আজি সৰুসজাই ক্ৰীড়া প্ৰকল্পত অনুষ্ঠিত এক অনুষ্ঠানত খেলো ইণ্ডিয়া য়ুথ গেমছ্-২০২০ ৰ টৰ্চ ৰেলী শুভাৰম্ভ হয়। এই টৰ্চ ৰেলী আনুষ্ঠানিকভাৱে শুভাৰম্ভ কৰে মুখ্যমন্ত্রী সৰ্বানন্দ সোনোৱালে।এই টৰ্চ ৰেলী অনুষ্ঠান ৰাজ্যখনৰ সকলো জিলা সদৰতে অনুষ্ঠিত হ’ব।আজিৰ এই অনুষ্ঠানত মুখ্যমন্ত্রীয়ে নেপালত অনুষ্ঠিত হোৱা চাউথ এছিয়ান গেমছত পদক লাভ কৰা খেলুৱৈসকলক আৰ্থিক পুৰস্কাৰ প্ৰদান কৰে।লগতে ৰাজ্য চৰকাৰৰ সংহত ক্ৰীড়া নীতি অনুসৰি মেডেল প্ৰাপ্ত খেলুৱৈসকলক আৰ্থিক অনুদান আগবঢ়ায়। ২০১৬ বৰ্ষত গুৱাহাটীত অনুষ্ঠিত হোৱা দ্বাদশ চাউথ এছিয়ান গেমছত অসমৰ পদকপ্রাপ্ত খেলুৱৈসকলক আৰ্থিক পুৰস্কাৰ প্ৰদান কৰি মুখ্যমন্ত্রী গৰাকীয়ে কয় যে ক্ৰীড়াই বহুমুখী উত্তৰণৰ দিশত সহায় কৰে।বৰ্তমানৰ ৰাজ্য চৰকাৰখনে ৰাজ্যখনৰ মানৱ সম্পদ বিকাশৰ বাবে শিক্ষা,ক্ৰীড়া আৰু সংস্কৃতিৰ ওপৰত বিশেষ গুৰুত্ব আৰোপ কৰিছে।লগতে ৰাজ্য চৰকাৰে ক্ৰীড়াবিদ সকলক উৎসাহিত কৰাৰ বাবে বিভিন্ন পদক্ষেপ লৈছে।গুৱাহাটীত অনুষ্ঠিত হ’বলগীয়া তৃতীয় খেলো ইণ্ডিয়া য়ুথ গেমছত অসমৰ পৰা অৱতীৰ্ণ হ’বলগীয়া ৬৩৩ গৰাকী প্ৰতিযোগীক প্ৰতিযোগিতামূলক মানসিকতাৰে অৱতীৰ্ণ হৈ সুনাম কঢ়িয়াই অনাৰ বাবে মুখ্যমন্ত্রী গৰাকীয়ে আহ্বান জনায়।লগতে তেখেতে কয় যে ৰাজ্যখনৰ ক্ৰীড়া বাতাবৰণৰ সমন্বিত উত্তৰণৰ বাবে ৰাজ্য চৰকাৰে ভিলেজ অলিম্পিক টেলেণ্ট হাণ্ট ৬ টা শাখাত অনুষ্ঠিত কৰিব।আজিৰ এই অনুষ্ঠানত কৃষি মন্ত্ৰী অতুল বৰাই খেলো ইণ্ডিয়া য়ুথ গেমছৰ থীম ছঙৰ ভিডিঅ’ মুকলি কৰে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন