কলকাতা আন্ত:ৰাষ্ট্ৰীয় চলচ্চিত্ৰ মহোৎসৱলৈ নিৰ্বাচিত অসমীয়া ছবি ‘অকমান’

0 68

অসমীয়া ছবিজগতলৈ সুখৱৰ। ২৮ সংখ্যক কলকাতা আন্ত:ৰাষ্ট্ৰীয় চলচ্চিত্ৰ মহোৎসৱলৈ নিৰ্বাচিত অসমীয়া ছবি ‘অকমান’।১৫ ডিচেম্বৰৰ পৰা ২২ ডিচেম্বৰলৈ কলকাতাত অনুষ্ঠিত হ’ব এই আন্ত:ৰাষ্ট্ৰীয় চলচ্চিত্ৰ মহোৎসৱ। এই মহোৎসৱত ভাৰতীয় কথাছবি প্ৰতিযোগিতা শিতানলৈ নিৰ্বাচিত হৈছে প্ৰাঞ্জল কে শইকীয়াৰ দ্বাৰা পৰিচালিত কথাছবি অকমান।উল্লখ্য যে এই কথাছবিখনৰ কাহিনীভাগ অসমৰ এখন ভিতৰুৱা গাওঁৰ ১২ বছৰীয়া ল’ৰা অকমানে বিদ্যালয়ত অনুষ্ঠিত স্বাধীনতা দিৱসৰ অনুষ্ঠানত অজানিতে কৰা ভুলৰ বাবে জাতীয় পতাকাখন খোল নোখোৱাত শিক্ষকৰ শাস্তিৰ সন্মুখীন হয়। সেইদিন ধৰি অকমানে এখন জাতীয় পতাকা কিনি উৰুৱাবলৈ নিজৰ মনতে সংকল্প লয়। এদিন অকমানে এখন নতুন পতাকা বিচাৰি পায়। কিন্তু সেইখন জাতীয় পতাকা নাছিল, সেইখন আছিল অকমানৰ পিতৃয়ে এৰি যোৱা পতাকা। অকমান সেই পতাকা খনৰ প্ৰতি আকৃষ্ট হয় আৰু এদিন দুৰ্বিপাকত পৰে। সেই উপলব্ধিক মূল বিষয়বস্তু হিচাপে লৈ পৰিচালক প্ৰাঞ্জল কে শইকীয়াই কথাছবিখন নিৰ্মান কৰিছে।উল্লেখ্য যে পৰিচালক প্ৰাঞ্জল কে শইকীয়াৰ দ্বাৰা পৰিচালিত এইখন প্ৰথম কথাছবি। কথাছবিখন প্ৰযোজনা কৰিছে নৰেন্দ্ৰ এন সিনহা, ভাস্কৰ দত্ত আৰু প্ৰাঞ্জল কে শইকীয়াই। সহ প্ৰযোজনাত আছে দীপাংকৰ জোনাক বৰুৱা।অকমানৰ চৰিত্ৰত ভূপেন গগৈয়ে অভিনয় কৰাৰ লগতে সন্ধ্যা হাজৰিকা, বিশ্বজিৎ সন্দিকৈ, আষ্ট্ৰিয়ানা দিহিঙিয়া, ৰাজু গগৈ, গৌতম গগৈ, সাগৰ গগৈ, জানমণি গগৈ, মধুস্মিতা গগৈ, লেখনী দেৱী, ধৰণী শইকীয়া, ৰঞ্জিৎ শৰ্মা, গিতালী শইকীয়া, লাভলী দিহিঙিয়া আৰু ছায়াশ্ৰী চমুৱাই অভিনয় কৰিছে। দৃশ্যগ্ৰহণ নৱনিত নীলাভ, সম্পাদনা দিগন্ত বৰা, চাউণ্ড ডিজাইন দেৱজিত গায়ন, সংগীত মনদীপ-মনমিত, সাজসজ্জা ৰিজুমণি দেউৰী।

Leave A Reply

Your email address will not be published.