সমগ্ৰ পৃথিৱীৰ মুখ্যধাৰাৰ সংবাদ মাধ্যমক প্ৰত্যাহ্বান জনাই অনলাইন মাধ্যমে কৌটি কৌটি পাঠকক তথ্যৰ যোগান ধৰাৰ প্ৰক্ৰিয়া আৰম্ভ কৰিছে।বিকল্প সংবাদ ৰূপেও পৰিচিত এই মাধ্যমে ইণ্টাৰনেটৰ সহায়ত পৃথিৱীৰ চুকে কোণো পাঠক আৰু দৰ্শকক সংযোজিত কৰিছে।সেয়ে মানৱ জাতিৰ বাবে ই পৰিণত হৈছে ভৱিষ্যতৰ সংবাদ মাধ্যমৰূপে ।গুৱাহাটী প্ৰেছ ক্লাবৰ মিট দ্যা প্ৰেছ অনুষ্ঠানত নতুন দিল্লীৰ পৰা ভিডিও কনফাৰেন্স যোগে সাংবাদিকৰে বার্তালাপ কৰি জ্যেষ্ঠ সাংবাদিক যশৱন্ত সিঙে শুক্ৰবাৰে এই মন্তব্য কৰে । অনলাইন সংবাদিক ৰূপে খ্যাতি লাভ কৰা সিঙে ভাৰতৰ সংবাদ পত্ৰ আৰু নিউজ চেনেল সমূহৰ বেছিভাগেই ৰাইজৰ হিতৰ কথা বাদ দি নিজৰ মূনাফাৰ বাবে কাম কৰা বুলি অভিযোগ কৰে ।একপক্ষীয় আৰু বহুসময়ত পক্ষপাতদুষ্ট বাতৰি যোগানৰ জৰিয়তে মূল সূতিৰ সংবাদ মাধ্যমে প্ৰায়ে সমাজৰ অনিষ্ট সাধন কৰি আহিছে। সাধাৰণ পাঠকে সেইবাবে সামাজিক মাধ্যমৰ জৰিয়তে নিজৰ মত প্ৰকাশৰ স্বাধীনতা উপভোগ কৰিবলৈ আৰম্ভ কৰিছে।এতিয়া এনে এক পৰিৱেশৰ সৃষ্টি হৈছে যে মূল সূতিৰ সংবাদ মাধ্যমে অনলাইন মাধ্যমৰ পৰা তথ্য আহৰণ কৰিব লগা হৈছে। তদুপৰি একপক্ষীয় বাতৰিৰ বিৰুদ্ধে চ’চিয়েল মিডিয়াত ক্ষোভৰ উমান পাই বহুসময়ত নিউজ চেনেলে ক্ষমা খুজিব লগা পৰিস্হিতিৰো সৃষ্টি হৈছে। ইণ্টাৰনেটৰ বহুল প্ৰচাৰ আৰু প্ৰসাৰৰ ফলত বাতৰি কাকত আৰু নিউজ চেনেলে এই মাধ্যমৰ ওচৰত নিৰ্ভৰশীল হ’ব লগা হৈছে।ভাৰতৰ দৰে দেশত এতিয়াও বহু সংবেদনশীল বাতৰি কাকতৰ পাঠক আছে।কিন্তু তেওঁলোকৰ চাহিদা পূৰণৰ বাবে বাতৰি কাকতে নিজক সমৃদ্ধ নকৰিলে ভৱিষ্যত সংকট পূৰ্ণ হ’ব পাৰে। অনলাইন মাধ্যমত এতিয়া যিহেতু প্ৰায় সকলো ধৰণৰ সংবাদ পোৱা যায় ,বাতৰি কাকত নিউজ চেনেলে তাৰ নিৰপেক্ষ পৰ্য্যালোচনা গুৰুত্ব দিব পাৰে।নতুন প্ৰজন্মৰ সাংবাদিক সকলক উদ্দেশ্যি তেওঁ কয় যে সাংবাদিকতাৰ ধাৰা সলনি হ’লেও ই সদায় জীয়াই থাকিব। সাংবাদিক সকলে যি মাধ্যমতে কাম নকৰক কিয় নিজক প্ৰতিষ্ঠা কৰিবলৈ অধ্যাৱসায় কৰিবই লাগিব।অনলাইন মাধ্যমৰ সুবিধা লৈ পৃথিৱীৰ ইমূৰৰ পৰা সিমূৰলৈ নিজৰ তথ্য আৰু ধ্যান ধাৰণা প্ৰচাৰেৰে উদীয়মান সকলে নিজৰ পৰিচয় নিশ্চিত কৰিব বুলিও সিঙে আশা প্ৰকাশ কৰে।
Trending
- ব্যৱসায়ী সন্মিলিন অনুষ্ঠিত
- Co-Vice Chairman Dhruba Prasad Baishya inaugurates Civil Service Center at Darrang college
- কামৰূপ মহানগৰ জিলা উদ্যোগ আৰু বাণিজ্য কেন্দ্ৰৰ নৱ নিৰ্মিত ভৱন তথা অসম উদ্যোগিক আন্ত:গাঁথনি উন্নয়ন নিগমৰ পূন:নিৰ্মিত ভৱন উদ্বোধন উদ্যোগ মন্ত্রী বিমল বড়াৰ
- কৃষকক সবলীকৰণৰ বাবে আমাজন কিছানৰ সৈতে ভাৰতীয় কৃষি গৱেষণা পৰিষদৰ বুজাবুজিৰ চুক্তি স্বাক্ষৰ
- অসমীয়া সংগীত আৰু চিনেমাজগতলৈ জুবিন গাৰ্গৰ অপৰিসীম অৱদান উদযাপন কৰি জীৱন্ত কিংবদন্তিজনলৈ ৰেডিঅ’ গপ্-শ্বপ্ ৯৪.৩ এফ এমে উপহাৰ স্বৰূপে আগবঢ়াইছে তেওঁৰ জীৱনভিত্তিক প্ৰথমখন তথ্যচিত্ৰ
- এশ শতাংশ উত্তীৰ্ণৰে উজলিল মাজুলীৰ শংকৰদেৱ চিনিয়ৰ একাডেমী
- Governor of Meghalaya – Shri Phagu Chauhan launches inspirational book series – “Sanatan Wisdom” by Dr. Dinesh Shahra
- চচল শতদল শাখা সাহিত্য সভাৰ দ্বাৰা স্মৃতি দিৱস উদযাপন
- বিশিষ্ট চিত্ৰশিল্পী ননী বৰপূজাৰীক ‘উত্তৰ পুৰুষৰ মঞ্চৰ বিশেষ সম্বৰ্ধনা জ্ঞাপন
- Driving Sustainable Development: Meghalaya Communities Benefit from Union Ministry of New and Renewable Energy and MNREDA’s Collaborative Sessions