কামৰূপ মহানগৰ জিলা প্ৰশাসনৰ উদ্যোগত আজি ফাঁচী বজাৰৰ নিকটৱৰ্তী ব্ৰহ্মপুত্ৰ নদীৰ কাছমাৰি ঘাটত অৱস্থিত বীৰ লাচিত বৰফুকনৰ প্ৰতিমূৰ্তিৰ সমীপত লাচিত বৰফুকনৰ ৪০১ সংখ্যক জয়ন্তী পালন কৰা হয়৷ লাচিত দিৱস উপলক্ষে আয়োজিত অনুষ্ঠানত উপস্থিত থাকি গুৱাহাটী লোকসভা সমষ্টিৰ সাংসদ কুইন ওজা, গুৱাহাটী পৌৰ নিগমৰ পৌৰপতি মৃগেন শৰনীয়া, জিলা আয়ুক্ত পল্লৱ গোপাল ঝাই লাচিত বৰফুকনৰ প্ৰতিমূৰ্তিৰ সন্মুখত বন্তি প্ৰজ্বলন কৰি শ্ৰদ্ধা নিবেদন কৰে৷ ইয়াৰ পিছতে অনুষ্ঠিত হয় এখন সভা৷ সভাত ভাষণ দি সাংসদ কুইন ওজাই লাচিত বৰফুকনক দেশ আৰু বিশ্ববাসীৰ সন্মুখত পৰিচয় কৰাই দিয়াৰ বাবে অসম চৰকাৰে গ্ৰহণ কৰা প্ৰশংসনীয় পদক্ষেপসমূহৰ বিষয়ে উল্লেখ কৰে৷ পৌৰপতি মৃগেন শৰনীয়াই কয় যে লাচিত বৰফুকনৰ সাহস আৰু বীৰত্বই অসমীয়া জাতিক আজিও উদ্বুদ্ধ কৰি ৰাখিছে৷ জিলা আয়ুক্ত পল্লৱ গোপাল ঝাই আহোম সেনাপতি লাচিত বৰফুকনৰ যুদ্ধ কৌশল আৰু জটিল সময়ত নেতৃত্ব দিয়াৰ দক্ষতা আদি বিষয়ত অধ্যয়নৰ যথেষ্ট সুযোগ থকা বুলি কৈ নতুন প্ৰজন্মৰ শিক্ষাৰ্থী আৰু গৱেষকক এইক্ষেত্ৰত আগবাঢ়ি আহিবলৈ আহ্বান জনায়৷ সভাত সোনাৰাম উচ্চতৰ মাধ্যমিক বিদ্যালয়ৰ অধ্যক্ষা মঞ্জুৰাণী বৰ্মন আমন্ত্ৰিত বক্তা হিচাপে উপস্থিত থাকি লাচিত বৰফুকনৰ যুদ্ধকৌশল সন্দৰ্ভত আলোকপাত কৰে৷ লাচিত দিৱসৰ সৈতে সংগতি ৰাখি স্কুলীয়া ছাত্ৰ-ছাত্ৰীৰ মাজত আয়োজন কৰা চিত্ৰাংকন প্ৰতিযোগিতাৰ বিজয়ী সকলক এই সভাতে পুৰস্কাৰ প্ৰদান কৰা হয়৷ গুৱাহাটী পৌৰ নিগমৰ কেবাগৰাকী পাৰিষদ, জিলা প্ৰশাসন, পৌৰ নিগমকে ধৰি বিভিন্ন বিভাগৰ বিষয়া-কৰ্মচাৰী, বহুসংখ্যক ৰাইজ সভাখনত উপস্থিত থাকে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন