ৰাজ্য চৰকাৰৰ খাদী আৰু গ্ৰামোদ্যোগ ব’ৰ্ডত আজি দিনজোৰা কাৰ্যসূচীৰে গান্ধী জয়ন্তী উদযাপন কৰা হয় । এই উপলক্ষে চানমাৰিস্থিত ব’ৰ্ডৰ মুখ্য কাৰ্যালয়ত আয়োজিত অনুষ্ঠানৰ আৰম্ভণিতে গান্ধীজীৰ প্ৰতিমূৰ্তিত মুখ্যমন্ত্রী ড০ হিমন্ত বিশ্ব শৰ্মাই মাল্যাৰ্পণ কৰাৰ লগতে জাতিৰ পিতালৈ গভীৰ শ্ৰদ্ধা নিবেদন কৰে । অনুষ্ঠানত ৰাজ্য চৰকাৰৰ হস্ত তাঁত আৰু বস্ত্র ইত্যাদি বিভাগৰ মন্ত্রী উৰ্খাও গৌৰা ব্ৰহ্মই বিশিষ্ট অতিথি হিচাপে অংশগ্ৰহণ কৰি মহামানৱ মহাত্মা গান্ধীৰ অতুলনীয় জীৱন দৰ্শনক শ্ৰদ্ধাৰে সোঁৱৰণ কৰে । তেওঁ ভাষণ প্ৰসংগত কয় যে গান্ধীজীৰ আদৰ্শ আৰু চিন্তা আগত লৈ নৱভাৰতৰ প্ৰতিগৰাকী নাগৰিকে আগবাঢি যোৱা উচিত । মহাত্মা গান্ধী অকল স্বাধীনতা সংগ্ৰামৰ নেতাই নাছিল,তেওঁ যথাৰ্থতে আছিল দেশ আৰু সমাজৰ সকলোৰে বাবে হিত চিন্তা কৰা এগৰাকী প্ৰকৃত মানৱতাবাদী, মহান দাৰ্শনিক। আজিৰ অনুষ্ঠানত খাদী আৰু গ্ৰামোদ্যোগ ব’ৰ্ডৰ অধ্যক্ষ ড° কমলা কলিতা,উপাধ্যক্ষ হৰেণ দেউৰী ,হস্ত তাঁত আৰু ৰেচম বিভাগৰ সচিব দিলীপ কুমাৰ বৰা ,খাদী ব’ৰ্ডৰ মুখ্য কাৰ্যবাহী বিষয়া বুবুল লেখাৰু ,ৰেচম বিভাগৰ সঞ্চালক কাজৰী ৰাজখোৱাসহ বিভাগ আৰু ব’ৰ্ডৰ অন্যান্য বিষয়া- কৰ্মচাৰী উপস্থিত থাকে।
Trending
- চিত্ৰগৃহত সগৌৰৱে চলিছে ৰঙাটাপু-১৯৮২-মুক্তিৰ তিনিদিনত ৩৮ লাখ টকাৰ ব্যৱসায়ঃ দৰ্শনীৰ সংখ্যা দুগুণ বৃদ্ধি
- গুৱাহাটী উচ্চ ন্যায়ালয়ৰ উদ্যোগত ‘সংবিধান দিৱস’ পালন
- কাঁহিকুছিত বিজেপিৰ গুৱাহাটী বিমানকোঠ মণ্ডলৰ মূখ্য কাৰ্যালয় মুকলি -লোকসভা নিৰ্বাচনক লৈ তৎপৰতা আৰম্ভ
- কামৰূপ মহানগৰ জিলা প্ৰশাসনৰ উদ্যোগত লাচিত দিৱস পালন
- পলাশবাৰী ৰাস মহোৎসৱৰ মহাৰজত জয়ন্তী -উদ্বোধন কৰিব অসম সাহিত্য সভাৰ সভাপতি ড০ সূৰ্য কান্ত হাজৰিকাই
- শ্ৰমিক কল্যাণ দিৱস উদযাপন
- দুদিনীয়া অসম ভ্ৰমণত অসমৰ মহিলা আত্মসহায়ক গোটৰ পৰিৱৰ্তনশীল ভূমিকাৰ শলাগ ল’লে প্ৰধানমন্ত্ৰীৰ অতিৰিক্ত সচিব হৰি ৰঞ্জন ৰাৱে
- কাজিৰঙা নিউজ নেটৱৰ্কৰ বিংশতিতম প্ৰতিষ্ঠা দিৱস পালন
- গোৱা ইণ্ডিয়ান পেনোৰমাত পাৰ্থ সাৰথি মহন্তৰ লাচিত: দ্য ৱাৰিয়ৰৰ প্ৰদৰ্শন
- ইউনিচেফ অসমৰ বিষয়ববীয়াৰ সৈতে বৈঠকত বানাক্ৰান্ত অঞ্চলৰ শিশুৰ সৈতে মত বিনিময় বনমন্ত্ৰী পাটোৱাৰীৰ