অসমীয়া ভাষা সাহিত্যলৈ বাপ্টিষ্ট মিছনেৰী সকলৰ অৱদান অতুলনীয় । অসমীয়া ভাষা সাহিত্যৰ বিকাশৰ ক্ষেত্ৰত অৰুণোদয় আলোচনীৰ জৰিয়তে বাপ্টিষ্ট সকলে যি পদক্ষেপ গ্ৰহণ কৰিছিল তাক অসমীয়া সমাজে কেতিয়াও পাহৰিব নোৱাৰে। আনহাতে অসমীয়া ভাষা কেৱল মাত্ৰ মাতৃভাষা নহয় ই হৈছে আমাৰ সভ্যতা , সংস্কৃতি এই কথা আজি এক গ্ৰন্থ উন্মোচনী সভাত ব্যক্ত কৰে অসম সাহিত্য সভাৰ সভাপতি ডঃ পৰমানন্দ ৰাজবংশীয়ে।উল্লেখযোগ্য যে ১৮৪৫ চনৰ ২৫ জানুৱাৰীত নাথান ব্ৰাউন, মাইলছ ব্ৰন্ ছন আৰু চাইৰাচ বাৰ্কাৰে শিৱসাগৰ, গুৱাহাটী আৰু নগাঁওত প্ৰতিষ্ঠা কৰা বাপ্তিষ্ট মণ্ডলীৰ ১৭৫ বছৰীয়া বৰ্ষপূতি অনুষ্ঠান উপলক্ষে ২৫ অক্টোবৰ শুক্ৰবাৰে গুৱাহাটীৰ বাপ্তিষ্ট সকলে বৰ্ষপূতি অনুষ্ঠান ৰূপায়ন কৰিব। অনুষ্ঠানৰ লগত সংগতি ৰাখি আজি গুৱাহাটী প্ৰেছ ক্লাৱত লিখক তথা পালক আজিজুল হকৰ ‘অৱদান’ শীৰ্ষক গ্ৰন্থ খন আনুষ্ঠানিক ভাবে উন্মোচন কৰা হয়।অনুষ্ঠানত বিশিষ্ট অতিথি ৰূপে উপস্থিত থাকে প্ৰাগজ্যোতিষ মহাবিদ্যালয়ৰ অধ্যক্ষ ডঃ দয়ানন্দ পাঠক আৰু অসম শিল্পী সন্মিলনৰ সচিব কৈলাশ শৰ্মা। নিজৰ ভাষণ প্ৰসংগত ডঃ পাঠকে অৰুণোদয় যুগৰ ভাষা সাহিত্যৰ লগতে অসমীয়া ভাষাৰ ক্ৰমবিকাশৰ ওপৰতো বক্তব্য ৰাখে।আনহাতে লিখকৰ ভাষণ প্ৰসংগত পালক হকে কয় যে ১৮৩৬ চনত অসমৰ পৰা অসমীয়া ভাষা আঁতৰাই বাংলা ভাষা প্ৰৱৰ্তন কৰাৰ পিছত অসমত যি পৰিস্থিতিৰ উদ্ভৱ হৈছিল আৰু পৰৱৰ্তী অসমীয়া ভাষা পুনৰ উদ্ধাৰৰ বাপ্তিষ্ট সকলৰ যি অৱদান আগবঢ়ালে লগতে অসমীয়া ভাষাক যি এক মাত্ৰা প্ৰদান কৰিলে সেই কথাক সন্মান জনাই গ্ৰন্থ খনৰ নাম অৱদান ৰখা হ’ল।
Trending
- Problems can be solved only if voted to power: Dr Manik Saha
- চণ্ডিগড়ত অনুষ্ঠিত নাগেশ ট্ৰফি টি-২০ ত অংশ ল’লে অসম দৃষ্টিহীন ক্ৰিকেট দলে
- সদৌ অসম ভাৰাত্তোলন প্ৰতিযোগিতাত দুটাকৈ সোণৰ পদকৰে তিতাবৰলৈ গৌৰৱ কঢ়িয়াই আনিলে অংশুৰাজ দত্ত আৰু জোনালী বড়ো গগৈয়ে
- Meghalaya becomes the first North Eastern state to approve a holistic and inclusive Mental Health and Social Care Policy
- জি-২০ বহনক্ষম বিত্তীয় কাৰ্যকৰী গোটৰ বৈঠকৰ প্ৰথম দিনৰ কাৰ্যসূচীৰ সফল সামৰণি
- মহানগৰীৰ সোণাইঘূলি, নৰকাসুৰ, লিচুবাগান আৰু গীতানগৰত জল ব’ৰ্ডৰ নিৰ্মিয়মাণ জল ভাণ্ডাৰ (Reservoir) পৰিদৰ্শন কৰিলে মন্ত্ৰী অশোক সিংহলে
- শ্ৰী শ্ৰী বাসুদেৱ থান নৰোৱা সত্ৰত বাৰ্ষিক পালনামৰ প্ৰস্তুতি
- অসমৰ সংবাদ জগতত চাণক্যৰ আত্মপ্ৰকাশ
- ৰাজপথত পৰিবহণ বিভাগৰ অপাৰেচন কুৰুক্ষেত্ৰ আৰম্ভ
- জি-২০ প্ৰতিনিধি দলৰ কাজিৰঙা ৰাষ্ট্ৰীয় উদ্যান দৰ্শন