১৬ শতিকাৰ মহান সেনানায়ক চিলাৰায়ক লৈ ইন্দিৰা গান্ধী নেচনেল চেণ্টাৰ ফৰ আৰ্টছ (আই জি এন চি এ)- প্ৰয়াস আৰম্ভ কৰিছে। সেই উদ্দেশ্যে ভাৰত চৰকাৰৰ সংস্কৃতি মন্ত্রালয়ৰ এই সংস্থাৰ উত্তৰ পূব ক্ষেত্ৰীয় কেন্দ্ৰৰ উদ্যোগত গুৱাহাটীত শুভাৰম্ভ হৈছে পৰিৱেশনমূলক নাট্য কৰ্মশালাৰ আয়োজন কৰা হৈছে। উল্লেখ্য, গুৱাহাটীস্থ শংকৰ মাধৱ কলাকৃষ্টি বিকাশ কেন্দ্ৰৰ পৰম্পৰা প্ৰৱাহত এই সংস্থাৰ ক্ষেত্ৰীয় সঞ্চালক সুৰেশ গদুকাৰ উপস্থিতিত টাইমছ অৱ ইণ্ডিয়াৰ আৱাসিক সম্পাদক প্ৰবীণ কলিতাই মুখ্য অতিথি হিচাপে কৰ্মশালাখন শুভ উদ্বোধন কৰে। এনে কাৰ্যসূচীৰ জৰিয়তে নাট্য প্ৰতিভা সঠিকভাৱে বিকশিত হোৱাত আৰু অসমৰ সহায়ক হ’ব বুলি কলিতাই আশা কৰে। গদুকাই চিলাৰায়ৰ দৰে ব্যক্তিত্ব আৰু সেই সময়ৰ ঐতিহাসিক গুৰুত্বক সৰ্বভাৰতীয় পৰ্যায়ত উপস্থানৰ বাবে নাট্যকলাৰ প্ৰয়োগ সফল হ’ব বুলি কয়। অনুষ্ঠানত আমন্ত্ৰিত বিশিষ্ট অতিথি হিচাপে নাট পৰিচালক, সাহিত্যিক আৰু নাট্যকাৰ প্ৰভাত গোস্বামী, চিবিএফচিৰ উপদেষ্টা পেনেলৰ সদস্য শৈলেন্দ্ৰ পাণ্ডে, জ্যেষ্ঠ সাংস্কৃতিক সাংবাদিক আৰু সত্ৰীয়া শিল্পী চিত্ৰলেখা গগৈ আৰু নিমানন্দ দাস উপস্থিত থাকে।মহাবীৰ চিলাৰায়ৰ জীৱন আধাৰিত নাট কৰ্মশালাখনত অসমৰ বিভিন্ন জিলাৰ পৰা প্ৰশিক্ষাৰ্থীয়ে অংশগ্ৰহণ কৰিছে। ২৭ জনুত এই কৰ্মশালাখনৰ অন্তত “মহাবীৰ চিলাৰায়” নাটখন হিন্দী ভাষাত পৰিৱেশনেৰে সামৰণি পৰিব। এই প্ৰকল্পৰ ৰূপায়ণৰ দায়িত্বত আছে সংগীত নাটক অকাডেমিৰ ওস্তাদ বিছমিল্লাহ খাঁ যুৱ বঁটা বিজয়ী নাট্য পৰিচালক আৰু গৱেষক হিমাংশু শৰ্মা।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন