চলিত বৰ্ষৰ জানুৱাৰী মাহত নতুন দিল্লীত অনুষ্ঠিত হৈ যোৱা গণৰাজ্য দিৱসত অংশগ্ৰহণ কৰি বিভিন্ন ক্ষেত্ৰত পাৰদৰ্শিতা প্ৰদৰ্শনৰে অসমলৈ গৌৰৱ কঢ়িয়াই অনা ৰাষ্ট্ৰীয় শিক্ষাৰ্থী বাহিনীৰ ( এন চি চি ) ১৪ জন কেডেট আৰু ১০ জন সহযোগী এন চি চি বিষয়াক আজি অসমৰ ৰাজভৱনত আয়োজিত গাম্ভীৰ্যপূৰ্ণ অনুষ্ঠানত সম্বৰ্ধনা জনোৱা হয় । ৰাজভৱনৰ সভাগৃহত এন চি চি কেডেট আৰু বিষয়াক সম্বৰ্ধনা জনাই অসমৰ ৰাজ্যপাল অধ্যাপক জগদীশ মুখিয়ে । এই উপলক্ষে আয়োজিত অনুষ্ঠানত ৰাজ্যপাল অধ্যাপক জগদীশ মুখিয়ে চমু ভাষণত দেশৰ অন্যতম সুসংগঠিত যুৱ শক্তি হিচাপে পৰিচিত এন চি চিয়ে ৰাষ্ট্ৰ নিৰ্মাণত গুৰুত্বপূৰ্ণ ভূমিকা গ্ৰহণ কৰি আহিছে বুলি সদৰি কৰি কেডেট সকলে যাতে নিজৰ অভিজ্ঞতাৰ সুপ্ৰয়োগ কৰি সামৰিক , অৰ্দ্ধ সামৰিক , আৰক্ষী বাহিনীত নিজৰ যোগ্যতা – দক্ষতাৰে ভৰ্ত্তি হৈ দেশমাতৃৰ সেৱা আগবঢ়াব পাৰে তাৰ কামনা কৰে । অনুষ্ঠানত উপস্থিত থাকি এন চি চিৰ উত্তৰ পূব মণ্ডলৰ অতিৰিক্ত সঞ্চালক প্ৰধান মেজৰ জেনেৰেল ভাস্কৰ কলিতাই অসমত এন চি চিৰ শেহতীয়া স্থিতিৰ বিষয়ে ৰাজ্যপালক অৱগত কৰে । অনুষ্ঠানত এন চি চিৰ গুৱাহাটী গ্রুপৰ গ্রুপ কমাণ্ডাৰ ব্ৰিগেডিয়াৰ যোগেশ চন্দ্ৰ তালুকদাৰ , ৪৭ ৰাইডিং এণ্ড ভেটেনাৰী এন চি চি ইউনিটৰ কমাণ্ডিং অফিচাৰ কৰ্ণেল সশমীৰ ভাটনগৰকে ধৰি কেবাজনো সেনা বিষয়া , ৰাজ্যপালৰ প্ৰধান সচিব মিনাক্ষী সুন্দৰম , সচিব স্বপ্না দত্ত , উপ সচিব গীতাৰ্থ বৰুৱাকে ধৰি কেবাজনো বিষয়া উপস্থিত থাকে । উল্লেখযোগ্য যে ক’ভিডকেন্দ্ৰিক পৰিস্থিতিৰ বাবে পূৰ্বতে অনুষ্ঠিত হবলগীয়া সম্বৰ্ধনা অনুষ্ঠানটো কেবামাহ পাছত অনুষ্ঠিত কৰিবলগীয়া হয়।
Trending
- এয়াৰটেলৰ এ আই পৰিচালিত নেটৱৰ্ক চলিউচনে অসম আৰু উত্তৰ পূৰ্বাঞ্চলৰ স্পেম কল তথা এছ এম এছক বিদায় জনালে। সকলো ডিভাইচত এয়াৰটেলৰ গ্ৰাহকসকলৰ বাবে স্বয়ংক্রিয় সক্রিয়কৰণ সহিতে বিনামূলীয়া সমাধান সূত্র
- 18th SSB Inter-Frontier Badminton Competition commence from today
- এন ই ফ’কাচৰ উদ্যোগত Preserve our past protect our future শীৰ্ষক ঐতিহাসিক কনক্লেভ অনুষ্ঠিত
- ৰাজ্যিক ভিত্তিত দ্বিতীয় জু-জিৎছু প্ৰতিযোগিতা সম্পন্ন
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ