পলাশবাৰীৰ উপৰহালীস্থিত গুৱাহাটী মহকুমা বজাৰ সমিতিৰ মুখ্য কাৰ্যালয় চৌহদত আজি এন.এ.এফ.ই.ডি (NAFED)ই এটি ধান ক্ৰয় কেন্দ্ৰ আনুষ্ঠানিকভাৱে মুকলি কৰে। উক্ত কেন্দ্ৰটি উদ্বোধন কৰে কৃষি বিষয়া বিমল প্ৰসাদ দেউৰীয়ে। এই উপলক্ষে এখন কৃষক সজাগতা সভা অনুষ্ঠিত হয়। সভাত অসম ৰাজ্যিক কৃষি সামগ্ৰী বিপনন পৰিষদৰ বাণিজ্য বিষয়া অপূৰ্ব দাস, কৃষি উন্নয়ণ বিষয়া, ৰামপুৰৰ জ্যোতিৰেখা দাস, কৃষি উন্নয়ণ বিষয়া মিৰ্জাৰ কল্যাণ শৰ্মা, কৃষি উন্নয়ণ বিষয়া ৰাণীৰ বৰ্ণালী মেধী আৰু এটিম.চি.এচ.এচ আত্মা ৰাজুমণি দাসসহ কেইবাজনো বিশিষ্ট ব্যক্তি উপস্থিত থাকে।মিৰ্জা, বঙৰা, ৰাণী, ৰামপুৰ, বৰদুৱাৰ, ৰঙামাটি, ছয়গাঁওকে ধৰি অঞ্চলটোৰ কৃষকসকল উপস্থিত থকা সভাত ধান ক্ৰয়ৰ বিষয়ে সজাগতা কৰা হয়। ২০২২-২৩ ইং বৰ্ষৰ বাবে ভাৰত চৰকাৰে ধানৰ প্ৰতি কুইণ্টলত নুন্যতম ২০৪০ টকাকৈ ধাৰ্য কৰিছে। গতিকে কৃষকসকলে বজাৰ মুল্যতকৈ চৰকাৰৰ ধান ক্ৰয় কেন্দ্ৰত উচিত মূল্য লাভ কৰিব পাৰিব বুলি এই সভাৰ জৰিয়তে সজাগ কৰা হয়।
Trending
- দ্বিতীয় পৰ্য্যায়ৰ ভোটগ্রহণ সম্পন্ন
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন