অসমৰ প্ৰথমগৰাকী মুখ্যমন্ত্ৰী, স্বাধীনতা সংগ্ৰামী, লোকপ্ৰিয় গোপীনাথ বৰদলৈৰ মৃত্যু দিৱসটি অসম চৰকাৰে “লোক কল্যাণ দিৱস” হিচাপে পালন কৰি আহিছে। এই বিশেষ দিনটোত লোকপ্ৰিয়গৰাকীক শ্ৰদ্ধাঞ্জলি জনোৱাৰ উপৰি বিষয়া-কৰ্মচাৰীসকলৰ মাজত কৰ্মসংস্কৃতি বৃদ্ধি কৰাৰ বাবে দুটা বঁটা প্ৰদান কৰি অহা হৈছে। নিজৰ কৰ্মৰে বিশেষ অৱদান আগবঢ়োৱা সমগ্ৰ ৰাজ্যৰ ১৮গৰাকী বিষয়াক ৰাজ্যিক ভিত্তিত “কৰ্মশ্ৰী বঁটা, ২০২৪” আৰু জিলা পৰ্যায়ত ৩৭গৰাকী কৰ্মচাৰীক (শিক্ষকসকলৰ বাহিৰে) “লোক সেৱা বঁটা, ২০২৪) আগবঢ়োৱা হৈছে। তদুপলক্ষে তামুলপুৰ জিলা প্ৰশাসনৰ দুগৰাকী কৰ্মচাৰী, প্ৰদীপ বসুমতাৰী আৰু অজন্তা বংজাঙক আজি তামুলপুৰ জিলা আয়ুক্ত কাৰ্যালয়ৰ সভাকক্ষত “লোক সেৱা বঁটা, ২০২৪”-ৰে পুৰস্কৃত কৰা হয়। বঁটাটিত কৰ্মচাৰীগৰাকীৰ চাকৰিকাল এবছৰ বৃদ্ধি, নগদ ২৫ হাজাৰ টকা আৰু এখন মানপত্ৰ আছে। অসমৰ জাতীয় সংগীতেৰে আৰম্ভ হোৱা অনুষ্ঠানটিৰ মুখ্য অতিথিৰ আসনৰ পৰা তামুলপুৰ জিলাৰ জিলা আয়ুক্ত বিদ্যুৎ বিকাশ ভাগৱতীয়ে কয়, “আজি প্ৰদান কৰা বঁটা দুটিয়ে চৰকাৰী কৰ্মচাৰীৰ কৰ্মসংস্কৃতিক আগুৱাই নিবৰ কাৰণে নিশ্চিতভাৱে প্ৰেৰণা যোগাইছে। চৰকাৰৰ এনে প্ৰচেষ্টা আদৰণীয়।” বিটিচিৰ মনোনীত পাৰিষদ হেমন্ত কুমাৰ ৰাভা আৰু তামুলপুৰ জিলাৰ আৰক্ষী অধীক্ষক দিগন্ত কুমাৰ চৌধুৰীয়েও চৰকাৰী বিষয়া-কৰ্মচাৰীৰ কৰ্মসংস্কৃতি জাগ্ৰত কৰিবলৈ অসমৰ মাননীয় মুখ্যমন্ত্ৰী ডঃ হিমন্ত বিশ্ব শৰ্মাৰ এনে প্ৰচেষ্টাৰ শলাগ লয়। তামুলপুৰ জিলাৰ অতিৰিক্ত আয়ুক্ত লখিমী দত্তই আঁত ধৰা অনুষ্ঠানটিৰ ৰাষ্ট্ৰীয় সংগীতে সামৰণি পৰে। আজিৰ অনুষ্ঠানত অতিৰিক্ত আয়ুক্ত ডঃ দীপাংকৰ নাথ, সহকাৰী আয়ুক্ত হিতেশ বড়ো আৰু কবিতা ফাংচ’ৰ লগতে বিভিন্ন বিভাগৰ বিষয়া-কৰ্মচাৰীসকল উপস্থিত আছিল বুলি মহকুমা তথ্য আৰু জনসংযোগ বিষয়া বিজয় বেজবৰুৱাই জনাইছে। উল্লেখযোগ্য যে সভাৰ আৰম্ভণিতে ডঃ ভূপেন হাজৰিকাৰ এটি গীতেৰে শ্যামল দাসে সকলোকে আপ্লুত কৰে।
Trending
- Strengthening Investor Awareness and Investor Protection in North East Region
- উত্তৰ পূৱ মণ্ডল আন্তঃবিশ্ববিদ্যালয় যুৱ মহোৎসৱত গিৰিজানন্দ চৌধুৰী বিশ্ববিদ্যালয়ৰ শিক্ষাৰ্থীৰ তিনিটাকৈ স্বৰ্ণ পদক লাভ
- অসমত বিনিয়োগকাৰীসকলৰ সজাগতা আৰু সুৰক্ষাক দৃঢ়কৰণ
- গোপাল জালানৰ অসুখী পৃথিৱীত সুখী হোৱাৰ বাসনা
- Assam CM meets Prime Minister; thanks PM for a new urea plant
- খানাপাৰাত ‘এডভান্টেজ অসম’ৰ প্ৰস্তুতিৰ বুজ ললে উদ্যোগ মন্ত্ৰী বিমল বড়াই
- মন্ত্ৰী অশোক সিংহল আৰু ৰূপেশ গোৱালাৰ উপস্থিতিত জনতা ভৱনত স্বাস্থ্য, শ্ৰমিক কল্যাণ তথা চাহ জনজাতি আৰু আদিবাসী কল্যাণ বিভাগৰ যুটীয়া বৈঠক অনুষ্ঠিত
- সৈনিক শিল্পী বিষ্ণু প্ৰসাদ ৰাভাৰ জন্মদিনত কৃষক মেল
- Union Budget 2025 is Growth oriented and people centric”, says Mr Ashishkumar Chauhan, MD & CEO NSE
- পৰিবহণ বিভাগৰ উদ্যোগত আৰম্ভ হ’ল বিশেষ জনসেৱা কাৰ্যসূচী-সুৰক্ষিত যাতায়াতৰ লক্ষ্যৰে বহুজাতিক উদ্যোগ-প্ৰতিষ্ঠানত উপস্থিত হৈ সমাধান কৰিলে বাহনৰ নথিপত্ৰ বিষয়ক সমস্যা