ছফ্টৱেৰ টেকনোলজী পাৰ্ক অফ ইণ্ডিয়া চমুকৈ এছ টি পি আইৰ আজাৰাস্থিত গুৱাহাটী কেন্দ্ৰৰ উদ্যোগত বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ সমীপত থকা হোটেল কিৰণশ্ৰী গ্ৰেণ্ডৰ সভাগৃহত আজি দিনযোৰা কাৰ্যসূচীৰে বিনিয়োগ সম্পৰ্কীয় এখন সন্মিলন ( Investor Connect 3.0 ) অনুষ্ঠিত হয়। দিনৰ ১০ বজাৰ পৰা সন্ধিয়ালৈ অনুষ্ঠিত সন্মিলনখন বন্তি প্ৰজ্বলনৰে শুভাৰম্ভ কৰাৰ পাছত উপস্থিত সকলোকে আদৰণি জনায় সন্মিলনৰ উদ্দ্যেশ্য বাখ্যা কৰে এছ টি পি আইৰ গুৱাহাটী কেন্দ্ৰৰ সঞ্চালক বন্দনা শ্ৰীবাস্তৱে । আনহাতে সন্মিলনত চাৰিটা অগ্ৰণী উদ্যমিতা প্ৰতিস্থান ক্ৰমে – আই আই এম কলকাতাৰ ইন্নোভেনচন পাৰ্কৰ মুখ্য অপাৰেটিং বিষয়া প্ৰাঞ্জল কোঁৱৰ, আলভাভালভ কনচালটেণ্টিং প্ৰাইভেট লিমিটেডৰ সঞ্চালক মনীষ শ্ৰীবাস্তৱ, টি৯এল কিউবৰ ই আই আৰ কুমাৰ সৌৰভ আৰু এছ আই ডি বি আই ভেঞ্চাৰ কেপিটেল লিমিটেডৰ এ ভি পি ৰূপম নাথে ভাগ লৈ এনে ধৰণৰ সন্মিলনত হোৱা মত – বিনিময়ৰ জৰিয়তে নতুনকৈ আই টি ক্ষেত্ৰত জড়িত হব খোজা সকলক উৎসাহিত কৰিব বুলি আশা ব্যক্ত কৰে। বিশেষকৈ নতুনকৈ ষ্টাৰ্টআপ আৰম্ভ কৰিব বিচৰা সকল কেনেদৰে লাভবান হব তাৰ বাখ্যা দাঙি ধৰে। আনহাতে সন্মিলনৰ লগত সংগতি ৰাখি দুখন আলোচনা চক্ৰ অনুষ্ঠিত হয়। আলোচনা চক্ৰত বেংগালুৰুস্থিত কোৱালিটি এণ্ড ৰেগুলাৰিটি কম্পলিয়েন্সৰ টিৰকগ হেলথৰ উপ সভাপতি ডঃ মধু দণ্ডপানী আৰু আগৰতলাস্থিত নেশ্যনেল ইনষ্টিটিউট অৱ টেকনোলজীৰ সহকাৰী অধ্যাপক ডঃ সুমন দেৱ উপস্থিত থাকে । ইয়াৰ উপৰিও সন্মিলনত ভাগ লোৱা কেবাজনো প্ৰতিনিধিয়ে তেওঁলোকৰ ষ্টাৰ্টআপ প্ৰদৰ্শন কৰাৰ লগতে ভৱিষ্যতৰ ৰূপৰেখা দাঙি ধৰে।
Trending
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান
- ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY