গুৱাহাটী মহানগৰীৰ পাৰ্শ্বৱৰ্ত্তী দিপৰ বিলক পর্যটকৰ আকৰ্ষণৰ কেন্দ্ৰ বিন্দু হিচাপে গঢ়ি তোলাৰ বাবে ৰাজ্য চৰকাৰৰ বন বিভাগৰ সহযোগত অসম পর্যটন উন্নয়ন নিগমে এক প্রকল্প নির্মাণৰ সিদ্ধান্ত গ্রহণ কৰিছে । নানা পৰিভ্ৰমী চৰাইৰ ৰম্যভূমি হিচাপে পৰিচিত দিপৰ বিলৰ সৌন্দৰ্য দেশ বিদেশৰ পৰ্যটকক উপভোগ কৰাৰ সুবিধা দিবলৈ ইয়াৰ সমীপত এক আন্ত : গাঁথনি নিৰ্মাণ কৰাৰ বাবে কালি ৰাজ্যৰ পৰ্যটন , শক্তি , ক্রীড়া আৰু যুৱ কল্যাণ আৰু সাংস্কৃতিক মন্ত্রী বিমল বৰা অধ্যক্ষতাত তেওঁৰ সভাকক্ষত বহা এক সভাত এই সিদ্ধান্ত গ্রহণ কৰা হয় । সাংস্কৃতিক আৰু পর্যটন বিভাগৰ অতিৰিক্ত মুখ্য সচিব পৱন কুমাৰ বৰঠাকুৰ , বন বিভাগৰ অতিৰিক্ত প্রধান বন সংৰক্ষক মহেন্দ্ৰ কুমাৰ যাদব , পর্যটন বিভাগৰ সঞ্চালিকা মধুমিতা ভাগৱতীকে ধৰি পৰ্যটন উন্নয়ন নিগম আৰু কামৰূপ মহানগৰ জিলা প্ৰশাসনৰ কেইবাগৰাকীও বিষয়াৰ উপস্থিতিত এই সিদ্ধান্ত গ্রহণ কৰা হয় । সভাত হোৱা আলোচনাত পশ্চিম গুৱাহাটী বিধানসভা সমষ্টিৰ বিধায়ক ৰমেন্দ্ৰ নাৰায়ণ কলিতায়ো ফোন যোগে অংশগ্ৰহণ কৰে । সভাত লোৱা সিদ্ধান্ত মৰ্মে গুৱাহাটী মহানগৰীৰ সমীপতে অৱস্থিত দিপৰ বিলক পৰ্যটকৰ আকৰ্ষণৰ কেন্দ্র বিন্দু হিচাপে গঢ়ি তোলা আৰু এই উদ্দেশ্যে সম্প্ৰতি বিলৰ পাৰত থকা বন বিভাগৰ আন্ত : গাঁথনি এই প্রকল্পৰ আধাৰত পুনৰ নিৰ্মাণৰ সিদ্ধান্ত গ্রহণ কৰি তাতেই পর্যটকৰ বাবে প্রয়োজনীয় সা – সুবিধা গঢ়ি তোলা হ’ব । এই প্ৰকল্পৰ অধীনত এটি একুৰিয়াম , নীৰিক্ষণ স্তম্ভ ( ৱাটছ টাৱাৰ ) , নাও চলোৱাৰ স – সুবিধা , কেন্টিন আৰু সুবিধাজনক পাঁচ স্থানত ব’ট হাউছ নিৰ্মাণ কৰা হ’ব । ইয়াৰ বাবে বহুদিন ধৰি চিন্তা – চৰ্চা কৰি থকা হৈছে যদিও আজি এই সন্দর্ভ সিদ্ধান্তত গ্রহণ কৰা হয় । ইতিমধ্যে এই প্রকল্পৰ বাবে ৰাজ্য চৰকাৰে বাজেটত চাৰি কৌটি টকা নিৰ্দ্ধাৰণ কৰি থৈছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন