অসম তথা অসমবাসীৰ বাবে আজি এটা বিশেষ দিন। ৩৮ বছৰীয়া সংগ্ৰাম আৰু ৮৫৫ জন শ্বহীদ বলিদানক শ্ৰদ্ধা জনাই অসম আৰু অসমীয়াৰ স্বাৰ্থত আজি প্ৰকাশিত হ’ল ৰাষ্ট্ৰীয় নাগৰিকপঞ্জীৰ দ্বিতীয়খন পূৰ্ণাংগ খচৰা। ইয়াৰ জৰিয়তে ২ কোটি ৮৯ লাখ ৮৩ হাজাৰ ৬শ ৭৭ জন নাগৰিকৰ নাম সন্নিবিষ্ট হ’ল। ইয়াৰ বিপৰীতে বাদ পৰি ৰল প্ৰায় ৪০ লাখ জনসাধাৰণৰ নাম। পূৰ্ণাংগ খচৰাখন প্ৰকাশ হোৱাৰ পিছত মুখ্যমন্ত্রীয়ে ব্ৰহ্মপুত্র অতিথিশালাত এক সংবাদমেল আয়োজন কৰে। তেখেতে সংবাদমেলত মন্তৰ্ব্য কৰে যে জাতি, ধৰ্ম, নিৰ্বিশেষে এই খচৰাখন প্ৰস্তুত কৰাত সহযোগিতা আগবঢ়োৱাৰ বাবে ধন্যবাদ জনায়। পৰৱৰ্তী সময়তো ভাতৃত্ববোধ, শান্তি, শৃংখলা বজাই ৰাখি চুড়ান্ত খচৰা প্ৰস্তুত কৰাৰ ক্ষেত্রত সহযোগ কৰিবলৈ আহ্বান জনায়। লগতে উল্লেখ কৰে যে মহামান্য উচ্চতম ন্যায়ালয়ৰ নিৰ্দেশ মৰ্মে সম্পূৰ্ণ গণতান্ত্রিক প্ৰক্ৰিয়াৰে এই খচৰাখন প্ৰস্তুত কৰা হৈছে। ইয়াত বিৰোধী দলৰ নেতাসকলৰ মন্তৰ্ব্য লোৱা হৈছিল, একক ভাৱে সিদ্ধান্ত লৈ এই খচৰা প্ৰস্তুত কৰা নাই। চুড়ান্ত খচৰা প্ৰকাশ পালেহে সঠিকতা নিৰ্দ্ধাৰণ কৰা হ’ব। এই মন্তৰ্ব্য মুখ্যমন্ত্রী সৰ্বানন্দ সোণোৱালৰ। আনহাতে আছুৰ সমুজ্বল ভট্ৰাচাৰ্য্যও এন আৰ চিৰ খচৰাকলৈ সন্তোষ প্ৰকাশ কৰে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন