বিষ্ণুপ্ৰিয়া মণিপুৰী শ্বহীদ কুমাৰী সুদেষ্ণা সিনহাৰ ২৭ তম্ শ্বহীদ দিৱস আজি গকুলানন্দ গীতিস্বামী কলাকৃষ্টি কেন্দ্ৰ আৰু বিষ্ণুপ্ৰিয়া মণিপুৰী যুৱ পৰিষদৰ যুটীয়া উদ্যোগত খানাপাৰাৰ উদয়নগৰৰ শ্ৰীশ্ৰী গোবিন্দ মন্দিৰ সেৱাশ্রম কলাকৃষ্টি কেন্দ্রত অনুষ্ঠিত হয়। আৰম্ভণিতে ভাষা শ্বহীদ কুমাৰী সুদেষ্ণা সিনহাৰ স্থিৰ চিত্ৰত সামূহিকভাৱে বন্তি প্ৰজ্বলন আৰু মাল্যাৰ্পণ কৰাৰ অন্তত অনুষ্ঠিত মুকলি সভাত বিষ্ণুপ্ৰিয়া মণিপুৰী সাহিত্য পৰিষদৰ সভাপতি, সাহিত্যিক পেঞ্চনাৰ দিলস্ লক্ষ্মীন্দ্ৰ সিংহ ৰচিত গ্ৰন্থ “বিষ্ণুপ্ৰিয়া মণিপুৰী সাহিত্যৰ ইতিহাস” উন্মোচন কৰি বহুভাষিক সাহিত্য মঞ্চ, অসমৰ প্ৰধান সম্পাদক, সাংবাদিক, লেখক দীপক শৰ্মাই কয় : নিজ মাতৃভাষাৰ বুৰঞ্জী জনাটো নিতান্তই প্ৰয়োজন। সকলো জাতি- জনজাতি- উপজাতিৰে বুৰঞ্জী প্ৰকাশ হ’ব লাগে। দিলস্ লক্ষ্মীন্দ্ৰ সিংহ ৰচিত বিষ্ণুপ্ৰিয়া মণিপুৰী সাহিত্যৰ বুৰঞ্জী গ্ৰন্থখনি মাইলৰ খুঁটি হিচাপে বিবেচিত হ’ব।” সাংবাদিক, লেখক দীপক শৰ্মাই আৰু কয়- ‘ভাষা জনাটো প্ৰয়োজন। ভাষা জানিলে সমন্বয় বাঢ়ে। সংহতি স্থাপন হয়। একতাৰ এনাজৰিডাল নিকপকপীয়া হয়। নদীৰ প্ৰবাহমান গতিৰ দৰে ভাষাক আগুৱাই নিবৰ বাবে আমি সকলোৱে অহোপুৰুষাৰ্থ কৰিব লাগে। ইতিহাস জানিলে জাতি জীয়াই থাকে।” বিজন সিনহা আৰু প্ৰদীপ সিনহাই আঁত ধৰা সভাত হাফলঙৰ গুণজুং চৰকাৰী উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ ননীবাবু সিনহা, মিজোৰামৰ ৰুলচম উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ প্ৰতাপ চন্দ্র সিংহ, কৰিমগঞ্জৰ কবি, লেখিকা সুচৰিতা সিনহা, চলচ্চিত্র পৰিচালক হীৰেন্দ্ৰ সিংহ, বিষ্ণুপ্ৰিয়া মণিপুৰী মহাসভাৰ উপ-সভাপতি শংখ সিংহ, ত্ৰিপুৰা প্ৰদেশ বিষ্ণুপ্ৰিয়া মণিপুৰী যুৱ পৰিষদৰ সভাপতি নিৰঞ্জন সিংহ, ত্ৰিপুৰাৰ সমাজসেৱী পৰিতোষ সিংহ, অসম প্ৰদেশ বিষ্ণুপ্ৰিয়া মণিপুৰী যুৱ পৰিষদৰ সভাপতি নৰেন্দ্ৰ সিংহ বিশিষ্ট অতিথি হিচাপে অংশগ্রহণ কৰে।
Trending
- এয়াৰটেলৰ এ আই পৰিচালিত নেটৱৰ্ক চলিউচনে অসম আৰু উত্তৰ পূৰ্বাঞ্চলৰ স্পেম কল তথা এছ এম এছক বিদায় জনালে। সকলো ডিভাইচত এয়াৰটেলৰ গ্ৰাহকসকলৰ বাবে স্বয়ংক্রিয় সক্রিয়কৰণ সহিতে বিনামূলীয়া সমাধান সূত্র
- 18th SSB Inter-Frontier Badminton Competition commence from today
- এন ই ফ’কাচৰ উদ্যোগত Preserve our past protect our future শীৰ্ষক ঐতিহাসিক কনক্লেভ অনুষ্ঠিত
- ৰাজ্যিক ভিত্তিত দ্বিতীয় জু-জিৎছু প্ৰতিযোগিতা সম্পন্ন
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ