গ্ৰাম্য পৰ্যটনৰ ক্ষেত্ৰত আমাৰ ৰাজ্যখন পূৰ্বৰ তুলনাত ক’ব নোৱাৰাকৈয়ে যথেষ্ট আগবাঢ়িছে ।সেয়েহে সময়ে সময়ে গ্ৰাম্য পৰ্যটনে প্ৰসাৰ লাভ কৰা বাতৰি পোৱা যায়।ইয়াৰ ভিতৰত বৰ্তমান সময়ত চৰ্চা লাভ কৰা কনকা ভিলেজ ৰিজৰ্ট অন্যতম ।তেজপুৰ চহৰৰ পৰা প্ৰায় ৫২ কিলোমিটাৰ নিলগত হুগ্ৰীজুলি নামৰ ঠাইখনত এই ৰিজৰ্টখন অৱস্থিত।আচামিকা এগ্ৰ’ প্ৰাইভেট লিমিটেডৰ অধীনত আৰম্ভ হোৱা এই ৰিজৰ্টখনত আছে সম্পূৰ্ণ অসমীয়া গ্ৰাম্য পৰিবেশ।দীঘলীয়া বাটচ’ৰা, খেৰি ঘৰ, বাঁহ,বেতৰ কাঠৰ আচবাবে ৰিজৰ্টখনক অন্য মাত্ৰা প্ৰদান কৰিছে ।ইয়াৰ উপৰিও ৰিজৰ্ট খনত আছে চুইমিং কৰিব পৰা ব্যৱস্থা, বিভিন্ন খেলত অংশ ল’ব পৰা সুবিধা, আৰু মাছ ধৰি বনাই খাব পৰা সুবিধা ।জানিব পৰা মতে ৰিজৰ্টখনলৈ স্থানীয় ঠাইৰ উপৰিও ফ্ৰান্স, ব্ৰাজিল, নেদাৰলেণ্ড, চীনৰ, ভাৰতৰ বিভিন্ন ৰাজ্যৰ পৰাও পৰ্যটক আহে।তেওঁলোকে ৰিজৰ্টত অসমীয়া আহাৰৰ জুতি লয়।উল্লেখযোগ্য যে ৰিজৰ্টত ব্যৱহাৰ হোৱা প্ৰায়বোৰ খাদ্যসম্ভাৰ তেওঁলোকৰ বাৰীত উপলব্ধ অথবা ওচৰৰ গাৱৰ কৃষকৰ পৰা ক্ৰয় কৰা।গ্ৰাম্য পৰ্যটনক এক নতুন মাত্ৰা দিবলৈ সক্ষম হোৱা কনকা ভিলেজ ৰিজৰ্টে নিসন্দেহে ইতিবাচক ইংগিত বহন কৰিছে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন