ৰাষ্ট্ৰীয় শিক্ষাৰ্থী বাহিনী চমুকৈ এন চি চিৰ উত্তৰ পূব মণ্ডলৰ তদাৰকততাত আৰু গুৱাহাটী গ্ৰুপৰ অধীনৰ ৩০ আসাম ইঞ্জিনিয়াৰিং এন চি চি কোম্পানীৰ উদ্যোগত ৰঙিয়াস্থিত জবাহৰ নবোদয় বিদ্যালয় চৌহদত ২৯ মে’ৰ পৰা বাৰদিনীয়া কাৰ্যসূচীৰে আৰম্ভ হৈছে এডভান্স লীডাৰশ্বিপ কেম্প।অহা ৯ জুনত সামৰণি পৰিবলগীয়া শিবিৰত অসমকে ধৰি উত্তৰ পূবৰ ৰাজ্যকেইখনৰ উপৰিও পশ্চিমবংগ ,বিহাৰ আৰু ঝাৰখণ্ডৰ এন চি চিৰ স্থল, নৌ আৰু বায়ু সেনাৰ ৩০০ ৰো অধিক কেডেটে ভাগ লৈছে । আনহাতে ২৯ মে’ত আৰম্ভ হোৱাৰ দিনাই শিবিৰ পৰিদৰ্শন কৰি কেডেট আৰু প্ৰশিক্ষক বিষয়া সকলৰ সৈতে মত- বিনিম়য় কৰে এন চি চিৰ উত্তৰ পূব মণ্ডলৰ অতিৰিক্ত সঞ্চালক প্ৰধান (এদিজি) মেজৰ জেনেৰেল গগনদ্বীপ সিঙে । মেজৰ জেনেৰেল সিঙে কেডেট সকলেৰ অভিবাদন গ্ৰহণ কৰাৰ পাছত এই উপলক্ষে অনুষ্ঠিত অনুষ্ঠানত তেওঁ শিবিৰৰ লক্ষ্য, উদেশ্যৰ ওপৰত আলোকপাত কৰে আৰু নিষ্ঠাৰে প্ৰশিক্ষণ গ্ৰহণ কৰিবলৈ আহ্বান জনায়। অনুষ্ঠানত এন চি চিৰ গুৱাহাটী গ্ৰুপৰ গ্ৰুপ কমাণ্ডাৰ ব্ৰিগেডিয়াৰ দীনাৰ দীঘে ,৩০ আসাম ইঞ্জিনিয়াৰিং এন চি চি কোম্পানীৰ কমাণ্ডিং অফিচাৰ কৰ্ণেল পৱন কুমাৰকে ধৰি কেবাজনো সেনা বিষয়া , এচোছিয়েট এন চি চি বিষয়া ( এ এন অ ) উপস্থিত থাকে । উল্লেখ্য যে শিবিৰত কেডেট সকলক ৰাইফল চালনা,পেৰেড , যুদ্ধত শত্ৰুক পৰাজিত কৰাৰ কৌশল,বাধা বিঘিনী অতিক্ৰম কৰি শত্ৰুৰ নিদিষ্ট লক্ষ্যত আঘাট কৰা,দৌৰ,শাৰীৰিক অনুশীলন ,ক্ৰচ কান্ত্ৰী, সাংস্কৃতিক বিনিম়য় ,ব্যক্তিত্ব বিকাশ, আদি প্ৰশিক্ষণ প্ৰদান কৰা হ’ব।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ