মহানগৰীৰ নুনমাটিৰ সমীপৰ শালবাৰী আঞ্চলিক ৰঙালী বিহু সন্মিলনৰ সফলতাৰে কালি সামৰণি পৰে । কালি সাংস্কৃতিক সন্ধিয়া উদ্বোধন কৰি “দৈনিক অসম”ৰ কাৰ্যবাহী সম্পাদক দিলীপ মহন্তই কয়- অসমীয়া জাতি অতি সংস্কৃতিবান জাতি। অসমীয়া মানুহে শদিয়াৰ পৰা ধুবুৰীলৈ একেখন আকাশৰ তলতে ভিন ভিন জাতি জনগোষ্ঠীৰ লোকসকলে অনাদি কালৰে পৰা বসতি কৰি আহিছে। ঋতু অনুযায়ী নিৰ্দিষ্ট দিনত উলহ মালহেৰে সাংস্কৃতিক অনুষ্ঠান অনুষ্ঠিত কৰে। বড়ো, মিছিং, দেউৰী, ৰাভা, সোণোৱাল-কছাৰী, তিৱা আদি জনগোষ্ঠীয়ে একেটা ঋতুতে ভাষাৰ ভিন্নতা থাকিলেও উদ্যমেৰে বিহু উদযাপন কৰে। সাহিত্যিক পেঞ্চনাৰ, গল্পকাৰ “সাহিত্য কোঁৱৰ” কমল কলিতাই সঞ্চালনা কৰা উদ্ধোধনী অনুষ্ঠানত বহুভাষিক সাহিত্য মঞ্চ, অসমৰ প্ৰধান সম্পাদক, সাংবাদিক দীপক শৰ্মা, নুনমাটি সাহিত্য সভাৰ সভাপতি নৰেন ৰয়, বিশিষ্ট সমাজসেৱক তনুৰাম ডেকা, লেখিকা পুতুলী ঠাকুৰীয়া মেধি, বিশিষ্ট শিল্পী নগেন বৈশ্য, সমাজ সচেতন লেখক ৰত্নেশ্বৰ বসুমতাৰী, দিবাকৰ নাথে ক্ৰমে মুখ্য আৰু বিশিষ্ট অতিথি হিচাপে অংশ লৈ বিহুৰ নান্দনিক দিশৰ ওপৰত আলোকপাত কৰে। শালবাৰী আঞ্চলিক ৰঙালী বিহু সন্মিলনৰ পতাকা উত্তোলন কৰে সাহিত্যিক পেন্সনাৰ, কমল কলিতাই । সাংস্কৃতিক শোভাযাত্ৰা, শ্বহীদ তৰ্পণ, খেল-ধেমালি আৰু আধুনিক নৃত্য প্ৰতিযোগিতা, অসমীয়া সাজপাৰ প্ৰতিযোগিতা আদি অনুষ্ঠিত হয় । আধুনিক নৃত্য প্ৰতিযোগিতাত প্ৰায় ১০১ গৰাকী প্ৰতিযোগীৰ মাজত অনুষ্ঠিত হয়। দিনৰ ২ বজাৰ পৰা আৰম্ভ হোৱা এই অনুষ্ঠান নিশা ৯ বজাত শেষ কৰিব লগা হয় । সাংস্কৃতিক সন্ধিয়া উপভোগ কৰিবলৈ নেপালি চ’কৰ পৰা দৰ্শকৰ ভিৰ হৈছিল তেতিয়া নুনমাটি আৰক্ষী থানাই সুন্দৰভাবে নিয়ন্ত্ৰণ কৰি বন্ধ হৈ পৰা যাতায়ত ব্যৱস্থা মুকলি কৰি এক সুন্দৰ পৰিবেশ গঢ়ি শালবাৰী আঞ্চলিক ৰঙালী বিহুৰ অনুষ্ঠানসমূহ পৰিচালনা কৰাত সহায় কৰিছিল । নিশা জেং বিহু, হুঁচৰি, বাৰেৰহণীয়া কৃষ্টি আদিৰ প্ৰদৰ্শন কৰাৰ উপৰিও সাৰোদা হাজৰিকাই গীত পৰিবেশন কৰে ।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন