যাত্ৰা জগতৰ অন্যতম যাত্ৰদল নাট্যদল যুগান্তৰে বিগত দহটা বৰ্ষ সফলতাৰে অতিক্ৰম কৰি ৰাইজৰ আশীষ তথা সাদৰ মৰমৰ ফলস্বৰূপে এইবেলি ২০২৪-২৫ নাট্যবৰ্ষৰ ব্যয়বহুল প্ৰযোজনাৰে একাদশ বৰ্ষৰ বলিষ্ঠ পদক্ষেপ হিচাপে সামাজিক আৰু ধৰ্মমূলক দুখনকৈ নাট লৈ আজি নাট্যদল যুগান্তৰৰ শুভ-নাট্যাৰম্ভ কৰা হয়। দক্ষিণ কামৰূপৰ পলাশবাৰী সমষ্টিৰ জটীয়া (জজি)ত প্ৰাণ পাই উঠা অসমৰ আগশাৰীৰ যাত্ৰাদল নাট্যদল যুগান্তৰত এইবেলি জয়ন্ত ঠাকুৰীয়াৰ ৰচনা আৰু পৰিচালনাৰে সমাজৰ প্ৰতিজন ব্যক্তিয়ে উপভোগ কৰিব পৰাকৈ বিভিন্ন কাৰিকৰী কৌশল তথা শৃংখলাবদ্ধভাৱে ৰাইজৰ মাজলৈ ‘মাজ নিশাৰ চিঞৰ’ আৰু একেগৰাকী নাট্যকাৰৰে অভিযোজনাৰে ধৰ্মমূলক নাট ‘মায়াশক্তি’ দৰ্শকে উপভোগ কৰিব পাৰিব। যুগান্তৰৰ প্ৰতিষ্ঠাপক প্ৰযোজক পূৰ্ণকান্ত ডেকাৰ সভাপতিত্বত অনুষ্ঠিত নাট উন্মোচনী সভাত নাট উন্মোচক হিচাপে উপস্থিত থাকি বিশিষ্ট নাট্যকাৰ, অভিনেতা, পৰিচালক তৰুণ কলিতাই ‘মায়াশক্তি’ আৰু জ্যেষ্ঠ সাংবাদিক, নাট্যকাৰ তথা বিষ্ণু জ্যোতি নাট্য গোষ্ঠীৰ প্ৰযোজক বিপুল দাসে ‘ মাজ নিশাৰ চিঞৰ’ শীৰ্ষক নাট উন্মোচন কৰে। লগতে আখৰা গৃহ মুকলি কৰে সাংস্কৃতিককৰ্মী নিলমণি তালুকদাৰে আৰু নাৰিকল ভাঙে শুভকাংক্ষী সূৰ্য্যকান্ত দাসে। উক্ত নাট শুভাৰম্ভ অনুষ্ঠানত উপস্থিত থাকে শুভকাংশী কুশল বৰুৱা, ডিম্বে মেধী, ৰঘুৰাম দাস সহিতে বহুকেইগৰাকী গণ্যমান্য ব্যক্তি। দুয়োখন নাটেই ৰাইজৰ সমাদৰ লাভ কৰিব বুলি আশাবাদী নাট্যদলটোৰ প্ৰযোজক মনোজ দাস, ব্যৱস্থাপক বিমল মজুমদাৰ, সম্পাদক জয়ন্ত দাস আৰু পৰিকল্পক দিবাকৰ দাসে। নাট্যদলটোৰ সংগীতৰ দায়িত্বত থাকিব সংগীত শিল্পী মনোজ দাস সহ নাট্যদল যুগান্তৰৰ পৰিয়ালবৰ্গই।
Trending
- বাৰে ৰহণীয়া কাৰ্যসূচীৰে আই এ এছ এছ টিৰ ৪৮ সংখ্যক প্ৰতিষ্ঠা দিৱস পালন
- অসম ৰাজ্যিক চলচ্চিত্র বিত্ত আৰু উন্নয়ন নিগমৰ ভাৰপ্ৰাপ্ত অধ্যক্ষ হিচাপে আলেখ্য বৰুৱাক দায়িত্ব প্ৰদান
- শিল্পী ডল সিনহাৰ বিষ্ণুপ্ৰিয়া মণিপুৰী গীতৰ মিউজিক ভিডিঅ’ জনম জনমে উন্মোচন
- গুৱাহাটী বিশ্ববিদ্যালয়ত ৮০ অধিক ছাত্ৰীক মুখ্যমন্ত্ৰীৰ নিযুত মইনা আঁচনিৰ চেক বিতৰণ
- এয়াৰটেলৰ সৈতে ইউটিউবৰ অংশীদাৰিত্ব: প্ৰিপেইড গ্ৰাহকৰ বাবে ইউটিউব প্ৰিমিয়ামৰ সুবিধা
- পৰিৱেশ সংৰক্ষণৰ লক্ষ্যৰে উত্তৰ-পূব সীমান্ত ৰেলৱেৰ ১২ খনতকৈ অধিক যাত্ৰীবাহী ৰে’ল বৈদ্যুতিক ট্রেকচনলৈ পৰিবৰ্তন
- সতৰ্কতা সজাগতা অভিযানত পথিকৰ উদ্যোগত চি আৰ পি এফৰ গুৱাহাটী গ্ৰুপ চেণ্টাৰত বাটৰ নাট প্ৰদৰ্শন
- দিহানামক বিশ্বৰ দৰবাৰলৈ নিয়াৰ লক্ষ্যৰে সমন্বয়ৰ বার্তা বিলাইছে জালুকবাৰীৰ খানামুখৰ জ্ঞানমালিনী বিকশিত নামতি দলে
- Sainik school Goalpara crowned Assam State champion of WWFs wild wisdom Global challenge
- একক খেতিৰ পৰিৱৰ্তে বছৰত ২-৩ টা খেতি কৰাৰ লগতে উদ্যান শস্যত বিশেষ গুৰুত্ব প্ৰদান কৰিবলৈ কৃষকসকলক আহ্বান মন্ত্ৰী হাজৰীকাৰ