আমাৰ ভৱিষ্যত আমাৰ ভূমি, পুনৰুদ্ধাৰৰ প্ৰজন্ম আমি মূলমন্ত্ৰলৈ সমগ্ৰ বিশ্বতে ৫ জুন তাৰিখে উদযাপিত হোৱা পৰিৱেশ দিৱসৰ লগত সংগতি ৰাখি সপ্তাহযোৰা কাৰ্যসূচীৰে মহানগৰৰ চছলস্থিত নন্দী মিকিৰ প্ৰাথমিক বিদ্যালয়ে পৰিৱেশ দিৱসৰ আয়োজন কৰিছে৷কাৰ্যসূচীৰ অংশ হিচাপে ৫ জুন তাৰিখে বিদ্যালয়ৰ চৌহদত অৰ্ধ শতাধিক বিভিন্ন প্ৰজাতিৰ গছপুলি ৰোপন কৰে। লগতে এক সজাগতা সভাৰ আয়োজন কৰে ৷৬ জুন আৰু ৭ জুন তাৰিখে বিদ্যালয়ৰ কণমানি ছাত্ৰ-ছাত্ৰীসকলে ছয়মাইল চছলৰ বিভিন্ন স্থানত পৰিৱেশ সংৰক্ষণ আৰু সচেতনতা শীৰ্ষক আকৰ্ষণীয় বাটৰ নাট প্ৰদৰ্শন কৰি উপস্থিত ৰাইজক মোহাচ্ছন্ন কৰি তোলে ৷ উপস্থিত ৰাইজে কণমানিসকলৰ বাটৰ নাটক ভূয়সী প্ৰশংসা কৰে ৷ সপ্তাহযোৰা কাৰ্যসূচীৰ ৮ জুন তাৰিখে বিদ্যালয়ৰ প্ৰাংগনত পেলনীয়া সামগ্ৰীৰে প্ৰস্তুত কৰা বিভিন্ন আটকধুনীয়া সামগ্ৰীৰ প্ৰদৰ্শনী আয়োজন কৰে৷ছাত্ৰ-ছাত্ৰীয়ে প্ৰস্তুত কৰি উলিওৱা প্ৰদৰ্শনী প্ৰতিযোগিতাৰ বিচাৰক হিচাপে বিদ্যালয়ৰ পৰিচালনা সমিতিৰ সভাপতি দেবানন্দ টেৰণ, সাংস্কৃতিক সংগঠক ধনঞ্জয় তালুকদাৰ আৰু সমাজকৰ্মী প্ৰশান্ত শইকীয়াই অংশগ্ৰহণ কৰে ৷ প্ৰদৰ্শনী প্ৰতিযোগিতাত যথাক্ৰমে চাকিবুল হুছেইন, পাৰবিন চুলতানা আৰু মাজনী খাটুনে প্ৰথম স্থান, শুব্ৰত বৰ্মন, নাজিমুল ইছলাম আৰু তান্তিয়া টফীয়ে দ্বিতীয় স্থান আৰু সংগীতা সিনহা, নাৰ্জিহানা খাটুন, নিশামণি দাস আৰু ৰঞ্জন শ্বেখে তৃতীয় স্থান লাভ কৰে ৷ বিদ্যালয়ৰ প্ৰধান শিক্ষক অবণী শৰ্মা আৰু বিদ্যালয়ৰ শিক্ষক-শিক্ষয়িত্ৰীসকলৰ তত্বাবধানত অনুষ্ঠিত সপ্তাহযোৰা কাৰ্যসূচীৰ অহা ১২ জুন তাৰিখে সামৰণি অনুষ্ঠান অনুষ্ঠিত হ’ব আৰু এই অনুষ্ঠানতে বঁটা বিজয়ী ছাত্ৰ-ছাত্ৰীসকলক বঁটা প্ৰদানৰ লগতে বাটৰ নাটৰ শিল্পী ছাত্ৰ-ছাত্ৰীসকলক সম্বৰ্ধনা জ্ঞাপন কৰা হ’ব বুলি বিদ্যালয়ৰ প্ৰধান শিক্ষকে জানিবলৈ দিয়ে ৷
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন