অসম মেঘালয় সীমান্তৱৰ্তী ৰাজাপাৰাত অৱস্থিত বিলখনৰ চিৰ সেউজীয়া পৰিৱেশৰ মাজত অনুষ্ঠিত হ’বলগীয়া আগন্তুক নৱবৰ্ষৰ ২০২২ বৰ্ষৰ দ্বাদশ বাৰ্ষিক চানডুবি উৎসৱৰ ২৬ নৱেম্বৰত লাইখুঁটা স্থাপন কৰা হয় ৷ চানডুবি উৎসৱ উদযাপন সমিতিয়ে অঞ্চলবাসী ৰাইজৰ সহযোগত ২০২২ বৰ্ষৰ পহিলা জানুৱাৰীৰ পৰা পাঁচদিনীয়া বাৰেৰহণীয়া কাৰ্যসূচীৰে অনুষ্ঠিত কৰিবলগীয়া উৎসৱৰ লাইখুঁটা স্থাপন কৰে ৰাভা হাছং স্বায়ত্ত্বশাসিত পৰিষদৰ কাৰ্যবাহী সদস্যা ৰশ্মি ৰাভাই ৷ ইফালে লাইখুঁটা স্থাপন কৰি পৰিষদীয় নেত্ৰী ৰাভাই উক্ত উৎসৱৰ আৰম্ভণিৰ পৰাই নিজে জড়িত হৈ থকাৰ অভিজ্ঞতা ৰোমন্থন কৰি অনেক ঘাত – প্ৰতিঘাতৰ মাজেৰে ব্যতিক্ৰমী উৎসৱটিৰ ধাৰাবাহিকতা ৰক্ষা কৰাৰ অনন্য প্ৰয়াসক প্ৰশংসা কৰে ৷ আনকি উক্ত উৎসৱৰ জৰিয়তে পৰিৱেশ সুৰক্ষাৰ জন সচেতনতা বৃদ্ধিৰ উপৰি ইয়াৰ নৃগোষ্ঠীয় পৰম্পৰা আৰু কলাকৃষ্টিয়ে বিশ্ব দৰবাৰত স্থান পাব বুলিও আশা প্ৰকাশ কৰে তেওঁ ৷ পৰম্পৰাগত ৰীতিনীতিৰ মাজেৰে আয়োজন কৰা লাইখুঁটা স্থাপনৰ মাংগলিক অনুষ্ঠানটি উদযাপন সমিতিৰ সম্পাদক প্ৰকাশ ৰাভাই আঁতধৰে ৷ আনহাতে, উক্ত অনুষ্ঠানত কামৰূপ জিলা পৰিষদৰ সদস্যা তনুজা ৰাভা, উদযাপন সমিতিৰ সভাপতি কমলেশ্বৰ ৰাভাকে ধৰি পূৰ্ণকান্ত ৰাভা, ধনঞ্জয় ৰাভা, সুভাষ চিনাল, মাটিৰাম ৰাভা, মল্লিকা ৰাভা আৰু সিদ্ধেশ্বৰ ৰাভাকে ধৰি উৎসৱ উদযাপন সমিতিৰ বিষয়ববীয়া সকল উপস্থিত আছিল ৷
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme