গুৱাহাটীৰ পশ্চিম প্ৰান্তৰ বৰঝাৰস্থিত ভাৰতীয় বিমানবন্দৰ প্ৰাধিকৰণৰ গুৱাহাটী বিমানকোঠৰ উপ মহা প্ৰবন্ধক ( চি এন এছ ) , সাংস্কৃতিক কর্মী জগদীশ বৈশ্যই নিজে ৰচনা কৰি সুৰ আৰু কণ্ঠ দিয়া ভক্তিমূলক “হৰি নামৰ প্ৰাংগন” শীৰ্ষক গীতটো ১৪ নৱেম্বৰত ইউ টিউব চেনেল যোগে মুকলি কৰা হৈছে । জগদীশ বৈশ্যই প্ৰায় চাৰে পাঁচ মিনিট দৈৰ্ঘ্যৰ গীতটো তেওঁৰ পৈত্রিক গাঁও কামৰূপ জিলাৰ হাজোৰ সোঁৱানচাহ গাঁওৰ শ্ৰী শ্ৰীবাসুদেৱ নামঘৰৰ ৭৮ সংখ্যক বর্ষপূৰ্তি উপলক্ষে ৰচনা কৰিছিল । ১৪ নৱেম্বৰৰ দিনা নামঘৰ প্ৰাংগণত আয়োজিত এক গাম্ভীৰ্যপূৰ্ণ অনুষ্ঠানত গীতটো মুকলি কৰে নামঘৰ পৰিচালনা কমিটিৰ সভাপতি অচ্যুৎ বৈশ্যই । অনুষ্ঠানত জ্যেষ্ঠ ভকত নগেন্দ্ৰ ঠাকুৰীয়া , লক্ষ্মীকান্ত মেধি , হৰেশ্বৰ বৈশ্য , বলোৰাম বৈশ্য , ফণীন্দ্র বৈশ্যকে ধৰি কেবাজনো বিশিষ্ট লোক , কেবাগৰাকী আইমাতৃ উপস্থিত থাকে। আনহাতে দেৱেশ্বৰ বৈশ্যই আঁত ধৰা অনুষ্ঠানত উপস্থিত সকলোৱে জগদীশ বৈশ্যৰ উচ্চ প্ৰশংসা কৰি কৰ্মসূত্ৰে গাঁওৰ পৰা বাহিৰত থাকিলেও তেওঁ এতিয়াও মূল শিপাডাল ধৰি ৰখা বাবে হৰিধ্বনিৰে আশীৰ্বাদ দিয়ে।অনুষ্ঠানত জগদীশ বৈশ্যই গীতটো ৰচনাৰ আঁৰৰ কথা , নিজৰ অনুভৱ আদি ব্যক্ত কৰে । আনহাতে জগদীশ বৈশ্যই ৰচনা কৰি সুৰ আৰু কণ্ঠ দিয়া গীতটোৰ সংগীত পল্লৱ দাসৰ। শব্দ সংমিশ্ৰণ জিন্টু বৰদলৈৰ। অহা ১২ ডিচেম্বৰত বাসুদেৱ নামঘৰৰ বাৰ্ষিক মহোৎসৱৰ কাৰ্যসূচীত গীতটোৰ ভি ডি অ` মুকলি কৰা হ`ব বুলি জগদীশ বৈশ্যই জানিবলৈ দিছে । গীতটো আগ্ৰহী ৰাইজে শুনিব বিচাৰিলে ইউ টিউব চেনেল – jagadishBmusic ত লগ অন কৰিব লাগিব । উল্লেখযোগ্য যে চলিত বৰ্ষত জগদীশ বৈশ্যই তিনিটা গীত ৰচনা , কণ্ঠ আৰু সুৰ দি ইউ টিউব চেনেলত মুকলি কৰিছে। গীত কেইটা হল ক্ৰমে – শৰতৰ পদূলি,মোৰ প্ৰাণৰ বিহুৱান আৰু গানে গানে।
Trending
- Strengthening Investor Awareness and Investor Protection in North East Region
- উত্তৰ পূৱ মণ্ডল আন্তঃবিশ্ববিদ্যালয় যুৱ মহোৎসৱত গিৰিজানন্দ চৌধুৰী বিশ্ববিদ্যালয়ৰ শিক্ষাৰ্থীৰ তিনিটাকৈ স্বৰ্ণ পদক লাভ
- অসমত বিনিয়োগকাৰীসকলৰ সজাগতা আৰু সুৰক্ষাক দৃঢ়কৰণ
- গোপাল জালানৰ অসুখী পৃথিৱীত সুখী হোৱাৰ বাসনা
- Assam CM meets Prime Minister; thanks PM for a new urea plant
- খানাপাৰাত ‘এডভান্টেজ অসম’ৰ প্ৰস্তুতিৰ বুজ ললে উদ্যোগ মন্ত্ৰী বিমল বড়াই
- মন্ত্ৰী অশোক সিংহল আৰু ৰূপেশ গোৱালাৰ উপস্থিতিত জনতা ভৱনত স্বাস্থ্য, শ্ৰমিক কল্যাণ তথা চাহ জনজাতি আৰু আদিবাসী কল্যাণ বিভাগৰ যুটীয়া বৈঠক অনুষ্ঠিত
- সৈনিক শিল্পী বিষ্ণু প্ৰসাদ ৰাভাৰ জন্মদিনত কৃষক মেল
- Union Budget 2025 is Growth oriented and people centric”, says Mr Ashishkumar Chauhan, MD & CEO NSE
- পৰিবহণ বিভাগৰ উদ্যোগত আৰম্ভ হ’ল বিশেষ জনসেৱা কাৰ্যসূচী-সুৰক্ষিত যাতায়াতৰ লক্ষ্যৰে বহুজাতিক উদ্যোগ-প্ৰতিষ্ঠানত উপস্থিত হৈ সমাধান কৰিলে বাহনৰ নথিপত্ৰ বিষয়ক সমস্যা