বিত্তমন্ত্ৰী অজন্তা নেওগে আজি গোলাঘাটৰ পাঁচ আলিৰ সমীপৰ ১২ নং ৱাৰ্ডৰ বাসিন্দা চয়নিকা সভাপণ্ডিতৰ বাসগৃহত উপস্থিত হৈ মেধাৱী ছাত্ৰীগৰাকীক সৌহাদ্যমূলকভাৱে সাক্ষাৎ কৰে । আৰ্থিক সংকটৰ বাবে শাক- পাচলিৰ দোকান দিয়া ছাত্ৰীগৰাকীক কিছু সকাহ দিয়াৰ উদ্দেশ্যে মন্ত্ৰীগৰাকীয়ে মুখ্যমন্ত্ৰী সাহায্য পুঁজিৰ পৰা আগবঢ়োৱা ৫০,০০০ টকাৰ চেকো প্ৰদান কৰে । চেক প্ৰদান কৰি মন্ত্ৰীগৰাকীয়ে কয় যে এয়া সামান্য আশীৰ্বাদহে । ছাত্ৰীগৰাকীৰ অভাৱসমূহ সমূলঞ্চে দূৰ নহ’লেও মুখ্যমন্ত্ৰী ডঃ হিমন্ত বিশ্ব শৰ্মাৰ এই মৰম আৰু আশীৰ্বাদে কিছু হ’লেও সকাহ দিব বুলি তেওঁ আশা প্ৰকাশ কৰে । তেওঁ ছাত্ৰীগৰাকীৰ উজ্জল ভৱিষ্যৎ কামনা কৰাৰ লগতে এনে প্ৰয়াসৰ শলাগ লয় । মন্ত্ৰীগৰাকীৰ সৈতে সৰুপথাৰ সমষ্টিৰ বিধায়ক বিশ্বজিৎ ফুকনো উপস্থিত আছিল । উল্লেখযোগ্য যে কটন বিশ্ববিদ্যালয়ত অধ্যয়নৰত ছাত্ৰীগৰাকী মেধাৱী হোৱাৰ লগতে এগৰাকী সু-গায়িকাও । এখন অপ্ৰাদেশীকৃত মহাবিদ্যালয়ত চাকৰি কৰি কোনোমতে পৰিয়াল পোহপাল দিয়া পিতৃক সহায় কৰাৰ উদ্দেশ্যে ছাত্ৰীগৰাকীয়ে ক’ভিড পৰিস্থিতিৰ মাজতে ঘৰৰ সন্মুখতে শাক-পাচলিৰ দোকান আৰম্ভ কৰে।
Trending
- আশ্ৰয় শিবিৰত থকা প্ৰতিটো বানপীড়িত পৰিয়াললৈ চৰকাৰে আগবঢ়াব ৩,৮০০ টকা
- কামৰূপ কৃষি বিজ্ঞান কেন্দ্রত কৃষি সামগ্রী ব্যৱসায়ীৰ ১৫ দিনীয়া প্রশিক্ষণৰ সামৰণি
- খানামুখ ৰাজহুৱা নামঘৰৰ পুনঃ নিৰ্মাণৰ ভূমি পূজন আৰু আধাৰশিলা স্থাপন
- গোপাল জালানৰ ইতিবাচক গ্ৰন্থ উন্মোচন
- লোহাৰঘাটত স্পৰ্শ-অসম আৰু বেলিৰ উদ্যোগত শৈক্ষিক প্ৰশিক্ষণ কাৰ্যসূচী
- নেচনেল ইনষ্টিটিউট অব্ ফায়াৰ এণ্ড ছেফটি ইঞ্জিনীয়াৰিঙত বৃত্তমুখী পাঠ্যক্ৰম
- উচ্চতৰ মাধ্যমিক চূড়ান্ত পৰীক্ষাত দশম স্থান প্ৰাপক প্ৰিয়াংশু দাসক চৰাইদেউ জিলা প্ৰশাসনৰ তৰফৰ পৰা আনুষ্ঠানিকভাৱে সম্বৰ্ধনা জ্ঞাপন
- দোমৰদলং চাহ বাগিছাত শিশু শ্ৰমিক নিয়োগৰ বিৰুদ্ধে সজাগতা সভা সম্পন্ন
- ৰঙিয়া নগৰত পহিলা জুলাইৰ পৰা একক ব্যৱহাৰযোগ্য প্লাষ্টিক জাতীয় সামগ্ৰী নিষিদ্ধ
- চিকিৎসা বিজ্ঞানৰ মেধাৱী ছাত্ৰী ডাঃ উপাসনা মহন্তক নিজ গৃহত সম্বৰ্ধনা বিধায়ক ৰমেন্দ্ৰ নাৰায়ণ কলিতাৰ