পঞ্চায়ত আৰু গ্ৰামোন্নয়ন বিভাগৰ অধীনত ৰূপায়ণ কৰি থকা শ্বহীদ কুশল কোঁৱৰ সাৰ্বজনীন বৃদ্ধ পেঞ্চন আঁচনি আৰু ইন্দিৰা মিৰি সাৰ্বজনীন বিধবা পেঞ্চন আঁচনিৰ পুঁজি মুকলি প্ৰক্ৰিয়া সৱলীকৰণ কৰিলে অসম চৰকাৰে। কালি মূখ্যমন্ত্ৰী ড০ হিমন্ত বিশ্ব শৰ্মাৰ সভাপতিত্বত অনুষ্ঠিত হোৱা নিয়মীয়া সাপ্তাহিক কেবিনেট বৈঠকত এই সিদ্ধান্ত লোৱা হয়। এই অনুসৰি এতিয়াৰ পৰা উল্লেখিত আঁচনি দুখনৰ চিলিঙৰ বাবে বিত্ত বিভাগৰ অনুমোদন প্ৰয়োজন নহ’ব। বিভাগৰ শীৰ্ষতম সচিবগৰাকীয়ে দিব এই অনুমোদন আৰু এই আঁচনি দুখনৰ অধীনৰ হিতাধিকাৰীসকলে প্ৰতিমাহৰ ১০ তাৰিখে নিয়মীয়াকৈ তেওঁলোকৰ পেঞ্চন লাভ কৰিব। অসম চৰকাৰৰ এই গুৰুত্বপূৰ্ণ সিদ্ধান্তৰ বাবে পঞ্চায়ত আৰু গ্ৰামোন্নয়ণ বিভাগৰ মন্ত্ৰী ৰণজিৎ কুমাৰ দাসে মূখ্যমন্ত্ৰী ড০ শৰ্মাৰ লগতে কেবিনেটৰ সতীৰ্থসকলক আন্তৰিক কৃতজ্ঞতা জ্ঞাপন কৰিছে। পুঁজি মুকলি প্ৰক্ৰিয়াৰ এই সৱলীকৰণে উল্লেখিত আঁচনি দুখনৰ অধীনত বৰ্তমানলৈ থকা ১৫ লাখতকৈ অধিক পেঞ্চনাৰলৈ নিৰ্দ্ধাৰিত সময়ত মাহিলী প্ৰদান সুনিশ্চিত কৰিব বুলিও তেওঁ কয়। উল্লেখ্য যে, শ্বহীদ কুশল কোঁৱৰ সাৰ্বজনীন বৃদ্ধ পেঞ্চন আঁচনিৰ অধীনত এতিয়ালৈ ১২,৫৬,৮৯৮ গৰাকী হিতাধিকাৰীয়ে পেঞ্চন লাভ কৰি আছে আৰু নতুনকৈ হোৱা অনুমোদনৰ সৈতে এই আঁচনিৰ অধীনত সৰ্বমুঠ ১৩,১৫,৭৫৯ গৰাকী হিতাধিকাৰী হৈছেগৈ। আনহাতে ইন্দিৰা মিনি সাৰ্বজনীন বিধবা পেঞ্চন আঁচনীৰ অধীনত ইতিমধ্যে ১,৭০,০৩৪ গৰাকী বিধবা মহিলা উপকৃত হোৱাৰ লগতে নতুন অনুমোদনৰ সৈতে বৰ্তমান এই আঁচনিৰ অধীনৰ হিতাধিকাৰী সংখ্যা হৈছে ১,৮৫,৩৩২ গৰাকী। দুয়োখনেই আঁচনিয়েই সাৰ্বজনীন ৰূপত ৰূপায়িত হৈ থকাৰ বাবে আগন্তুক দিনত হিতাধিকাৰীৰ সংখ্যা আৰু অধিক হবগৈ। এই আঁচনিৰ সুবিধা ল’বৰ বাবে যোগ্যসকলো ব্যক্তিকে আগবাঢ়ি আহি এই আঁচনিৰ দ্বাৰা উপকৃত হ’বলৈ মন্ত্ৰী দাসে আহ্বান জনাইছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন