ৰাজ্যখনৰ পৰ্যটনৰ ক্ষেত্ৰখনৰ উন্নয়নৰ বাবে জন্মলগ্নৰে পৰা কাম কৰি অহা “টুৰ অপাৰেটৰ অৱ আসাম”ৰ ( টি অ এ এ ) ১১ সংখ্যক বাৰ্ষিক সভাখন অলপতে গুৱাহাটীৰ হোটেল লেণ্ডমাৰ্কত অনুষ্ঠিত হয় । সভাত মুখ্য অতিথি হিচাপে ভাগ লৈ অসম চৰকাৰৰ পৰ্যটন বিভাগৰ আয়ুক্ত – সচিব ৰাজভী হুছেইনে চমু ভাষণত টি অ এ এই বিগত সময়চোৱাত কাজিৰঙা , মানাহ , পবিতৰা , নামেৰীকে ধৰি ৰাষ্ট্ৰীয় উদ্যান আৰু পৰ্যটনথলী সমূহত পৰ্যটকৰ যি সেৱা আগবঢ়াই আহিছে তাৰ শলাগ লয় । সভাত সন্মানীয় অতিথি হিচাপে ভাৰত পৰ্যটনৰ উত্তৰ পূৱৰ ক্ষেত্ৰীয় সঞ্চালক এছ এছ দেৱবৰ্মন ,বিশিষ্ট অতিথি হিচাপে শিক্ষাবিদ শান্তিকাম হাজৰিকা , এইছ আৰ এ এ ৰ সুনীল চৰাফ , অসম পৰ্যটন উন্নয়ন নিগমৰ পৰিচালন সঞ্চালক দেৱ কুমাৰ মিশ্ৰ , জ্যেষ্ঠ সাংবাদিক প্ৰণয় বৰদলৈ উপস্থিত থাকে । সভাত উত্তৰ পূৰ্বাঞ্চলৰ পৰ্যটনৰ ক্ষেত্ৰখনৰ হকে কাম কৰি অহা অৰুণাচল প্ৰদেশৰ অংশু জেমছফাক সম্বৰ্ধনা জনোৱা হয় । তেনেদৰে সভাত পৰ্যটনৰ ক্ষেত্ৰখনত কাম কৰি অহা কেবাজনকো মানপত্ৰ প্ৰদান কৰা হয় । সভাৰ আৰম্ভণিতে পৰ্যটনৰ ক্ষেত্ৰখনৰ হকে কাম কৰি অহা গুৱাহাটীৰ ৰংমন ট্যুৰিজিম ছচাইটিৰ কৰ্মকর্তা আৰু ৰাণীৰ ছাটাৰগাঁওৰ প্ৰাক্তন গাওঁবুঢ়া শুকলেশ্বৰ ৰাভাৰ অকাল বিয়োগত গভীৰ শোক প্ৰকাশৰ লগতে বিদেহ আত্মাৰ শান্তি কামনা কৰি এক মিনিট মৌন প্ৰাৰ্থনা কৰা হয় । আনহাতে সভাত আগন্তুক কাৰ্যকালৰ বাবে সৰ্বসন্মতি ক্ৰমে দেৱজিৎ কুমাৰ বৰাক সভাপতি , মুকুল মেধি , ৰাজ কুমাৰ দাস আৰু দীপক কুমাৰ শৰ্মাক উপ সভাপতি , কুন্দন ৰয়ক সম্পাদক , প্ৰাঞ্জল বৰাক যুটীয়া সম্পাদক আৰু কেবাজনকো সদস্য হিচাপে লৈ টি অ এ এ ৰ কাৰ্যকৰী কমিটিখন গঠন কৰা হয় ।
Trending
- জামুগুৰিহাটৰ হাটিঙাৰ অংগনবাড়ী সহায়িকাক দেশৰ শ্ৰেষ্ঠ সমাজ সেৱকৰ সন্মান আমেৰিকাৰ চেনফৰ্ড ইউনিভাৰচিটিৰ প্ৰবক্তাৰ
- মৌলানা মহম্মদ তৈয়াবুল্লাহ হকী ষ্টেডিয়ামত আন্তঃজিলা স্কুল হকী প্ৰতিযোগিতা আৰম্ভ
- অসমৰ দৃষ্টিহীন মহিলা ক্ৰিকেট দলৰ অংশগ্ৰহণেৰে জামচেদপুৰত অনুষ্ঠিত ৰাষ্ট্ৰীয় পৰ্যায়ৰ চাৰিদিনীয়া প্ৰশিক্ষণ শিবিৰৰ সফল সামৰণি
- সংস্কাৰ ভাৰতী মহানগৰ জিলা আৰু সাংস্কৃতিক গোষ্ঠীৰ যৌথ উদ্যোগত ৰাষ্ট্ৰীয় গীত, ৰাষ্ট্ৰীয় সংগীত, দেশপ্ৰেমমূলক গীত, নৃত্য , কথা কবিতাৰে স্বাধীনতা দিৱস উদযাপন
- ভাৰত চৰকাৰৰ ডি এছ টি বিভাগৰ সচিব ডঃ ৰবি চন্দ্ৰশেখৰৰ আই এ এছ এছ টি চৌহদ পৰিদৰ্শন বনৌষধি উদ্যান মহৰ্ষি চৰক উদ্ধোধন
- আমিনগাঁৱৰ শৰাইঘাট সৰোবৰত বিৰল প্ৰজাতিৰ কাছ মুকলি
- হিৰো মটো কৰ্পৰ চি.এচ.আৰ আঁচনিৰ অধীনত ১৮৫ খন মহাবিদ্যালয়ক দুচকীয়া বাহন প্ৰদান
- কাঁহিকুছি গাঁও পঞ্চায়ত এলেকাত উলহ মালহৰে স্বাধীনতা দিৱস উদযাপন
- মন্ত্ৰী অজন্তা নেওগৰ মহানুভৱতা- দৰমহাৰ ধনেৰে সাজি দিলে দলীয় কৰ্মকৰ্তাৰ ঘৰ
- এইচ ডি এফ চি বেঙ্কে প্ৰৱঞ্চনাৰ পৰা মুক্ত হোৱাৰ প্ৰসাৰৰ বাবে ‘ভিজিল আণ্টি’ অভিযান আৰম্ভ কৰিছে