন্তব্য কৰে ৷ লক্ষণীয় যে পূৰ্ৱতে পৰিষদৰ ফালৰ পৰা ফলমূল , শাকপাচলিকে ধৰি ৯০ বিধ সামগ্ৰীত উপকৰ সংগ্ৰহ কৰা হৈছিল৷
 
কিন্তু ইয়াৰে ৩৯ টা সামগ্ৰীত ৰেহাই দিয়াৰ পাছত ৫১ বিধ সামগ্ৰীত উপকৰ সংগ্ৰহ কৰা হয় ৷সমান্তৰালভাৱে ২০১৭-২০১৮ বৰ্ষত চেকগেট সমূহ বন্ধ কৰি হৈ যোৱাত উপকৰ সমূহ কমি যোৱা হ’ব বুলি ভবা হৈছিল যদিও পৰিষদৰ অধ্যক্ষ আৰু বিষয়া কৰ্মচাৰী তৎপৰতাত সমান্তৰালভাৱে উপকৰ সংগ্ৰহ কৰা হয় ৷

Leave A Reply

Your email address will not be published.