অহা ৭ মে’ত অনুষ্ঠিত হ’বলগীয়া ৰাজ্যখনৰ অন্তিম পৰ্যায়ৰ লোকসভা নিৰ্বাচনৰ পৰিপ্ৰেক্ষিতত আজি মহানগৰীৰ মণিৰাম দেৱান ট্ৰেড চেণ্টাৰত নিৰ্বাচনী প্ৰস্তুতি সম্পৰ্কীয় এখন বিশেষ পৰ্যালোচনা সভা অনুষ্ঠিত হয়। কামৰূপ মহানগৰ জিলা নিৰ্বাচন বিষয়া তথা জিলা আয়ুক্ত সুমিত সাত্তাৱনৰ পৌৰহিত্যত অনুষ্ঠিত উক্ত সভাত সাধাৰণ পৰ্যবেক্ষক কেশৱ সিংঘানিয়া, মহানগৰ আৰক্ষী আয়ুক্ত দিগন্ত বৰা, অতিৰিক্ত আয়ুক্ত তথা মিডিয়া চাৰ্টিফিকেছন মণিট’ৰিং কোষৰ ন’ডেল বিষয়া কংকন শৰ্মাকে ধৰি কেইবাগৰাকী সংশ্লিষ্ট বিষয়াই অংশগ্ৰহণ কৰে। সভাত উপস্থিত জ’নেল বিষয়া, আৰক্ষী আৰু অসামৰিক উভয়ৰে চেক্টৰ বিষয়াসকলক ভোটগ্ৰহণ প্ৰক্ৰিয়াত নিজৰ দায়িত্ব নিষ্ঠা আৰু সততাৰে পালন কৰিবলৈ জিলা আয়ুক্তই আহ্বান জনায় । তেওঁ লগতে কয় স্বচ্ছ, নিকা, নিখুঁত নিৰ্বাচনৰ স্বাৰ্থত আমি প্ৰত্যেকেই ত্যাগৰ মনোভাৱেৰে ধৈৰ্য সহকাৰে নিৰ্বাচন আয়োগৰ সকলো নীতি-নিয়ম মানি নিজৰ কৰ্তব্য পালন কৰিব লাগিব। তদুপৰি নিৰ্বাচনৰ সময়ছোৱাত নিজৰ সংশ্লিষ্ট এলেকাৰ আইন শৃংখলা পৰিস্থিতিৰ প্ৰতি চোকা দৃষ্টি ৰাখিবলৈ মহানগৰ আৰক্ষী আয়ুক্ত দিগন্ত বৰাই চেক্টৰ আৰক্ষী বিষয়াসকলক আহ্বান জনায় । উল্লেখযোগ্য যে কামৰূপ মহানগৰ জিলাৰ বাবে মণিৰাম দেৱান ট্ৰেড চেণ্টাৰত ই ভি এম, নিৰ্বাচনী সামগ্ৰী আদিৰ বিতৰণৰ ব্যবস্হা কৰা হৈছে । সেইদৰে ভোটগ্ৰহণৰ অন্তত ই ভি এম গ্ৰহণ আৰু ষ্ট্ৰং ৰুমৰ ব্যৱস্থা কৰা হৈছে মণিৰাম দেৱান ট্ৰেড চেণ্টাৰতে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন