অসমৰ আগশাৰীৰ কাৰিকৰী শিক্ষা প্ৰতিষ্ঠান তেজপুৰ গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী চমুকৈ জি আই এম টি তেজপুৰত আজি দিন যোৰা কাৰ্যসূচীৰে নৱাগত আদৰণি সভা আৰু দীক্ষান্ত সমাৰোহ অনুষ্ঠিত হয়। নতুন শিক্ষাবৰ্ষত নামভৰ্তি কৰা শিক্ষাৰ্থীসকলক আদৰণি জনোৱাৰ লগতে সদ্য ডিগ্ৰীপ্ৰাপ্ত প্ৰাক্তন শিক্ষাৰ্থীসকলক সম্বৰ্ধনা জনোৱাৰ বাবে আয়োজিত অনুষ্ঠানটোত মুখ্য অতিথি হিচাপে উপস্থিত থাকে দৰং মহাবিদ্যালয়ৰ প্ৰাক্তন অধ্যক্ষ ড° অৱনী কুমাৰ শৰ্মা। স্নাতক ডিগ্ৰীপ্ৰাপ্ত শিক্ষাৰ্থীসকলক তেওঁ মানপত্ৰ আৰু উপহাৰ প্ৰদান কৰে। অধ্যাপক শৰ্মাই নিজৰ ভাষণত মহাবিদ্যালয়খনৰ সমূহ ছাত্ৰ ছাত্ৰীক শুভেচ্ছা জনোৱাৰ লগতে সকলোৰে উত্তোতৰ কামনা কৰে। সাম্প্ৰতিক সময়ত কেৱল ডিগ্ৰী প্ৰাপ্তিৰ বাবে শিক্ষা গ্ৰহণ নকৰি প্ৰকৃত অৰ্থত জ্ঞানী আৰু সংস্কাৰী হ’বলৈ তেওঁ শিক্ষাৰ্থীসকলক আহ্বান জনায়। অনুষ্ঠানটোত অসমৰ বিশিষ্ট কেৰিয়াৰ পৰামৰ্শদাতা তথা মহাবিদ্যালয়ৰ অধ্যক্ষ ড° বুলজিৎ বুঢ়াগোহাঁই, প্ৰশাসনিক ডীন কেপ্টেইন মুকুল কুমাৰ দাস, শৈক্ষিক ডীন দীপল বৰুৱায়ো ভাষণ আগবঢ়ায়। সমান্তৰালভাৱে মহাবিদ্যালয়ৰ ছাত্ৰ-ছাত্ৰীসকলে বিভিন্ন সাংস্কৃতিক অনুষ্ঠান পৰিৱেশন কৰে। বাৰে ৰহনীয়া গীত নৃত্যৰ লগতে কাশ্মীৰৰ বীৰ শ্বহীদ সেনা জোৱানৰ প্ৰতি শ্ৰদ্ধাঞ্জলি জনোৱাৰ লগতে ছাত্ৰ ছাত্ৰীসকলে অনুষ্ঠান পৰিৱেশন কৰে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন