আজিৰে পৰা আৰম্ভ হৈছে মেট্রিক আৰু হাই মাদ্ৰাছা পৰীক্ষা।ৰাজ্যৰ মুঠ ৮৬০ টা কেন্দ্রত অনুষ্ঠিত হৈছে এই পৰীক্ষা।এই পৰীক্ষাত সৰ্বমুঠ ৩,৫৮,৪৫৩ জন পৰীক্ষাৰ্থী অৱতীৰ্ণ হৈছে।ইয়াৰে ১,৬৭,৮৫০ জন ছাত্র আৰু ১,৯০,৬০৩ গৰাকী ছাত্রী।পূৰ্বৰ দৰে এইবাৰো পৰীক্ষা কেন্দ্রসমূহত চি চি টি ভি কেমেৰাৰ ব্যৱস্থা কৰা হৈছে।আনহাতে পৰীক্ষাৰ্থীৰ লগতে নিৰীক্ষককো মোবাইল ফোনৰ ব্যৱহাৰ নিষিদ্ধ কৰা হৈছে।উল্লেখ্য যে প্ৰথমবাৰৰ বাবে পৰীক্ষা কেন্দ্রত পৰীক্ষাৰ্থীৰ সন্মুখতে দুজন পৰীক্ষাৰ্থীক সাক্ষী কৰি নিৰীক্ষকে প্ৰশ্নকাকত খুলিব।পূৰ্বতকৈ কঠোৰ হৈছে ছেবাৰ নিয়ম।নকল ধৰা পৰা পৰীক্ষাৰ্থীক বহিস্কাৰেই নহয় ৩ বছৰলৈ নিলম্বিত কৰা হ’ব বুলি ঘোষণা কৰিছে ছেবা কৰ্তৃপক্ষই।আনহাতে নকল কৰা পৰীক্ষাৰ্থীৰ লগতে পৰীক্ষা কেন্দ্রই হেমাহি কৰিলে চিৰদিনৰ বাবে বাতিল কৰিব পৰীক্ষা কেন্দ্র।ইয়াৰোপৰি এইবাৰৰ পৰীক্ষাত নীলা চিঞাহীৰ পৰিৱৰ্তে ক’লা চিঞাহীৰে লিখিব লাগিব পৰীক্ষাৰ্থীসকলে।তদুপৰি পৰীক্ষাৰ্থীসকলে পৰীক্ষা কেন্দ্রলৈ কেলকুলেটৰ,ঘড়ী,বেগ নিব নোৱাৰিব।প্ৰতিটো পৰীক্ষা কেন্দ্রত ১৪৪ ধাৰা জাৰি কৰা হৈছে।পৰীক্ষা কেন্দ্রৰ ৫০ মিটাৰৰ ভিতৰত থাকিব নোৱাৰিব কোনো ব্যক্তি।প্ৰতিটো স্পৰ্শকাতৰ পৰীক্ষা কেন্দ্রত নিয়োগ কৰা হৈছে ফ্লায়িং স্কোৱাড।লগতে ২৫ টা কেন্দ্রত জামাৰ সংস্থাপন কৰা হৈছে।তদুপৰি দৃষ্টিহীন পৰীক্ষাৰ্থীৰ বাবে এঘণ্টা অধিক সময় প্ৰদান কৰা হ’ব।উল্লেখ্য যে মেট্ৰিক,হাই মাদ্ৰাছাৰ পৰীক্ষা সমূহ অহা ২৯ ফেব্ৰুৱাৰীলৈ চলিব।
Trending
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা
- সদৌ অসম সাংবাদিক সন্থা(আজু)ৰ নগাঁও জিলা সমিতিৰ জিলা আয়ুক্ত দেৱাশীষ শৰ্মাক সম্বৰ্ধনা
- তামুলপুৰত লোন মেলা সম্পন্ন
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান