গুৱাহাটী বনাঞ্চলিক বিষয়া কাৰ্যাল়য়ৰ উদ্যোগত পৰিৱেশ সংৰক্ষণ কাৰ্যসূচী ৰূপায়ন

0 134

ৰাইজৰ মাজত পৰিৱেশ সংৰক্ষণৰ আৰু গছপুলি ৰোপণৰ প্ৰয়োজনীয়তাৰ দিশত সজাগতা সৃষ্টিৰ লক্ষ্যৰে আজি এক অভিযান চলোৱা হয়।অভিযানৰ লগত সংগতি ৰাখি ২৪ মে’ত গুৱাহাটী বনাঞ্চলিক বিষয়া কৰ্যালয়ৰ বনকৰ্মী সকলে আঞ্চলিক বন বিষয়া প্ৰাঞ্জল বৰুৱাৰ নেতৃত্বত বিগত ২০২২ বৰ্ষত মুখ্যমন্ত্ৰীৰ প্রাতিষ্ঠানিক বৃক্ষৰোপণ প্ৰকল্পৰ অধীনত ৰোপণ কৰা গছপুলি সমূহৰ পৰিচৰ্যা কৰে।তেনেদৰে চাফাই অভিযানৰ জৰিয়তে কাৰ্যাল়য় চৌহদটো চাফ – চিকুণ কৰি পৰিষ্কাৰ-অনুকূল জীৱনশৈলীক আঁকোৱালি শীৰ্ষক শ্লোগান দিয়ে। আনহাতে একেটা বনাঞ্চলিক কাৰ্যালয়ৰ অধীনত থকা কালাপাহাৰ খণ্ড বন কাৰ্যালয়ৰ খণ্ড বন বিষয়া প্ৰহ্লাদ গায়নৰ নেতৃত্বত আজি এটা বনকৰ্মীৰ দলে দুখন বিদ্যালয়ত ২০২২ চনত আৰম্ভ কৰা একে আঁচনিৰ অধীনত ৰোপণ কৰা গছপুলি সমূহৰ পৰিচৰ্যা, ৰোপণ লগতে চাফাই অভিযান কাৰ্যসূচী ৰূপায়ন কৰা হয়।কাৰ্যসূচীৰ অধীনত দুয়োখন বিদ্যালয়ৰ শতাধিক ছাত্ৰ ছাত্ৰীৰ মাজত পৰিষ্কাৰ-অনুকূল জীৱনশৈলীক আঁকোৱালি লৈ কেনেকৈ সেউজীয়া ভৱিষ্যতৰ সূচনা কৰিব পাৰি তাৰ কাৰণে সজাগতা সৃষ্টি কৰে।লগতে ৰাইজৰ মাজত গছপুলি বিতৰণ কৰে খণ্ড বন বিষয়া প্ৰহ্লাদ গায়নে।

Leave A Reply

Your email address will not be published.